Hoxe, 24 de febreiro de 2015, conmemórase o Día de Rosalía. Esta excelsa escritora galega naceu un 24 de febreiro de 1837.

En toda Galicia son múltiples os actos que recordan a súa vida e obra; desde o colexio Santa María tamén queremos SER ROSALÍA, tal e como podedes ver aquí.

O 21 de febreiro, no noso colexio sumámonos á celebración proposta pola UNESCO desde 1999 para poñer en valor a lingua materna.

Este ano, a conmemoración tivo como centro a educación integradora e inclusiva grazas ás linguas, que servirán para que os alumnos actúen como cidadáns do mundo e para reforzar o sentido de pertenza á comunidade local e á internacional.

O cartel deste ano podédelo ver nesta imaxe.

O pasado venres 13 de febreiro celebramos no colexio a festa do Entroido.

Este ano, seguindo coa nosa tradición dun entroido colexial no que todos imos disfrazados do mesmo xeito, decidimos que o noso disfrace fose de minions, personaxes protagonistas da película Gru, mi villano favorito e que teñen especial significado para os alumnos máis pequenos.

Despois degustamos orellas e freixós, doadas respectivamente polo Anpa e Concello.

Se queres ver algunha imaxe do momento preme aquí.

O pasado 30 de xaneiro celebramos o Día da Paz preparando distintas actividades: murais, pombas, mensaxes de paz, cancións, poemas...

Dende a biblioteca propúxose que se encheran unhas caixiñas con palabras alusivas a valores, igualdade, felicidade etc. Tamén se fixeron uns coridos murais respondendo a: Palabras e sorrisos para a paz, colle a túa.

En todos os cursos traballouse o libro El ladrón de palabras. 

Este ano eliximos como lema: "QUE O VENTO LEVE A PAZ A TODO O MUNDO".

Se queres ollar algunha imaxe preme aquí.

Este ano o festival tivo como centro de interese "Lendas do Nadal"; e baixo este lema preparamos representacións, cancións, panxoliñas, coreografias...

Montamos como de costume a árbore na entrada do colexio que foi adobiada con traballos feitos polos nenos.

Utilizamos cartolinas verdes para facer árbores con gomets, botóns, goma eva...

Tamén elaboramos postais, da cal se escolleu unha representativa para felicitar o nadal aos outros colexios da zona.

Podes ver outras imaxes premendo aquí.

Como todos os anos, no colexio fixemos o noso Magosto, Samaín e Halloween co obxectivo de ser transmisores dos nosos costumes, a nosa cultura e as nosas tradicións.

O pasado xoves 30 de outubro, celebramos estas festas cumprindo cos obxectivos propostos: aprender de maneira lúdica e participativa, acadar unha relación co noso entorno e coñecer o noso acervo cultural.

A ANPA colaborou neste evento aportando as castañas que degustamos todos e  unha divertida obra de teatro.

Podes ver moitos momentos deste día premendo aquí.

Cunha fermosa e soleada mañá, o pasado 22 de outubro, todos os alumnos de primaria fixemos un roteiro por Santaballa.

Visitamos unha modia, mámoa ou medoña, que das tres maneiras se chaman.

Pasamos por Pena Grande, un refuxio natural dos homes primitivos que habitaron esa zona.

Tamén vimos a recreación dunha aldea prehistórica.

Rematanos na escola habaneira "Liga Santaballesa", onde membros da Asociación nos explicaron moitas curiosidades desa escola antiga.

Xa nos tarda un novo roteiro! Se queres ollar algunha imaxe deste día preme aquí.

Outro ano máis participamos no deporte escolar e polo tanto na carreira que tivo lugar na Fraga; a proba de "Campo a través", na que todos os centros de Primaria do Concello estivemos presentes. Colaborou ademais o Concello e a asociación de Anpas Abrente.

O noso colexio obtivo, tanto a nivel individual como grupal, grandes resultados en todas as categorías; gañando tres das seis probas nas que participamos.

Se queres ver imaxes deste encontro premeaquí.

Nos arquivos adxuntos podes consultar a guía de lectura para o verán. 

Este foi o lema para o mes no que traballamos especialmente a lectura con actividades diversas como Mercadillo de libros usados, visita dos escritores Marcos Calveiro e César Candelas, asistencia a unha obra de teatro, animacións á lectura, confección de murais e da Margarida do Día do Libro.

Podedes ver aquí algo do que fixemos