Servizo de comedor para o curso 2011-2012
Enviado por admin o Mér, 15/06/2011 - 08:49
| O prazo de solicitude de praza para o vindeiro curso será do 15 ao 22 de xuño, ámbolos dous inclusive. No mes de xuño solo se procederá a adxudicación das prazas de comedor, non se será preciso achegar documentación da renda familiar ata setembro. Do 1 ao 20 de setembro de 2011, aquelas familias que soliciten o uso gratuíto do servizo de comedor ou a bonificación do 50% do prezo, deberán aportar a documentación precisa. A partir do día 1 de setembro terán a información e documentación necesaria na web do centro e na conserxería. O prazo de entrega da solicitude e documentación acreditativa remata o mércores 22 de xuño. O Consello Escolar do centro publicará, no taboleiro de anuncios e na web, unha lista provisional de admitidos para o servizo de comedor antes do 1 de xullo entre as solicitudes recibidas. Así mesmo aquelas persoas que desexen colaborar como persoal coidador do alumnado que utiliza o servizo de comedor poden presentar a súa solicitude no mesmo prazo do 15 a 22 de xuño. A selección e admisión de usuarios do servizo de comedor, cando existan máis solicitudes que prazas dispoñibles, correspóndelle ao consello escolar do centro. No taboleiro de anuncios e na web do centro exporase a listaxe provisoria de admitidos e de suplentes, respectando estritamente a seguinte orde de preferencia: -Alumnado usuario do servizo de comedor no curso escolar anterior. -Alumnado en situación socioeconómica desfavorable ou que teña unha discapacidade igual ou superior ao 33%, acreditado con informe da asistenta social do concello que corresponda. -Alumnado membro de familias numerosas -Alumnado, fillos de pais e nais traballadores con incompatibilidade demostrada dos seus horarios laborais co horario de saída do seu fillo/a ao mediodía. -Outro alumnado do centro. |
|
Documentos para visualizar e descargar: -Circular informativa. |
