Tanto para conseguir o informe preciso para a tramitación da axuda como en caso de dúbida, poderán dirixirse ao Departamento de Orientación do noso centro, previa cita, debido a situación da COVID-19.
O 14 de xuño celébrase o Día Nacional das Linguas de Signos Españolas (LSE). Trátase dunha importante oportunidade para difundir unha imaxe positiva das linguas de signos e por tanto das persoas xordas e sordociegas. Así mesmo, esta conmemoración servirá para lembrar a todos os estamentos que conforman a nosa sociedade que as linguas de signos en España cumpren un papel fundamental para a transmisión de ideas, a relación persoal e social, e o intercambio de coñecemento.
Canto maior sexa o coñecemento destas linguas e da súa transcendencia para moitas persoas xordas e sordociegas, con máis facilidade adoptaranse actitudes de tolerancia e empatía entre a cidadanía.
Cada 14 de xuño, celebraremos a capacidade da sociedade española por levantar pontes de sensibilización e coñecemento mutuo, e comprobaremos como cada vez máis, impóñense os principios de solidariedade e de equidade social.
E ti? xa sabes presentarte en LSE?
Se miras este vídeo aprenderás como presentarte eo abecedario para saber como deletrear o teu nome.
Conto falado e signado da editorial Carambuco. Esta editorial ten unha colección de contos en papel no que o texto vai acompañado dos debuxos dos signos e tamén inclúen un DVD co conto enteiro
Curtametraxe galega de animación na que o protagonista está convencido de que o seu pai é espía xa que sabe ler os beizos, ten un aparello no oído e domina un sistema de comunicación secreto.
Curtametraxe galega de animación na que o protagonista está convencido de que o seu pai é espía xa que sabe ler os beizos, ten un aparello no oído e domina un sistema de comunicación secreto.
A síndrome de Down sempre formou parte da condición humana, existe en todas as rexións do mundo e habitualmente ten efectos variables nos estilos de aprendizaxe, as características físicas ou a saúde.
O acceso adecuado á atención da saúde, aos programas de intervención temperá e ao ensino inclusivo, así como a investigación adecuada, son vitais para o crecemento e o desenvolvemento da persoa.
Nesta data son varias as entidades que propoñen distintas iniciativas.
DownEspaña aposta pola campama #LosVerdaderosInfluencers. Así, durante 24 horas, persoas con Síndorme de Down se porán no lugar dos maiores influencers do noso país.
Por outro lado, dende a páxina oficial do world down syndrome day aléntannos a usar calcetíns de cores e subir fotos cos seus hashtags #LotsOfSocks , #WorldDownSyndromeDay e #WDSD20.
Non deixedes de escoitar este conto sobre a Síndrome de Down
O autismo é unha afección neurolóxica permanente que se manifesta na primeira infancia, independentemente do xénero, a raza ou a condición social e económica. O termo espectro autístico refírese a unha serie de particularidades. Un apoio e unha contorna adecuada e a aceptación desta variación neurolóxica permiten a aquelas persoas que padecen trastornos do espectro autístico gozar das mesmas oportunidades e participar de maneira plena e eficaz na sociedade.
O autismo caracterízase principalmente por peculiaridades na esfera da interacción social e dificultades en situacións comunicativas comúns, modos de aprendizaxe atípicos, especial interese por certos temas, predisposición a actividades de rutina e particularidades no procesamento da información sensorial.
Ademais, queremos lembrar a non estigmatización das persoas con Autismo. É a sociedade quen ten que ser repectuosa e non dubidar do bo facer das familias que saen coas súas fillas e fillos á rúa porque así o precisan. Non debería ser necesaria ningunha marca.
O índice de autismo en todas as rexións do mundo é alto e a falta de comprensión produce fortes repercusións sobre as persoas, as súas familias e as comunidades.
Os vídeos de Eugenia Romero poden ser vistos en familia e participar de forma lúdica: deixamos algúns exemplos para que poidades organizar as vosas rutinas diarias.
1.º Vídeos:
As profesións
Estimulación da linguaxe e as súas compoñentes:
Para Xogar e cantar
Canal de Gallinita pintadita Neste canal o alumnado pode cantar e as persoas lectoras seguir a letra das cancions estilo Karaoke.
Contacontos Logo de escoitar a historias podedes realizar preguntas sobre ela, por exemplo, quen aparece no conto? Por que crees que pasou …? e así sucesivamente
O Día Internacional da Muller é un bo momento para reflexionar acerca dos avances logrados, pedir máis cambios e celebrar a valentía e a determinación das mulleres de a pé que xogaron un papel crave na historia dos seus países e comunidades.
Dende o noso centro quixemos dar voz e visibilidade a varias mulleres Xalleiras que destacan en distintos campos da ciencia e da tecnoloxía.
Grazas a todas as mulleres que acudiron ao noso centro para ser entrevistadas. Grazas por compartir o voso tempo, os vosos coñecementos e o voso cariño.
Analía Míguez González (Estudante de Enxeñería Robótica).
María de los Ángeles Fariña Vieites (Policía Local).
María Mabel Antelo Collazo (Policía Nacional).
O alumnado preparou distintas cuestións para, hoxe día 6 de marzo, formularlle en diversas entrevistas dentro da radio do noso centro.
Se non puideches escoitarnos en directo... fai clic na imaxe para acceder á galería de imaxes, vídeos e podcast das entrevistas.
