Aquí vos deixamos os momentos máis divertidos da celebración entroideira deste ano. A temática xirou arredor da nosa madriña Eva Mejuto, recreando as obras que escollemos nas aulas para coñecer unha pequena parte da súas publicacións. Todos os disfraces foron elaborados a partir da reutilización de materiais. Agardamos que vos guste!!
A nosa galiña azul xa está preparando o Entroido na escola!! A continuación, deixámosvos as ordes da semana entroideira, inspiradas nas obras da nosa madriña.
Que viva o Entroido!!!
A partir de hoxe, abrimos o centro nas datas e horas indicadas no cartaz, para mostrarvos a nosa escola. É necesario reservar cita. Agardámosvos!!
Aquí vos deixamos os momentos máis máxicos do día de hoxe. Que cariñas de ilusión!
O alumnado de 5º e 6º deleitáronnos cunha panxoliña tradicional e outra moi orixinal de Mamá Cabra titulada "Xa me tardan estes reis" que prepararon no obradoiro de coro.
Aquí vos deixamos o resultado do obradoiro do segundo ciclo baseándose no proxecto de centro "Reciclando ando" utilizando como inspiración contos da nosa biblioteca, utilizando a pantalla de chroma e disfraces a partir de material de refugallo.
Este luns e martes tivemos un obradoiro do máis ruidoso, cheíño de ritmo. Didier e Sara ensináronnos a facer uns ritmos afrolatinos a partir de percusión con elementos de refugallo.
Aquí vos deixamos a mostra, agardamos que vos guste tanto como a nós!!
Clicando na imaxe accededes ao noso novo padlet no que podedes deixar os exemplos de obxectos reutilizados que tedes pola casa. Só tedes que presionar o signo + que aparece abaixo á esquerda e adxuntar unha foto ou vídeo. Tamén podedes engadir un pequeno texto explicando en qué consiste, etc.Grazas polas vosas aportacións!