1º Primaria, 2º Primaria, 3º Primaria, 4º Primaria, 5º Primaria, 6º Primaria, E. Primaria

O  día  30  de  outubro, e  con  motivo   da celebración do Samaín e Halloween, os rapaces e rapazas de 6ºB  realizamos un  ESCAPE  ROOM  TERRORÍFICO. Organizámonos en cinco grupos. Primeiro vimos un corto para poñernos en situación, logo recibimos dúas caixas e máis un sobre  como materiais para conseguir o necesario para poder escapar do cole sen ser atacados polos vampiros. Despois de diferentes probas: puzles, localizar a combinación correcta dos candados, atopar no baño a chave para outra caixa, facer un experimento cos produtos facilitados…, todos os equipos conseguimos escapar sans e salvos dos temidos vampiros. Pasámolo de medo!!!

Prema aquí para ver todas as fotos

Os alumnos de 6º de Primaria participaron no proxecto da Fundación Dépor "Os nosos valores escolas 110% Branquiazuis". Fixeron un percorrido polas dependencias do Estadio de Riazor, asistiron a unha charla de valores do mundo do deporte e da historia do Dépor e coñeceron a Laura e Peke, dúas xogadoras do equipo feminino.

Toda a información no Facebook do Real Club Deportivo e no periódico A Opinión do 21 de febreiro. 

"O martes 22 de xaneiro tivemos a esperada visita de Ledicia Costas, unha autora galega. Durante a conversa estivo moi atenta ás suxerencias do público e foi moi flexible. Ademais, fíxonos rir contándonos anécdotas escolares doutros centros que visitou, como cando lle saiu información falsa na wikipedia.

É unha persoa moi traballadora, polo que non ten tempo para as súas cousas persoais. Falounos dos seus gustos, como que lle gusta o chocolate, visitar cemiterios e as historias de terror. Tamén, das súas lecturas como "Matilda", "Pipi Mediaslongas" e "Charlie e a fábrica de chocolate". Iso foi o que lle inspirou a comezar a escribir. Pareceunos moi sociable e que ten moita proximidade aos nenos/as.

É encantadora e creativa. "