A policía local de Narón informa que este curso escolar o noso centro se incorpora ao programa "Camiños Escolares Seguros". Dentro do programa está o "Bica e arrinca" que podedes ver pintado na entrada principal do cole. Os puntos de control de acceso ao centro todavía non están instalados pero xa fixeron o estudo correspondente de onde instalalos. Haberá un en cada unha das tres portas de acceso ao centro escolar para que cada alumno/a que participe no programa poda rexistrar a súa entrada cando pase polo seu carón.
Esto favorecerá que veñan mais nenos/as camiñando ou en bici, polo que desconxestionaremos as entradas cos coches dos pais/nais.
Está previsto facer un aparcamento nunha parcela lindante co colexio cunha entrada ao centro directa pola mesma, pero vai un pouco retrasado e pode que non funcione este curso.
Informamos tamén que desde este luns está aberta a porta que está situada pola parte da Escola Infantil, enfronte ao Pavillón de deportes. Esa entrada será so para alumnado que viva por esa zona para evitar ter que dar toda a volta ao colexio, agora que xa teñen interiorizado o protocolo das entradas.
CAMIÑOS ESCOLARES SEGUROS. (picade enriba para mais información)
