A Concellería de Promoción Económica, Turismo e Medio Ambiente, e a Asociación de Desenvolvemento Rural “Mariñas- Betanzos” veñen de elaborar o programa de educación ambiental “Somos Biosfera 2017”.

O alumnado de Educación Primaria do noso centro participará neste programa que ten como obxectivo dar a coñecer a “Reserva da Biosfera Mariñas Coruñesas e Terras do Mandeo” así como fomentar a educación e sensibilización medioambiental da comunidade educativa dando a coñecer os programas postos en marcha desde a Reserva de Biosfera, as administracións e outras entidades.

“Somos Biosfera 2017” inclúe actividades informativas, divulgativas e saídas para coñecer o noso patrimonio natural, a importancia de conservalo e de poñelo en valor. Como remate, o 25 de maio, coincidindo co IV aniversario da declaración pola UNESCO de “Mariñas Coruñesas e Terras do Mandeo” como Reserva de Biosfera, presentaranse na Casa da Cultura os traballos realizados polo alumnado participante neste programa.

 Na páxina web da Reserva da Biosfera Mariñas Coruñesas e Terras do Mandeo http://marinasbetanzos.gal/ atópase toda a información desta entidade así como das actividades e iniciativas que promove.