Complementarias

CHARLAS PLAN DIRECTOR: RISCOS DE INTERNET E ACOSO ESCOLAR

Un ano máis, o noso centro solicitou charlas informativas dirixidas ao alumnado de 5º e 6º seguindo o Plan Director para a convivencia e a mellora da seguridade nos centros educativos e nos seus contornos.

 

As charlas foron impartidas por parte de membros das Forzas e Corpos de Seguridade do Estado. 

As sesións desenvolvéronse os pasado 17 de Outubro: "riscos das novas tecnoloxías e internet" dirixida ao alumnado de 6º de EP e "acoso escolar" destinada ao alumnado de 5º de EP

 

8 M "Viaxando pola igualdade"

Non podiamos celebrar de mellor xeito o 8 M que falando, descubrindo e aprendendo o que fixeron algunhas mulleres destacadas nos diferentes países que estamos a traballar en cada aula dentro do PDI "Recordos na maleta". Dar importancia e poñer en valor o traballo e aportacións de moitas mulleres ao longo da historia axuda a fomentar o respeto e a igualdade de xénero e que haxa tamén referencias femininas para o noso alumnado. Por ese motivo cada curso investigou sobre unha muller do país que está a traballar. Co material realizado fixemos un gran mural na entrada ao centro, todo grazas a iniciativa do Equipo de Convivencia.

 



 

 


 

 

 


 

 
Na clase de 5 anos A quixeron facer unha homenaxe a todas as mulleres que inciden na súa aula tanto alumnas coma profesoras e no taboleiro que está á entrada da clase puxeron todas as fotos con adxectivos que as definen.

 Tamén na clase de terceiro prepararon un traballo sobre mulleres galegas que titularon "Mulleres galegas que abriron camiño".

 

Con motivo desta celebración durante quince días contamos cunha exposición de carteis titulada EXXPERIMENTA EN FEMININO. Trátase de 14 pósters distribuídos polos diferentes corredores do centro sobre mulleres cun destacado papel na investigación científica e tecnolóxica. De cada protagonista podemos ler cales foron as súas aportacións e os premios e recoñecementos que recibiu. Con ela preténdese que o alumnado poida coñecer a presenza feminina nestes campos, instaurándose así novos modelos femininos. Durante estes días o alumnado percorre o centro buscando información nos distintos paneis que logo comentan,






 
 







 
E como non, a música do timbre tamén está adicada as mulleres. Esta semana sona: "Nais e avoas" de Pauliña, do seu disco "A Malfalada"
 

Resumo dos traballiños na horta

No seguinte vídeo podedes ver un resumo con todas as tarefas, traballos e actividades arredor do noso horto escolar coordinado pola profe Elia. Agradecemos a todo aquel que fixo posible que se puidesen levar a cabo, a súa implicación: familias, alumnos, profesorado, Tamara, a nosa formadora, etc. Agora toca desfrutar do verán. Vémonos en setembro!

 

FIN DE CURSO 20-21

Achégase o día de despedida dun curso cheo de dúbidas, medos, nervios... 

Un curso no que unha vez máis os nos@s nen@s nos transmitiron e contaxiaron unha gran dose de enerxía positiva, entusiamo, capacidade de adaptación...

Merecen cando menos un final de curso festivo, alegre e con moita moita troula!!!

É un pracer contar coa presenza no noso centro de grandes artistas!!!

 

 GRAZAS  á ANPA  do noso cole pola colaboración e subvención de parte das actividades!!!

GRAZAS POR FACER POSIBLE UNHA DESPEDIDA DE CURSO COMO OS NOS@S NEN@S MERECEN!!!

 

Yolanda, a nosa profe de música tennos preparada unha selección de cancións para que comecemos a practicar.

COMEZAMOS???

 

 

Añadir un poco de texto de ROSA BAUTISTA LEJO

Día da familia 2021

O 15 de maio celébrase o "Día Internacional da familia". O Equipo de Convivencia do CEIP de Seixalbo propuxo agasallar ás familias cunha plantiña que simboliza o compromiso, adicación, responsabilidade e constancia que require tanto a familia como o seu coidado. O seu obxectivo é reforzar o vínculo familiar a través do seu coidado converténdose nun "membro" máis da familia.

