O luns día 21 de xaneiro celébrase a II Semana da Froita do curso 2012-13 coa colaboración do FOGGA e enmarcada dentro do Plan Proxecta da Consellería de Educación. Con esto rematamos este ano a Semana da Froita Fresca despois de que se celebrara a I Semana entre os días 1 e 5 de Outubro.
Como é habitual toda a froita consumida durante esta semana é de cultivo ecolóxico, o que fai que, aínda que en moitos casos o seu aspecto non sexa tan "perfecto", gañamos en sabor, algo do que todo o alumnado se dá de conta.
Esta semana tomaremos plátano, mazá, kiwi, ananás e mandarina. Ademáis, a empresa suministradora mandaranos tamén unha froita que non coñecemos: a TÁNXARA, para ter a oportunidade de probala.
Pola información recibida, este froita é autóctona da zona do Xurés, no val do río Limia, onde se cultiva desde o século XIII, porque as características do seu microclima fan que a producción sexa posible.Ven sendo unha mandarina "antiga", con aspecto de laranxa pequena. Actualmente non se consume tanto porque ten pebidas e os consumidores adoitan rexeitar este "inconveniente".
