No taboleiro interior do centro está publicada a listaxe do alumnado que ten dereito a máscaras gratuitas segundo a orde do 6 de novembro de 2020. Esta listaxe contén a todo o alumnado que recibiu un cheque para a adquisición de material escolar. Ademais hai unha solicitude que foi admitida e outra que foi rexeitada. Contra a presente resolución ábrese un prazo de reclamacións de dous días contados a partir do día seguinte a esta publicación.
As máscaras xa están encargadas e tan pronto nolas servan procederemos ao seu reparto. A cada alumno/a beneficiario/a correspóndenlles 3 máscaras reutilizables. Cada máscara resiste 50 lavados e cubriríanse así os 150 días de colexio que faltan para que remate o curso.