 

"A familia é coma as raíces dunha planta. Cada unha medra na súa dirección , pero as raíces son as mesmas."

Día da árbore 2021

O luns 22 de marzo fixemos unha pequena actividade para conmemorar o Día da árbore. Grazas á colaboración do axente forestal, Santos, os alumnos de quinto e sexto recibiron unha pequena explicación acerca das árbores para logo proceder á plantación dunha delas. Tamén forma parte do noso entorno unha nova maceira que substitúe a unha anterior que houbo que talar. Aproveitando o tronco desa maceira talada fixéronse carteis co nome de cada unha das árbores do noso cole que colocaron as diferentes clases. Na seguinte presentación podedes ver un vídeo e as fotos da xornada.

DÍA DE ROSALÍA DE CASTRO 2021

O día 24 de febreiro, é o día da nosa ROSALÍA DE CASTRO.

A continuación compartimos unha presentación das diferentes actividades organizadas dende o Equipo de Dinamización da Lingua Galega: elaboración dun mural decorado con adxectivos que definen a personalidade de Rosalía (relacionados co manifesto lido pola Asociación de Escritoras e Escritores en Lingua galega), propostas arredor da versión que “The Lelli Kellies” fai do poema da escritora “A clase é un galiñeiro”, coreografías da canción “Non me asombres, negra sombra” (Sebastian Black e Its Soul) elaboradas na área de Educación Fïsica nos cursos de 5º e 6º de EP…

Actividades todas cun fin único… gozar da nosa cultura!!!

Preparados para divertivos?

 

                                                                                                                                                Podedes ver tamén esta actividade a través do seguinte código QR, unha ferramenta moi útil na actualidade.
 
 

Día da Muller 2021

O 8 de marzo é unha data sinalada no calendario que non podiamos pasar por alto. Así pois este ano o Equipo de Convivencia propuxo a elaboración de diferentes murais por aulas nos que se fixeran unha homenaxe a todas as mulleres que loitaron e seguen a loitar para conseguir vencer ao covid. O lema que guiou a actividade foi: "Heroínas fronte ao Covid". Unha vez expostos os diferentes traballos, todos de gran calidade e sensibilidade, disfrutamos inmortalizando a celebración desta data facendo fotos nos diferentes photocall. Na seguinte presentación podedes ver un vídeo e as fotos da xornada. 

Infantil celebra o Samaín

Para celebrar o Samaín os nenos e nenas da etapa de Infantil realizaron durante os recreos da semana uns xogos moi divertidos e terroríficos. Neste vídeo podedes ver que ben o pasaron.

 

Incubamos ovos

Durante o mes de marzo o equipo de E. Infantil levou a cabo unha actividade coa Asociación AVIMOS coa que nos puxo en contacto a mamá de Aldara e Xián grazas ao labor que desempeña no Centro de recursos zooxenético de Galicia. Ante o bo acollemento que tivo decidiron extendela ao resto do alumnado de Primaria que poideron gozar en maior ou menos medida do proceso de incubación dos ovos prestados ao centro pola Asociación AVIMOS. 

 

DÍA MUNDIAL DA SÍNDROME DE DOWN

O 21 de marzo tivemos unha celebración diferente, unha celebración dende as nosas casas.

 

A continuación podedes ver un vídeo que que é un pequeno resumo.

 

Un vídeo feito con moitísimo cariño, tanto cariño como o que lle temos á nosa alumna. Este día e este traballiño vai adicado a ela como non podía ser doutra forma.

Con ela e dela aprendemos dende o primeiro momento que a coñecemos, dende o inicio deste curso.

GRAZAS por contaxiarnos a túa ledicia, o teu entusiasmo, a túa insistencia nos teus gustos...  De ti aprendemos a ser felices con todas e cada unha das cousas que acontecen. 

Ben é certo que detrás túa está unha gran familia á que estamos moi moi agradecidas. Grazas por dar sentido ás palabras amor e compromiso. NORABOA con maiúsculas!!!

Tan DIFERENTES como IGUAIS

 

... es que los demás... NO LOS LLEVAN BIEN

(Maldita Nerea)

 

 

 

 

 

Seguiremos medrando xunt@s!!!

