O pasado xoves de Entroido a avoa duns alumnos do noso centro veu ensinarnos como se fan as filloas na pedra. Ademais de explicarnos a elaboración do amoado poidemos degustalas. Grazas Maruja por darnos a coñecer de primeira man esta tradicional receita galega.
O alumnado do 3º ciclo, de Ed. Primaria, estivo traballando sobre o Entroido tradicional galego centrándose no concello ourensán de Vilardevós co gallo da XI Mostra de Entroido de Lamas de Abade que este ano se centra na figura do chocalleiro.
Velaí vai o documental que recolle a esencia deste Entroido!
Polo Samaín, os nenos e nenas de quinto estiveron investigando sobre as costumes e lendas que hai en Galicia ao redor desta data. Con toda a información recadada quixeron elaborar uns informativos para dar a coñecer a nosa cultura que é tan importante como a que nos ven cada vez máis imposta desde outros países lonxanos. Coñezamos e valoremos as nosas costumes e cultura para que permanezan no legado.
Preme na seguinte ligazón para acceder á lista de reprodución dos informativos:INFORMATIVOS "SAMAÍN"
Competencias: CCL, CPSAA, CD, CE, CCEC
Materias: Lingua galega, ciencias socias, ciencias naturais.
