CEIP A GÁNDARA (NARÓN) |

Plan Corresponsables UPA

Mér, 18/09/2024 - 13:38 — admin

Todas/os coñecedes UPA. Pois grazas ó Plan Corresponsables ides ter a oportunidade de matricular ás crianzas nesta actividade que é de balde dende o 24 de setembro ó 15 de novembro.

Iso si, o plan obriga a ter ós nenos/as federados, polo que os interesados, logo de cubrir o formulario (que é o mesmo que o do resto das actividades extraescolares), tedes que pasarvos polo local da ANPA (abrimos tódolos días agás os xoves de 9.10 a 10 da mañá) e abonar a federación, que son 5€. Tedes que traer os cartos xustos! E deixarnos os datos dos nenos e os seus DNI, ou, en caso de non telos, o da nai ou do pai.

Entre o 24 e o 15 de novembro a actividade realizarase no ximnasio do centro os mércores, xoves e venres de 16:00 a 17:00 horas.

Grupo mínimo de 8 nenos/as, dende os 3 anos.

A partires do 15 de novembro, si hai grupo, sacarémolo como actividade nosa 1 hora á semana. Informaremos do día e a cota mensual en novembro.

https://acortar.link/dCzGGf

Actividades Extraescolares

Mér, 18/09/2024 - 09:43 — admin

ACTIVIDADES EXTRAESCOLARES 2024-25

A partires do 1 de outubro comezarán as actividades extraescolares xestionadas pola ANPA.

Este curso temos:

- Patinaxe. Dende 4 anos. Grupo mínimo para empezar a actividade de 8 nenos/as. cota mensual de 16€.

A actividade de patinaxe realízase fóra do recinto escolar, no Pavillón da Mocidade, polo que as que teñades ás crianzas no comedor tedes que recollelas a trasladalas vos mesmas.

- Debuxo e pintura. Dende 4 anos. Grupo mínimo para empezar a actividade de 8 nenos/as. Cota mensual de 16€.

Esta actividade realízase no comedor do centro.

- Cociña. Dende 4 anos. Grupo mínimo para comezar a actividade de 8 nenos/as. Cota mensual de 22€ (inclúe alimentos e receitario).

Esta actividade realízase no comedor escolar.

- Ludoteca. Esta actividade é diaria de 16:00 A 17:00 horas. Dende 3 anos. Grupo mínimo e máximo para comezar a actividade de 12 nenos/as. Unha vez alcanzado o número máximo, as demais matrículas quedarán en lista de espera ata ter outros 12 nenos/as para facer novo grupo. Cota mensual de 35€.

Esta actividade realizarase dentro do recinto escolar, primando o patio de recreo si fai bo tempo.

As persoas que non sexan socias da ANPA deberán abonar, para ter acceso ás actividades, unha cota única (e independente do número de actividades que escolla e do número de fillos que teña) de 20€. Dita matrícula hai que abonala antes de comezar as actividades na conta da ANPA. En concepto poñedes: matrícula + nome e apelidos do neno/a.

Tódalas actividades abonaranse entre o día 1 e 10 do mes en curso, non a mes vencido.

O pagamento farase por transferencia á conta da ANPA de OpenBank: ES19 0073 0100 5505 0562 9834. E no concepto tedes que poñer: nome e apelidos do(s) neno(s)/a(s) + actividade(s) + mes. Exemplo: "Mario Mariez Mariez patinaxe e debuxo outubro".

O formulario é online:

https://acortar.link/dCzGGf

Moitas grazas!

Camiños escolares seguros

Mar, 17/09/2024 - 17:02 — admin

1 adxunto

Inscripcións Anpa A Buxaina

Mar, 17/09/2024 - 15:48 — admin

INSTRUCCIÓNS PARA ASOCIARSE Á ANPA A BUXAINA

Para facerse socia/o da ANPA, ou para renovar a afiliación se xa o erades con anterioridade, é obrigatorio cubrir o formulario adxunto.

Seguindo a lei vixente, so poden ser socias/os da ANPA, os pais, nais e/ou titores legais dos alumnos matriculados no centro.

A cota de socia/o vixente é de 20€ ó ano.

O periodo para o pagamento da cota vai dende o momento en que se comparta o formulario polas vías habituais da ANPA ata o 30 de novembro.

O pagamento da cota farase por transferencia bancaria á conta da ANPA de OpenBank: ES19 0073 0100 5505 0562 9834 (tamén a tedes no propio formulario).

Lembrade poñer en "concepto": Nome e apelidos, nº de socio (si xa eras socio e si te lembras de cal era) + cota socio curso 2024-25. No caso de altas novas de socio, poñede: Nome e apelidos + novo socio + cota socio 2024-25.

Tódalas actividades que realiza a ANPA no cole (charlas, obradoiros, festa de Nadal, Samaín, Magosto, Entroido, Festa de fin de curso, etc.) sufragámolas coas cotas das socias/os. Tamén colaboramos nalgunhas actividades que realiza o centro aportando augas, zumes, caramelos, etc.