Moitas grazas a tod@s por animarvos a participar

 

 

 

 

 

Día da auga e da árbore

Hoxe 22 de marzo celébrase o Día Mundial da auga, un ben natural esencial para a vida e que non sempre valoramos. Nestes días que estamos a vivir somos máis conscientes da súa importancia pois continuamente nos recordan a necesidade de lavar ben as mans con auga e xabón como medida preventiva contra o coronavirus. Ademáis, onte 21 de marzo coincidindo coa chegada da primavera celebrouse  o Día da Árbore, para recordarnos a importancia de protexelas e coidalas. Dende o CEIP de Seixalbo non podiamos pasar por alto estas datas  ligadas ao noso proxecto de centro "Salvemos o globo". Así pois deixámosvos algunha proposta para que compartades en familia. 

Un GRAN DÍA, Un GRAN RETO #DiaMundialSindromeDown #YoMeQuedoEnCasa

Mañá 21 de Marzo é o DÍA MUNDIAL da SÍNDROME de DOWN e non podemos deixar de reivindicar o respecto pola diversidade e a inclusión, esenciais en tempos difíciles.

Down Galicia e tamén Down Ourense xa nos comunicaron que teñen cancelados os seus actos conmemorativos en responsabilidade coa emerxencia sanitaria así como para evitar situacións de risco nun grupo especialmente sensible ao coronavirus como son as persoas con Síndrome de Down.

 Do mesmo xeito invítasenos a participar neste 21M "atípico" levando calcetíns desparellos NA CASA #CalcetinesDesparejados e #DíaMundialSindromeDown

  

 

 

 

 

 

 

 

 

 

 

 

 

 

 

 

 

QUE VOS PARECE?

 Pois nos animámosvos e damos un paso máis; sabedes que a mellor medicina para combater o Coronavirus é QUEDAR NA CASA pero... NON TODOS PODEMOS QUEDAR NA CASA!!! Hai moitos profesionais que saen a diario a loitar, a facer un gran esforzo por e para tod@s nós: persoal sanitario, persoal que traballa nos supermercados, sector transporte, persoal de limpeza, forzas de seguridade, persoal de asistencia a maiores e dependentes... e un longuísimo etc 

 Pois, por que non facemos a nosa particular reivindicación do NOSO COLE DE SEIXALBO?

 

1. Mañá 21M levemos calcetíns desparellos por todas e cada unha das persoas con Sindrome de Down

2. Fagamos un debuxo da temática que prefirades (igual xa o fixestes estes días) : inclusión, diversidade, o famoso arco da vella... e poñámoslle algunha mensaxe ou "hastag" (TAN DIFERENTES COMA IGUAIS, EU QUEDO NA CASA, TODO VAI SAÍR BEN, DÍA MUNDIAL DA SINDROME DE DOWN...) ademáis de dar as grazas a tod@s @s profesionais que saen a loitar. Nese debuxo incluiredes o nome do noso cole.

3. Saquemos unha foto na que aparezamos cos calcetíns NA NOSA CASA (poden non saír as nosas caras) e na que ademáis "se queredes" saia o voso debuxo.

 

OPCIONAL: envialo ao noso correo orientaseixalbo@gmail.com

No correo debedes poñer os seguintes datos: Nome e apelidos, curso e MOI IMPORTANTE autorización das vosas famlias para publicalo (nesta ocasión e seguindo a lei de protección de datos, non vale a autorización que temos no colexio xa que son fotos sacadas no ámbito familiar)

Aquí tedes un exemplo de autorización que servirá tamén se decidides participar en máis actividades que se organicen dende o centro durante o período da corentena. Aclarar que non ten por que ser esta mesma autorización, podedes escribila a man se vos é máis cómodo. Deben aparecer todos os datos e debe ESTAR ASINADA.

As fotos recibidas iranse publicando pouco a pouco na web e finalmente faremos un vídeo para a nosa canle de YOUTUBE e así darlle máis visibilidade.

 

AHHHHH!!!! e lembrade que o voso debuxo podedes pegalo nas ventás para facelo máis visible e ao mesmo tempo para animar aos/ás vosos/as veciñ@s

 

ANIMAMOS A TODA A COMUNIDADE EDUCATIVA A PARTICIPAR!!!!!!!

