Skip to Content

INICIO DO PROCEDEMENTO DE ADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO 2022/23

FASE DE RESERVA DE
PRAZAS EN CENTROS DE ADSCRICIÓN PARA O ALUMNADO DE 6º DE E.P. PARA O CURSO 2022
– 2023.

O alumnado de 6º de Educación Primaria que pretenda continuar estudos no centro
adscrito ao noso, o IES Monte Carrasco, para os efectos de reserva de praza,
deberá remitir o  formulario normalizado ED550A. Para presentar esta solicitude deberase seguir unha das seguintes tres opcións,
detalladas no enderezo web https://www.edu.xunta.gal/admisionalumnado/

  1. Cubrir a solicitude informaticamente e presentala
    asinada de xeito manual na Secretaría do centro.
  2. Cubrir a solicitude
    informaticamente e asinala na Sede Electrónica
    (precísase Chave 365
    ou Certificado Dixital).
  3. Cubrir a solicitude
    manualmente e presentala asinada presencialmente na Secretaría do centro
    .

 

  • Adxunto
    remítese o formulario ED550A, en castelán e galego.
  • O prazo de
    solicitudes abrangue dende o 11 de xaneiro ao 8 de febrero de 2022, ambos
    incluídos.
  • As
    solicitudes poden presentarse tamén a través do propio alumnado.


Normativa de aplicación:

  • ORDE do 18 de decembro de
    2020
     pola que se modifica a Orde do 12 de marzo de
    2013 pola que se desenvolve o procedemento para a admisión do alumnado en
    centros docentes sustentados con fondos públicos que impartan ensinanzas
    de 2º ciclo de educación infantil, de educación primaria, de educación
    secundaria obrigatoria e de bacharelato reguladas na Lei orgánica 2/2006,
    do 3 de maio, de educación (código de procedemento ED550A e ED550B).
  • ORDE do 25 de xaneiro de 2017 pola que se
    modifica a Orde do 12 de marzo de 2013 pola que se desenvolve o
    procedemento para a admisión do alumnado en centros docentes sustentados
    con fondos públicos que impartan ensinanzas de 2º ciclo de educación
    infantil, de educación primaria, de educación secundaria obrigatoria e de
    bacharelato reguladas na Lei orgánica 2/2006, do 3 de maio, de educación.
  • ORDE do 12 de marzo de 2013 pola
    que se desenvolve o procedemento para a admisión do alumnado en centros
    docentes sustentados con fondos públicos que impartan ensinanzas de 2º
    ciclo de educación infantil, de educación primaria, de educación
    secundaria obrigatoria e de bacharelato reguladas na Lei orgánica 2/2006,
    do 3 de maio, de educación.
  • DECRETO 254/2012, do 13 de decembro, polo que se
    regula a admisión de alumnado en centros docentes sostidos con fondos
    públicos que imparten as ensinanzas de segundo ciclo de educación infantil,
    de educación primaria, de educación secundaria obrigatoria e de
    bacharelato reguladas na Lei orgánica 2/2006, do 3 de maio, de educación.

Menú Comedor Xaneiro 2022

xaneiro

Menú Comedor Decembro 2021

GRABACIÓN CHARLA PROXECTO EDUC-ARQ

Estimadas familias,

Como sabedes, o pasado xoves tivo lugar unha charla online coa arquitecta Mar Penela para informar ás familias sobre o desenvolvemento do proxecto EDUC-ARQ.

Para todas aquelas familias que non poideron asistir a dita charla e queiran poñerse ao tanto do que se tratou, colgamos un link de acceso á grabación da mesma.

 

 

 

Ademais, gustaríanos contar coa vosa participación na seguinte enquisa sobre a transformación do espazo no colexio:

 

https://docs.google.com/forms/d/e/1FAIpQLSeYCsTATQCwFHesG6T3BhEgopgQom2ULWoC0lDJWbSVTFIeFg/viewform

 

 A data límite de participación é ata o 10 de xaneiro.

 

Grazas a todos pola vosa colaboración.

 

REUNIÓN INFORMATIVA EDUC-ARQ

Estimadas familias, 

Como xa anunciamos con anterioridade, este xoves 25 de novembro ás 17.30h haberá unha charla informativa de xeito telemático sobre o proxecto EDUC-ARQ para todas aquelas familias que queiran participar.

Poderedes acceder á reunión clicando no seguinte enlace:

 

ID de reunión: 875 7978 7178

Código de acceso: 703964

Agardámosvos!

 

 

 

PROXECTO EDC+ARQ: “TRANSFORMANDO ESPAZOS”

O pasado curso 2020-21 iniciamos o proxecto multidisciplinar cuxo obxectivo é a transformación e renaturalización de espazos no centro educativo, EDUC+ARQ, e que ten continuidade no 2021-22.

EDUC+ARQ é un proxecto transversal, interdisciplinar e aberto a toda a comunidade educativa. Esta idea de transformar a escola en espazos máis próximos e adaptados ao alumnado permítenos traballar na aula integrando as distintas materias do currículo (matemáticas, lingua, ciencias …) e fomentar a aprendizaxe colaborativa.

Por outra banda, e, como todos e todas sabemos, por mor das restriccións COVID-19, o pasado curso non puidemos facelo extensible ás familias, polo que foi un ano transitorio de formación para docentes e de práctica de actividades internas co alumnado. Neste curso, entramos na fase práctica para a cal estariamos encantados de contar coa colaboración das familias, ANPA, Concello,… Para elo, o vindeiro xoves 25 de novembro ás 17:30 h, e, de xeito telemático, temos programada unha charla informativa contando coa relatora Mar Penela, arquitecta e guía de EDUC+ARQ. O enlace a mesma enviarase vía Abalarmóbil e páxina web.

Na entrada principal do edificio escolar temos unha exposición mural cos traballos do alumnado.

AS FAMILIAS PODEDES APORTAR MOITO NESTE PROXECTO!!

 

 

 

 

ELECCIÓNS DOS REPRESENTANTES DE NAIS, PAIS E TITORES/AS LEGAIS AO CONSELLO ESCOLAR

A información deste proceso poden atopala na seguinte ligazón ELECCIÓNS REPRESENTANTES PAIS, NAIS E TITORES/LEGAIS ou no taboleiro do edificio administrativo do centro ( tamén está a vosa disposición o censo de pais e nais) en horario de 9:25h a 14:35h.

As candidaturas poderanse presentar do 9 ao 16 de novembro na secretaría do centro onde entregaráselles o documento a cubrir. 

 

CALENDARIO ESCOLAR 2021/22 E NORMAS XERAIS DE OBRIGADO CUMPRIMENTO

Adxuntamos calendario escolar do curso 2021/22 e normas xerais a cumprir pola comunidade educativa.

DOCUMENTO INFORMATIVO INICIO CURSO 2021/22 + PERÍODO ADAPTACIÓN ALUMNADO 4º E.I.

Estimadas familias:

Adxuntamos o documento informativo inicio de curso 2021/22.

Desexámosvos bo comezo de curso a toda a comunidade educativa.

 

 

Distribuir contido


by Dr. Radut