Alumnado

Iniciar sesión

AVISOS

En vista da nova situación de ALARMA SANITARIA pedímosvos por favor, que non pasedes polo centro.

Os titores e titoras saben que hai parte do material do alumnado que está no centro, co cal programaran actividades que poidan facer dende casa, sen a necesidade de devandito material. 

Manteremos o contacto a través do correo electrónico e a web. 

Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases. Recoméndase a utilización preferente da modalidade telemática para a presentación das solicitudes.

O equipo Directivo. 

INFORMACIÓN ÁS FAMILIAS

Prezadas familias, creamos o espazo "GALIÑA NA CASA" co obxectivo de manter contacto co alumnado, e a pretensión de que continúe coa súa rutina escolar, mantendo vínculos, meténdonos no voso día a día "no cole, na casa".

Sería bo que o alumnado traballara un ratiño cada día nas tarefas escolares, confiamos en que lles pode axudar a levar o tempo e é un bo exercicio de responsabilidade nestes días nos que temos que exercela dunha maneira tan descoñecida e particular.

Dispoñedes dunha carpeta por curso e titoría cunha planificación das tarefas propostas polo profesorado. Para entrar só tedes que premer enriba da carpeta.

Na "Galiña" compartiremos propostas variadas para ratiños perdidos, o primeiro vai ser un RETO. O ilustrador Leandro Lamas (noso padriño 2020) propón no seu facebook ir facendo unha ilustración "paso a paso" desde casa a partir de mañá, e a nos  vénnos que nin pintado. A idea é a de animar a toda a comunidade educativa, familias, alumnado, profesorado...a realizar a ilustración na súa casa. Non é necesario ter facebook compartiremos os pasos na WEB premendo na galiña.

 Unha vez rematadas podedes enviar unha foto do debuxo a galinhanacasa@gmail.com , logo gardádeas porque o obxectivo final é expoñelas no colexio cando Leandro Lamas veña visitarnos.

O equipo do profesorado                                                                                                                                                                                                                                          Nigrán, 15 de marzo 2020.

INFORMACIÓN ÁS FAMILIAS

 

 

Prezadas familias:

 

Como ben sabedes ordenouse a suspensión  das clases para o período que comprende desde o luns 16 de marzo ao domingo 29.

 

Dada a excepcionalidade desta medida preventiva e coa idea de que o alumnado continúe ou manteña unha mínima rutina de traballo, desde cada titoría  proporanse  unhas tarefas para realizar na casa.

 

A planificación semanal  das mesmas subirase a páxina web do centro https://www.edu.xunta.gal/centros/ceipcarloscasares/

As familias que non teñan acceso a internet poderán recoller a planificación no propio centro en horario lectivo, o luns e martes de cada unha das semanas, sempre que non cambien as indicacións da consellería de manter abertos os centros. Neste caso, a comunicación será exclusiva na web ou no correo electrónico do centro, ceip.carloscasares@edu.xunta.es

 

Confiamos en que esta medida consiga frear a pandemia do covid-19 e que a responsabilidade cidadá axude a que pronto podamos regresar as aulas e á vida cotiá.

 

Atentamente, o equipo de profesorado.                                             Nigrán, 13 de marzo de 2020.

SUSPENSIÓN DAS CLASES

Prezadas familias :

Achegámosvos a ligazón ás medidas a adoptar nos centros de ensino en relación co covid-19 

https://www.edu.xunta.gal/portal/medidas-coronavirus

A través desta web continuarase informando nos vindeiros días.

*Non é necesario que o alumnado usuario de comedor anule o seu menú na xornada de mañá venres.

 Faremos un reconto do alumnado de comedor presente no centro, deste xeito evitaremos  colapsar o teléfono na primeira hora da mañá.

Agracedendo a vosa colaboración, recibide un cordial saúdo.

O Equipo Directivo.

MATRÍCULA 2020-2021

VACANTES INICIAIS NO PROCESO DE ADMISIÓN

CURSO 2020-2021

NIVEIS

VACANTES

4º E.I.

22 +3 ANEAE*

5º E.I.

11

6º E.I.

8

1º E.P.

1 +3 ANEAE*

2º E.P.

8

3º E.P.

0

4º E.P.

5

 5º E.P.

23

6º E.P.

22

 

*ANEAE: alumnado con necesidades específicas de apoio educativo

 

 

Para consultar o ANEXO II (solicitude de admisión) e a INFORMACIÓN SOBRE A ADMISIÓN, preman adxuntos. 

DÍA DA PAZ 2020

Para comezar o ano decidímonos a xogar, e non hai mellor xeito de coñecernos, respectarnos, aprender e medrar . XOGAMOS POLA PAZ!