 

TODO VAI SAÍR BEN!!!!!

 

 Finalmente dar as grazas á nosa coordinadora de TICS pola elaboración do anuncio que podedes ver a continuación, un anuncio que intenta anirmarnos a tod@s a participar nesta actividade; unha actividade que nos fai moitííííiísima ILUSIÓN

 

 

 

 

Entroido 2020

Durante varias semanas a actividade no cole foi frenética. Había que ter todo preparado para o gran día do desfile de entroido, este ano, o venres 21 de febreiro. Desde o cartel anunciando a celebración. pasando pola creación de disfraces e complementos, os bailes, a pancarta etc... Foron moitas as persoas que fixeron posible este día, persoal docente e non docente, familias, nenos e nenas, veciños e veciñas... Ata o día se puxo da nosa parte e acompañounos cun magnifico e brillante sol durante toda a xornada.

O proxecto deste ano "Salvemos o globo" foi o punto de partida á hora de pensar nos deseños dos disfraces dos diferentes cursos. Así, en Infantil dedidiron ser heroes e heroinas dispostos a salvar o Planeta como o Capitán Verdemán, o personaxe dese conto que tanto lles gustou aos nenos e nenas. En primeiro optaron polas enerxía renovables e o seus disfraces de muíños non pasaron desapercibidos. En 2º de primaria escolleron os colectores azul e amarelo para levar postos dun xeito moi orixinal con todos os detalles. En 3º quixeron poñerse na pel dun mundo enfermo e vestíronse como tal, con termómetro e vendaxes incluídas. En 4º escolleron os coches eléctricos como alternatva aos de combustibles para reducir a emisión de gases. Os nenos e nenas de 5º lucían coquetas pancartas deixando claro que o cole de Seixalbo aposta pola reciclaxe e xa os maiores de cole desprazáronse cara aos polos onde o desxeo xa é un feito e puxéronse na pel de osos e pingüíns ante semellante realidade. O resultado foi moi colorido e o desfile non deixou indiferente a ninguén. Xa na praza maior os diferentes cursos bailaron para o deleite de todo o público, que ademais este ano tiñan a súa disposición un posto de doces e receitas variadas do entroido co que podían colaborar para a excursión de final de curso dos rapaces e rapazas de 6º. Unha charanga acompañounos durante o desfile poñendo a nota alegre da xornada. Moitas grazas ás perosas que o fixeron posible!! Aquí vos quedan vídeos e fotos do entroido deste ano.

Xogo de clasificación de lixo

Durante varias semanas, todos os alumnos do cole realizaron unha interesante actividade enmarcada dentro do Proxecta "En tratos co lixo". Despois dunha breve explicación de presentación dos diferentes colectores e do que se deposita en cada un deles, realizaron un entretido xogo para ver se eran quen de clasificar correctamente os diferentes residuos que xeramos diariamente. Aínda que parece sinxelo déronse conta de que todos cometemos agún erro á hora de facelo e de que temos que tomar consciencia diso para mellorar os nosos comportamentos medioambientais. Aquí vos queda o vídeo da actividade.

O "RECUNCHO" do cole de Seixalbo

Achégase o gran día do desfile do Entroido polas rúas de Seixalbo e as familias do alumnado de 6º teñen preparado un recuncho con moitas sorpresas, un recuncho destinado a recadar diñeiro para a excursión de fin de curso do alumnado que finaliza a etapa de Educación Primaria.

Sen lugar a dúbida UNHA GRAN INICIATIVA!!! 

 

Aproveitamos para lembrar que o alumnado debe ir SEMPRE co seu grupo de referencia e os/as seus/súas mestres/as. Os alumnos/as non poden levar diñeiro porque NON poden achegarse a mercar.

Preparando o Entroido 2020

Só queda unha semana para que saiamos  lucir polo pobo os deseños dos nosos disfraces deste ano. O tema escollido está relacionado co coidado do medio ambiente. Non podía ser doutra forma, pois enmárcase dentro do noso proxecto "Salvemos o globo", así como no PROXECTA "Escolas verdes". Aquí vos deixamos o cartel anunciador do desfile con toda a información.

