SEMANA DA CIENCIA Fonte de aire

A CIENCIA EN GALEGO

A UNESCO declarou o 10 novembro  como Día Mundial da Ciencia para a Paz e o Desenvolvemento, polo que este mes pasou a ser para todos o Mes da Ciencia.

En consonancia con isto, desde hai uns anos o profesorado de Galicia comezou a celebrar en novembro o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida como calquera outra para o ensino e  a divulgación científica.

Durante este mes  os nenos e nenas do noso cole convertéronse en científicos e investigadores. Podedes ver algúns vídeos dos experimentos que realizaron.

 

 

 

 

 

 

 

SEMANA DA CIENCIA Neutralización

O NOSO GALIÑEIRO

Boas a todos e todas.

Como podedes saber de outros anos, o noso colexio ten un galiñeiro propio. O que o mellor non sabedes é como se organizan os nenos e nenas para levar a cabo as funcións de coidado e mantemento.

De xeito moi resumido decir que temos dous grupos de traballo fixo e un que vai variando.

  • Un grupo de coordinación de horta formado por profesores.
  • Un grupo de cordinación de galiñeiro formado por un profesor e varios alumnos e alumnas: alumnado voluntario que xa o ano pasado facía coidados do galiñeiro. Encárganse de ensinar a novos compañeiros as funcións no galiñeiro (comida, limpeza, ovos,…).
  • Un grupo de coidado de galiñeiro que vai rotando cada dúas semanas: aprenden as funcións importantes no coidado do galiñeiro e axudan a manter todo o espazo en boas condicións.

Todas estas funcións citadas realízanse durante os recreos e o alumnado participa voluntariamente.

Isto é todo. Si vós interesa coñecer as función de ecovoluntarios e voluntarios do materialpodedes seguir atentos ao Blog.

 

CASTAÑÓN

Para o Magosto o EDLG , xunto coa biblioteca, propuxo que cada curso elaborase un castañón disfrazado dun personaxe de conto. Ademais, tiña que ir acompañado dunha estrofa de 2 versos.

 

MAGOSTO 2018

SERES MITOLÓXICOS

O Equipo de Dinamización da Lingua Galega propuxo para o Samaín o estudo da Mitoloxía Galega. Cada curso escolleu un ser mitolóxico para investigar sobre el. A maioría dos cursos realizaron unha actividade plástica para colocar no bosque da entrada e tamén fixeron representacións. Entre os seres elixidos están: O Apalpador, a Feiticeira, Pedro Chosco, a Moura, o Trasno, a Santa Compaña, etc.

 

SAMAÍN DO COMERCIO

 

    O Concello organizou unha actividade  pola celebración do Samaín  na que participaron os grupos de terceiro do Centro. Consistiu nun obradoiro  no que elaboraron disfraces de esqueletos e un estandarte. Ademais explicáronlle aos rapaces/as en que consiste a festa do Samaín e cales son as súas orixes e tradicións.

    Despois, recorreron os establecementos comerciais participantes da rúa Barcelona, dos que recibiron castañas e algunha que outra “chuche”.

 

 

    O 31 deste mes haberá un desfile chamado Procesión da Santa Compaña, a partires das 17:30 onde participarán todos os grupos. Para finalizar cunha gran festa do Samaín, que  terá lugar ao finalizar dita procesión, na Praza de María Pita, onde se entregarán 3 premios de 1.500€ cada un aos mellores grupos.

 

 

DÍA EUROPEO DAS LINGUAS

Cada 26 de setembro, dende o ano 2001, celébrase o Día Europeo das Linguas, por iniciativa do Consello de Europa. O obxectivo desta celebración é  promover  a riqueza da diversidade lingüística e cultural de Europa e a aprendizaxe de linguas tanto dentro como fóra dos centros educativos.

 

O CEIP Plurilingüe San Pedro de Visma sumouse á súa celebración elaborando un mural, no que colaboraron todos os grupos. O alumnado de infantil e cursos inferiores de primaria debuxaron nenos e nenas. Os cursos superiores pintaron o mural e buscaron a palabra <OLA> en moitas linguas europeas ás que acompañaron coa súa bandeira. 

 

 

Powered by Drupal - Design by artinet