Para celebrar a chegada do Nadal, dende mediados de novembro, os nenos e nenas elaboraron postais de cara ao concurso interno, no que se escollerían as precisas para entregar no Centro de Día e felicitarlles con elas as Festas aos/ás usuarios/as.
Tamén se fixeron debuxos sobre a "Igualdade de sexos" para o concurso do que sairían os oito escollidos, cos que se realizarán os almanaques conxuntos co IES Poeta Añón e que en xaneiro se repartirán entre as familias do alumnado, profesorado, persoal laboral e algunha entidade municipal.
Ademais, como vén sendo tradicional, adornáronse aulas e corredores.
Na véspera do fin de trimestre, o coro do cole e o mestre de Música interpretaron varias panxoliñas para todo o centro en dúas tandas (unha para EI, 1º e 2º de EP e outra de 3º a 6º de EP).
Xa no propio día de fin de trimestre, celebrouse o Nadal con obradoiros de danzas do mundo a cargo de Mercedes ? no ximnasio e, como non podía ser doutra maneira, coa degustación de chocolate e churros, á vez que se recibía por primeira vez a visita do Apalpador.
BO NADAL E PRÓSPERO 2020 !!!