Skip to Content

Actividades,saídas e celebracións

NOVA INFORMACIÓN E TAREFAS 30 DE MARZO

Ben prezadas familias:

O venres 3 de abril ás 16:00 horas publicaranse as notas de xeito telemático. Para a súa consulta é necesario que vos descarguedes no móbil a aplicación Abalar móbil para as familias

https://www.edu.xunta.gal/centros/ceipsagradafamilia/abalarmobil

Debaixo do logo do AMPA, tedes o logo do Abalar, premendo sobre él ou aquí accederedes aos tutoriais.

Tendo en conta  a situación excepcional na que nos atopamos, e seguindo as instrucións da Consellería, a segunda avaliación realizarase coas probas e datos dos que dispoñían os mestres ao interrumpirse o curso. 

Suprímese a proba de diagnóstico de terceiro de primaria. Tamén suspéndese a celebración do Dia da Ciencia, na que íamos participar por primeira vez.

Ante calquera dúbida, podedes comunicar có centro no correo electrónico ceip.sagrada.familia@edu.xunta.es ou coa Aplicación AbalarMóbil. 

En canto á terceira avaliación esperamos instrucións da Consellería.

Informávovos que o pasado luns 23 de marzo, deu comezo a proposta de lecer on-liña "Xaque ao virus" que levan a cabo os educadores dos Programas de Lecer  da Federación Provincial de ANPAs. O Xogo consiste na superación de diferentes retos semanais para conseguir unha serie de puntos. Accede a toda a información no blogue do Anpa.

Por outro lado, ante a imposibilidade de facer os itinerarios do Servicio Municipal de Educación, éste invítanos a facelos de xeito virtual en CORUÑA DE AVENTURA-ITINERARIOS

Adxuntamos as novas tarefas. Tede en conta que aqueles exercicios que sean de escribir pódense imprimir ou facelos na libreta.

 

 

 

 

AINDA QUE NON ESTEAMOS XUNTOS...

Ola nenos!

Todo o persoal do colexio botámoos moito de menos pero é necesario que quedemos na casa.  Mandámosvos unha mensaxe de ánimo que queremos que reflicte todo o cariño e admiración que sentimos por vós. Todo isto pasará e cando sexa así, sentirémonos máis unidos.

Como sabedes, por estas datas estaríamos decorando os corredores e as aulas con carteis e debuxos da primavera. Invitámosvos a decorar as vosas ventás con debuxos sobre ela.

Seguide atentos á paxina web para seguir informados. Este luns 30 de marzo haberá máis tarefas dos vosos mestres.

Ata pronto!

 

 

MULLERES GALEGAS DEPORTISTAS. CHARLAS DE TANIA PREGO

Álbum: Curso 2019/2020 -> Taekwondo con Tania

A semana do 9 de Marzo e co motivo da celebración do día da muller traballadora, tivemos a sorte de gozar das charlas a todos os cursos que deu a deportista e campiona de taekwondo Tania Prego, nai de Aldara e Erea de infantil, que ademais foi alumna do noso centro.

Escoitándoa os nenos e nenas tiveron a oportunidade de coñecer de preto como é a vida dunha muller deportista de élite dende a súa infancia. Tania explicounos como entrou neste mundo, os seus logros, sacrificios e en xeral a súa experiencia como deportista de élite, transmitindo os bós valores que a ela lle achegou esta profesión e dando unha visión moi clara e próxima aos alumnos.

Compartimos con ela dúbidas e inquietudes e ensinounos os seus trofeos, medallas e noticias de prensa nas que foi protagonista en moitas ocasións, unha auténtica loitadora! 

Moitas grazas Tania por compartir con nós a túa experiencia!

 

TALLERES COA FUNDACIÓN NATURGY

Álbum: Curso 2019/2020 -> Naturgy

A fundación Naturgy, mediante o seu programa “Efigy Education”, desenvolveu  no noso centro unha serie de talleres sobre a eficiencia e as novas tecnoloxías enerxéticas.

Os nenos de 6º de E.I. no taller “Inventores de Enerxia Eficiente” descubrimos que é a enerxia, os seus usos e as principais fontesde enerxia.

En 2º de E.P. no taller “A aventura de Efi Bot” utilizamos  a robótica. Tiñamos quenarrar a historia de Efi Bot para conseguir enerxía e mellorar o medio ambiente.

Os nenos de 4º de E.P., no taller “Energy Quizz” tiñamos que resolver cuestións sobre a enerxía, a eficiencia e a transición enerxética  a modo de concurso.

E por último en 5º, có taller “A enerxía de hoxe: o noso reto”, coñecimos as fontes de enerxía e os seus impactos a través de cinco retos.

Os educadores da Fundación aprendéronnos  moito dun xeito moi divertido! 

 

CONTACONTOS EN LINGUA DE SIGNOS

Os días 11 e 12 de febreiro todos os cursos disfrutamos dunhas sesións de contacontos en lingua de signos ofrecidas pola asociación ACOPROS .

BO NADAL

 VER AS FOTOS     Na galeria      

VER OS VÍDEOS   Poesía de nadal 2ºA      Panxoliña 2º B    Himno alegría violín

 

CONTACONTOS DE ANAYA NO 1º CICLO

Esta semana disfrutamos dunha sesión de contacontos moi especial con Iago López, quen nos contou o seu conto "O cociñeiro Martiño eas cenorias desaparecidas"

      

A HORTA

Xa estamos de novo, pais e profes, plantando na horta do colexio. Estamos moi impacientes esperando a que medren as nosas verduras e hortalizas.

Grazas a todos os pais que coa súa axuda fixéronno posible.

                          

                     

                  

              

2 DE ABRIL DIA MUNDIAL DO AUTISMO

    

       

Distribuir contido


by Dr. Radut