MODIFICACIÓN DAS NOFC

Tal e como se informou no Consello Escolar do pasado 30 de xuño de 2022, engadiuse un novo punto ás NOFC relativas ao reagrupamento dos cursos 1º, 3º e 5º de EP no caso de estar desdobrados con anterioridade.

No punto 5.1.11. do documento (pax 65) podedes consultar a xustificación pedagóxica de dita medida así como os criterios para levala a cabo de ser o caso.

Dita modificación entra en vigor o vindeiro curso 22-23 polo que no caso do alumnado que cursará 5º de EP levarase a cabo dito reagrupamento. Neste caso, as familias serán avisadas a principios de setembro polos titores do grupo que lle corresponde ao seu fill@.

Adxunto, podedes visualizar as NOFC  do centro.

 

LISTAXE DEFINITIVA DE AXUDA LIBROS E MATERIAL

Informamos que xa foi publicada a LISTAXE DEFINITIVA de Axudas do FondoLibros.

Pódese consultar coa CHAVE 365 ou na Xefatura de Estudos ata o día 13 de Xullo en horario de 10 a 13 horas.

LISTAXE PROVISIONAL AXUDAS LIBROS E MATERIAL CURSO 2022/2023

Informamos que xa está publicada a Listaxe Provisional de Axuda do Fondo Libros tanto de texto como de material. 

En cumprimento coa ¨Ley General de Protección de Datos" a publicación só se levará a cabo na Xefatura de Estudos.

Tamén se pode consultar coa "Chave 365".

  • - Prazo de reclamación: ata o 6 de Xullo.
  • - Listaxe definitiva: 8 de Xullo.
  • - Recollida de vales no centro: do 4 ao 12 de Xullo en horario de 10 a 13 horas.

Información comedor escolar curso 2022-2023

IMPRESOS PARA SOLICITAR COMEDOR PARA O VINDEIRO CURSO 2022- 2023.

 Adxuntos tamén no apartado de Secretaría (Autodeclaracións e información comedor escolar).

 

 

 

 

 

 

 

 

Resumo dos traballiños na horta

No seguinte vídeo podedes ver un resumo con todas as tarefas, traballos e actividades arredor do noso horto escolar coordinado pola profe Elia. Agradecemos a todo aquel que fixo posible que se puidesen levar a cabo, a súa implicación: familias, alumnos, profesorado, Tamara, a nosa formadora, etc. Agora toca desfrutar do verán. Vémonos en setembro!

 

BOLSAS E AXUDAS PARA O ALUMNADO CON NECESIDADE ESPECÍFICA DE APOIO EDUCATIVO PARA O CURSO 22-23

No seguinte enlace atoparedes toda a información relativa á solicitude de bolsas e axudas para alumnado con necesidade específica de apoio educativo.

O prazo de presentación de solicitudes é dende o 19 de maio ata o 30 de setembro (ámbolos dous incluídos)

Os gabinetes ou centros de reeducación aos que acoden os alumnos xa poden comezar a tramitar ditas solicitudes.

O Departamento de Orientación recollerá as solicitudes para proceder á súa validación dende o ata o 30 de setembro así como para informar e tratar de resolver todas as dúbidas que puideran xurdir.

É obrigatorio pedir cita con anterioridade:

- Chamando ao teléfono do centro 988237000

- Enviando un correo electrónico ao enderezo rbautista@edu.xunta.gal 

 

PREMER PARA ACCEDER A TODA A INFORMACIÓN

LETRAS GALEGAS

 

A Asociación Veciñal San Breixo de Seixalbo invítanos a participar con eles buscando as palabras máis fermosas da nosa lingua: agarimo, bico, ruliña, feitiño...

Animádevos a participar e a encher todo Seixalbo de palabras "bonitiñas".  

 

 

 

OURENCANTO 2022

Esta fin de semana, 23 alumn@s do noso cole xunto coa nosa mestra de Música participan no OURENCANTO (IV Encontro de coros infantís, xuvenís e coros escolares)

Onte día 23, a xornada tivo lugar no Conservatorio.

Hoxe ensaian en xornada de mañá e tarde no Auiditorio Municipal, sendo o concerto de clausura de 19:00 a 21:00h.

Compartimos algunha foto dos ensaios, así como un enlace para quen desexe ver o concerto en "streaming".

 

 

NORABOA A TOD@S @S PARTICIPANTES

"O CAZO DE LORENZO" Contacontos no día internacional do Síndrome de Down

O luns 21 de marzo celébrase o Día Internacional do Síndrome de Down e na BIBLIOTECA PÚBLICA DE OURENSE, teñen un acto organizado pola asociación Down Ourense, un contacontos para nenos e nenas de 6 a 12 anos "O cazo de Lorenzo" aberto a todo o mundo.

Será o propio día 21 ás 18:00h.

As prazas son limitadas polo que podedes facer a inscrición nos teléfonos 988 788385/386.

Non volo perdades!!

XORNADA DE PORTAS ABERTAS

Hoxe a nosa biblioteca acolleu ás familias que pode que nun futuro sexan parte da nosa comunidade educativa. Celebramos unha xornada de portas abertas e para recibilas a biblioteca pareceunos o mellor  dos lugares. Alí lles expliacamos as nosas liñas prioritarias, proxectos, organización etc e Leo, a nosa mascota, presente tamén, agasallou a cada neno cun simpático nariz de diferentes cores. Grazas familias por vir a coñecernos!

 


 
 
 

 

Powered by Drupal - Design by artinet