Queridas familias:
Cando planificamos o curso procuramos sempre ter en conta múltiples escenarios pois a experiencia xa nos ten demostrado que a realidade é viva, múltiple, caprichosa e sempre nos sorprende.
Pero nunca, nunca… nin no peor dos nosos pesadelos, imaxinamos un escenario como o que nos tocou vivir dun día para outro a partir daquel 13 de Marzo.
Pasados os meses e chegados a porto, atracamos. E facémolo coa idea de ternos visto envoltos nunha tempestade enorme, nunha galerna que nos desarbolou, que nos obligou a ponernos á capa, que desperdigou a flota á que creíamos pertencer e que, como dixo o poeta Manuel Antonio:
...Fomos ficando sós
o Mar o barco e máis nós...
Pero somos fortes, somos rexos, somos xente de mar e, contra vento e marea, esta Comunidade Educativa estivo á altura facendo entre todos un círculo de seguridade para coidar dos noso nenos e nenas: as familias asumindo o rol principal na motivación dos fillos e fillas, o profesorado traballando na distancia e esforzándose por manter os vínculos con cada un e con todos ao tempo que intentábamos poñer unas gotiñas de normalidade na vida dos rapaces, o concello achegando materiais ás familias máis inaccesibles e canalizando as conexións a internet.
Así que: GRAZAS E PARABÉNS!
Queda agora por diante un máis que merecido descanso. Pero non esquezades a prudencia porque o motivo que nos fixo cambiar de vida tan drásticamente aínda segue entre nós e teremos que manter aínda durante moito tempo a conducta disciplinada e responsable que nos caracterizou durante estes tres meses.
Eu aproveito para despedirme de todos vós. Despois de máis de cuarenta anos de profesión, o vindeiro 1 de setembro xa non sairei ao mar con vós, quedarei en terra pero seguirei de cerca todas as vosas travesías e agardereivos expectante cada marea para saber como vos foi.
Sempre poderedes contar comigo.
Olga
directora