Día da Paz 2020

Hoxe 30 de xaneiro celebramos o Día Escolar da Paz e non violencia cunha homenaxe a persoa de Wangari Maathai, primeira muller africana en recibir o Premio Nobel da Paz en 2004, pola súa contribución ao desenrolo sostible, a democracia e a Paz, fundando o Movemento "Cinturón Verde". Duante estas semanas profundizamos na súa historia lendo ou vendo o conto "Wangari e as árbores da Paz". A partir dese conto, os nenos e nenas de 2º A e B e os/as de de 4º B fixeron as súas propias ilustracións. Os compañeiros/as de sexto A e B fixeron a narración e con todo ese material elaborouse o video do conto que podedes ver máis abaixo. Nel tamén aparecen outros traballos que realizaron as demais clases. Hoxe reunímonos todos no salón de actos para o seu visionado. Despois do mesmo, cada neno/a para dar continuidade á iniciativa de Wangari, "plantou" unha árbore cunha mensaxe nun mural coa imaxe de Wangari colocado na entrada á biblioteca. Aquí vos deixamos fotos e vídeos do día de hoxe.

Paralelamente a esta actividade, os alumnos de sexto, xunto cos seus titores presentaron un novo vídeo de sensibilización, enmarcado no Proxecta. Buscaron imaxes nas que se reflexan os efectos das guerras no medio ambiente, pois case sempre á hora de facer balance das mesmas contabilízanse vítimas persoais, sendo o noso planeta a vítima olvidada. Aquí vos queda tamén o vídeo do seu traballo.

INTRODUCCIÓN Á COMUNICACIÓN BIMODAL

A comunicación bimodal é un sistema alternativo e aumentativo da comunicación na cal se asocian dúas modalidades: signada e falada.

A comunicación é bimodal cando simultáneamente se emprega a fala xunto aos signos, é dicir, a modalidade oral-auditiva xunto á modalidade visual-xestual.

O pasado mes de novembro  tivemos a sorte de achegar aos nosos alumnos á comunicación BIMODAL da man de Sonia e Fany da asociación DOWN OURENSE. Foi unha sesión nas que tamén se levaron a cabo dinámicas para favorecer a interacción do grupo así como o coñecemento mutuo.

Foi un pracer traballar con Sonia e Fany. Seguro que repetiremos!!!

 

VER FOTOS E VIDEOS NO SEGUINTE ENLACE https://photos.app.goo.gl/gF7ewYm3ZfuH2yM16

CHARLAS POLICÍA NACIONAL: Riscos das novas tecnoloxías e acoso escolar

O noso centro solicitou charlas informativas dirixidas ao alumnado de 5º e 6º seguindo o Plan Director para a convivencia e a mellora da seguridade nos centros educativos e nos seus contornos.

 

As charlas foron impartidas por parte de membros das Forzas e Corpos de Seguridade do Estado. 

 A sesión sobre "riscos das novas tecnoloxías" levouse a cabo o 20 de novembro e a de "acoso escolar" o pasado 21 de xaneiro.

CAMPAÑA DE RECOLLIDA DE XOGUETES

O pasado 17 de decembro dous membros da Asociación Xuvenil Amencer pasaron a recoller os nosos Xoguetes para que puderan chegar a tempo aos seus destinos. 

Dende o centro queremos dar as gracias a TODA A COMUNIDADE EDUCATIVA polas súas aportacións. TODAS as aportacións se fixeron seguindo as recomendacións de PAPA NOEL e o resultado foi espectacular como ven podemos apreciar nas imaxes.

 

Tamén expresar o noso agrademento á ASOCIACIÓN XUVENIL AMENCER pola súa gran labor. 

Contade co noso centro para colaborar en máis campañas e/ou iniciativas. MOITAS GRACIAS!

VISITA DE PAPA NOEL

O pasado 18 de decembro algo aconteceu no noso centro que non deixou indiferente a ninguén, unha visita que foi capaz de emocionar a toda a comunidade educativa.

O noso centro quere agradecer a colaboración da Asociación veciñal SAN BREIXO de Seixalbo que fixo posible poder vivir unha xornada divertida e moi moi especial.

 

GRACIAS POR ESTAR SEMPRE DISPOSTOS A COLABORAR E TRABALLAR CO NOSO/VOSO CENTRO

Powered by Drupal - Design by artinet