familias

UN LIBRO PARA AS FAMILIAS: ENRUGAS.

Recomendámosvos a lectura deste libro do debuxante Paco Roca, Premio Nacional de Cómic no 2008.

Unha obra en banda deseñada que conta con precisión e dende unha ollada intimista, non exenta de dureza, esa batalla contra a vellez.

CARTA ÁS FAMILIAS:

CHEGA O VERÁN… tempo de erguerse tarde, de mergullarse na piscina, de saltar nas ondas da praia, de asistir ás festas coa familia e os amigos, de facer excursións, ir de acampada ou facer algunha viaxe.

Pero de seguro que haberá momentos como un ratiño antes de durmir, tumbados á sombra dunha árbore, tomando o sol e mesmo acostados no sofá, nos que a compaña dun libro faranos voar a países e lugares imaxinarios e vivir emocionantes aventuras cheas de maxia, fantasía, humor, misterio… acompañados de todo tipo de personaxes que só viven nos libros.

Aproveitando estas vacacións, a biblioteca do colexio pon a disposición do alumnado (desde 1º ata 5º de Primaria) e as familias o empréstito de ata cinco libros para os nenos e nenas e de tres para os pais e nais.    

Pedimos a vosa axuda no coidado deste material para que esta iniciativa  se poida repetir nos próximos anos.

Agradecémosvos de antemán a vosa colaboración e desexámosvos un bo verán e felices lecturas.

                                                                  O Equipo de Biblioteca.


UN LIBRO PARA AS FAMILIAS: "SOSTIENE PEREIRA"

             Recomendámosvos a lectura da novela "Sostiene Pereira", do recentemente falecido Antonio Tabucchi, candidato en varias ocasións ao Premio Nobel e ao Príncipe de Asturias.

     Conta a historia dun vello xornalista no Portugal da dictadura de Salazar que entra en contacto cun mozo, Monteiro Rossi, con quen establecerá unha intensa relación que o fará preguntarse sobre a necesidade de loitar pola xustiza ou pola vida; así como polo verdadeiro papel da prensa ao servizo do silencio ou da verdade.

 

Distribuir contido