Actividades,saídas e celebracións

 Xa rematamos o curso!  Agora disfrutar das merecidas vacacións para vernos de novo o 9 de setembro. Os alumnos de 6º, a pesar das circunstancias, tiveron a súa graduación. Como as familias non poideron estar, deixámovos un vídeo resumo, non sen antes agradecer ao ANPA a súa adicación na súa montaxe e  na preparación e desenvolvemento do acto da graduación.

Tamén queremos agradecer a todos, familias e alumnado, a vosa colaboración por poder levar a cabo este curso que non olvidaremos, e a vosa adaptación a nova realidade. É por iso que adicámosvos o segundo vídeo.

Parabéns a Iria Barral de 1º A por gañar o tercer premio no concurso de Normalización Lingüística do Concello "Vivir asa nosas letras". Acadou o premio co debuxo de Xela Arias, que foi tamén portada da nosa revista.

Estes días pasados desenvolvéronse no centro varias actividades no eido da cultura tradicional galega e a inclusión.

Asi, os alumnos de 5º e 6º participaron na campaña de sensibilización por unha escola máis inclusiva, promovida por Enki, a Federación de persoas xordas de Galicia -FAXPG- e ONCE nos centros educativos. Os alumnos xunto con outros escolares coruñeses, coñeceron a través dunha conexión virtual a historia da lingua de signos, o seu alfabeto e o sistema Braille.

Como complemento a esta xornada a artista Blanca Escrigas realizou un mural no noso patio

No vídeo resúmese todo o traballo desenvolvido durante este curso.

Os alumnos de 5º e 6º celebraron o Día das Letras Galegas bailando a muiñeira de Lugo no patio do colexio.

Aproveitamos para mostrar o noso agradecemento ao ANPA, e a todas as nais e nenos que decoraron o patio de E. Infantil cun espectacular mural      

Agradécemoslles tamén o emotivo vídeo  que adicaron aos mestres e nenos, e a colaboración que amosaron sempre con nós. Grazas.

Este curso puxemos en funcionamento a aula virtual do colexio. O noso obxectivo é acercala ás familias e por iso deixámosvos este titorial sobre como acceder a ela e un pequeno cuestionario que agradeceríamos que cubrades (é anónimo ) coa finalidade de coñecer as vosas ideas e aportacións.

Moitas grazas pola vosa colaboración.

Enquisa sobre a aula virtual do centro

Titorial

Enquisa para o alumnado 

Prema sobre a imaxe  e coñecerás a proposta da biblioteca para conmemorar o Día do libro.