Así celebramos o Nadal na Clase dos Listos.
Este foi o noso calendario de adviento positivo. Todos os días levantábamos unha lapela e facíamos o que nos mandaba: dicir adxectivos positivos dos compañeiros e compañeiras, darnos un aplauso, facer o propósito de dar as grazas polo menos tres veces ao día...
Tamén estivemos traballando con papiroflexia e fixemos snowflakes (copos de neve) para adornar a aula. Grazas á profe Bea que nos aprendeu como facelos redondos!
Tamén decoramos a porta con bonecos de neve feitos de círculos cos nosos nomes.
Dende o proxecto da biblioteca traballamos o Nadal dende unha perspectiva diferente, relacionándoo co solsticio de inverno, por iso fixemos un mural de planetas. Aquí vos deixamos o noso particular sistema solar.
Aquí podedes ver como quedou o mural da India dentro do proxecto "Saisa e as súas biblioviaxes". Cada clase elaborou a súa presentación da cultura que elixiu.
Por último, traballamos o tipo de texto instructivo elaborando un manual sobre como se fan os planetas utilizando o papel maché. Aquí está Mercurio, o planeta que nos tocou á nosa clase. Fixémolo entre todos paro ainda nos queda pintalo e colgalo xunto cos das outras clases.