Liatantoscontos
Ola a todos e todas!!
Benvidos de novo á escola!!
e
Ademais de felicitarvos o ano quero publicar aquí a postal seleccionada no "V Concurso de Postais do Ceip Cabada Vázquez", organizado pola Biblioteca e o EDLG.
O autor da mesma é Roberto, da aula de Infantil de 4 anos.
Moi ben Roberto, parabéns!!!
 |
 |
Un saúdo.
Liatantoscontos
Este ano celebramos no noso cole o Nadal tendo como referencia o PDI, que como sabedes, este ano é "ALOUMIÑOS DE MEL".
Proba diso aí vos queda unha fotografía da nosa orixinal árbore de Nadal.
Tamén nestas datas e como todos os anos organizamos no cole o Concurso de Postais de Nadal. Xa imos pola V edición, aquí vos queda unha mostra dos traballos presentados.
 |
 |
Liatantoscontos
Ola, vai chegando o Nadal e os centros PLAMBE do Concello de A Estrada xa temos elaborada a guía de recomendacións lectoras.
Aínda que a levaredes para a casa en formato papel premendo aquí xa lle podedes ir botando unha ollada.
Lembrade que un libro sempré é un bo agasallo.
Saúdos.
Liatantoscontos
| Adxunto | Tamaño |
|---|---|
| RECOMENDACIONS_LECTORAS_NADAL_2015.pdf | 792.08 KB |
Ola a todos e todas!!
Onte, 3 de decembro, na aula de 3 anos comezamos cunha nova experiencia:
Veu...
a mamá de Brais, a contarnos un conto:
de Eva Mejuto e Mafalda Milhöes, publicado pola editorial OQO.
É un conto moi bonito tanto polo contido como visualmente e Lucía foi unha contacontos boísima.
 |
 |
 |
 |
Para a semana vai vir Roberto, o pai de Iván. Que nos terá preparado...?
Saúdos.
Liatantoscontos
Ola a todos e todas!!
Só escribo para dicirvos que estou moi contenta porque xa están en marcha as mochilas viaxeiras de todas as aulas!!
Espero que desfrutedes moito con elas na compaña das vosas familias!
Aquí podedes acceder ao contido da mochila da aula de 3 anos, a modo de exemplo.
Saúdos.
Liatantoscontos
Ola familias.
Os nenos e nenas de 3 anos a partir desta semana, os venres, levaremos para a casa un conto da Biblioteca.
O libro deberá volver ao cole no mesmo estado no que vai para a casa.
Aínda que é recomendable que regrese ao cole o luns, podedes devolvelo calquera outro día.
Tende en conta que mentras haxa un libro da Biblioteca na casa o voso fillo ou filla non poderá levar outro.
Un saúdo.
Liatantoscontos
Ola!!
O pasado martes 27 de outubro celebramos na escola o SAMAÍN e o MAGOSTO.
Tivemos exposición de cabazas.
De 1º a 6º participamos no xa tradicional concurso da ANPA para adiviñar o peso de dous calacús.
As aulas de Infantil como aínda non teñen interiorizado o concepto de "peso" elaboraron individualmente, na aula de 4 e 5 anos, debuxos de calacús e os da aula de 3 anos construiron un calacú con castañas.
Recibimos e enviamos postais felicitando o Samaín a outros centros do Concello de A Estrada e por aulas elaboramos contos de medo. Os maiores cantaron un par de cancións que prepararon coa profe Irene para amenizar o magosto.
Grazas a toda a comunidade educativa pola súa implicación, ata o comedor adaptou o menú dese día á festa, podedes velo na foto que hai máis abaixo.
Como vedes traballamos moito, aquí vos deixo unha pequena mostra:
 |
 |
| Postais recibidas doutros centros do Concello de A Estrada | Vista da exposición de calacús |
 |
 |
| Máis calacús | Cabaza elaborada na aula de 3 anos |
 |
 |
| Cabazas elaboradas na aula de 4 - 5 anos | |
 |
 |
 |
 |
 |
 |
Saúdos.
Liatantoscontos
Ola!!
Como sabedes o día 24 de outubro foi o DÍA DAS BIBLIOTECAS, ao ser sábado na escola decidimos celebralo o venres 23.
Na hora do PLAN LECTOR, en dous grupos (3º, 4º, 5º e 6º e Infantil, 1º e 2º), pasamos pola Biblioteca. Alí estaba esperando algún/ha dos integrantes do Equipo de Biblioteca.
Lembramos as normas básicas da Biblioteca (entrar sen merenda, sen líquidos, falamos moi baixiño...). Procedeuse á entrega dos carnés a todo o alumnado e das MOCHILAS VIAXEIRAS aos titores, que agora terán que preparalas para que empecen a súa andaina polos vosos fogares. Ademais a mestra e ao mestre de Infantil recibiron as bolsas para levar á casa os contos dos venres do alumnado de Infantil.
Pero para ilustrar o acto nada mellor que unhas imaxes:
 |
 |
 |
 |
 |
 |
 |
 |
 |
 |
Un saúdo a todos e todas.
Liatantoscontos
Xunta de Galicia - Consellería de Educación, 2013 | ||