Ademais o alumnado de EI e de 1º e 2º de EP recibiu, para romper estereotipos de profesións asociadas a xénero masculino, a visita de dúas mulleres policias ás que tamén lles realizaron diversas preguntas.
Por úlitmo, non deixedes de consultar esta entrada da páxina da ONU que propón 12 pequenas accións con gran impacto para a xeración igualdade.
Parte da información desta entrada foi sacada da páxina da ONU
A ciencia e a igualdade de xénero son vitais para alcanzar os Obxectivos de Desenvolvemento Sostible ( ODS). Nos últimos 15 anos, a comunidade internacional fixo un gran esforzo para inspirar e promover a participación das mulleres e as nenas na ciencia. Con todo, as mulleres seguen atopando obstáculos para desenvolverse no campo da ciencia.
Aquí podedes ver algún traballos realizado polo alumnado do centro:
(clic na imaxe para acceder)
A ciencia é unha disciplina colaborativa, pero tropeza co obstáculo da brecha de xénero.
Aquí tedes 11 mulleres que cambiaron a ciencia.
E aquí outras 26.
As nenas e os nenos obteñen os mesmos resultados en ciencias e matemáticas, pero só unha parte das estudantes opta por carreiras científicas na educación superior.
Para estar á altura dos desafíos do século XXI, necesitamos aproveitar todo o noso potencial. Ese esforzo esixe desmontar os estereotipos de xénero.
Hai que apoiar ás científicas e as investigadoras no exercicio da súa profesión. Aquí tedes algúns exemplos!
Esta científica axudou a acabar co Ébola.
As mulleres fan que os equipo sexan máis fortes e creativos na NASA
Os Principios para o Empoderamento das Mulleres, establecidos pola ONU Mulleres, ofrecen orientación ás empresas e outras entidades.
O 4 de febreiro celébrase o Día Mundial contra o Cancro, promovido pola Organización Mundial da Saúde, o Centro Internacional de Investigacións sobre o Cancro ( CIIC) e a Unión Internacional contra o Cancro ( UICC) co obxectivo de aumentar a concienciación e mobilizar á sociedade para avanzar na prevención e control desta enfermidade.
Que é o cancro?
Todos oímos falar de cancro, e a maioría de nós, coñecemos directamente a persoas con esta enfermidade que causa tanto temor. Pero sabemos realmente que é o cancro?
O cancro é unha enfermidade que fai que un grupo de células do organismo crezan de maneira anómala e incontrolada dando lugar a un vulto ou masa. Isto ocorre en todos os cancros excepto na leucemia (cancro no sangue).
Factores de risco para o cancro
Existen moitos tipos de cancro que unha persoa pode desenvolver, debido a causas múltiples. En moitos casos, os factores de risco non poden modificarse, pero ao redor dun terzo dos casos de cancro poden evitarse reducindo os factores de risco principais.
Factores de risco non modificables son a idade ou a xenética.
Os factores de risco que si podemos controlar son, entre outros:
Consumo de alcol, tabaco e drogas.
Alimentación e dieta.
Actividade e exercicio físicos.
Radiacións ou exposición a substancias canceríxenas.
Determinadas infeccións.
O lema do Día Mundial contra o Cancro deste ano, «Eu Son E Vou A» trata sobre ti e o teu compromiso para actuar. Cremos que, mediante as nosas accións positivas, todos xuntos podemos lograr o obxectivo de reducir nun terzo o número de mortes prematuras por cancro e enfermidades non transmisibles para 2030.
Continuando coas actividades realizadas no noso centro para a celebración do Día Escolar da Non Violencia e da Paz, o alumnado de 3º, 4º, 5º e 6º de EP tivo a sorte de poder escoitar a testemuña de varias persoas de orixe estranxeira.
Compartiron as súas vivencias, as dificultades atopadas ao chegar, as similitudes e diferenzas entres as distintas culturas e sobre todo as ganas coas que chegaron para traballar no noso país.
O alumnado do centro realizou numerosas preguntas en relación a aspectos como: gastromonía, traxes típicos, tipos de vivenda, documentación necesaria para a residencia, sentimentos de acollida na comunidade....
A experiencia foi marabillosa e axudou a que o alumnado do centro comprendera a importancia de recibir ben as persoas que veñen ao noso país, persoas que ademais precisamos para que a nosa comunidade sexa cada vez mellor.
Grazas a Asmae Aljebari, Abdelhamid Benslaiman e Talia Bernaola por compartir con nós e o alumnado o voso tempo.
O 21 de xaneiro é o Día Internacional do Abrazo, unha data creada por Kevin Zaborney, un estadounidense quen preocupado polas poucas mostras de afecto que realiza a xente en público mesmo cos membros da súa familia, pensou en crear unha festividade que lles brindará unha escusa de facer algo que a todos gústanos e é dar e recibir abrazos.
Entre as súas principais achegas están os seguintes:
-Achegan seguridade: O ser humano é moi fráxil por natureza, sobre todo cando somos bebés, así que unha boa dose de abrazos axúdanos a sentirnos seguros e confiados.
-Provoca pracer: Cada vez que abrazamos a alguén ou nos abrazan o noso cerebro segrega dúas substancias que son a dopamina e a serotonina, ambas reducen a tensión e xuntas proporcionan calma, tranquilidade e acougo.
-Cobre as nosas necesidades afectivas: Unha persoa necesita diariamente 14 abrazos para sentirse plenamente querido. As persoas que non mostran afecto sofren de algo que en psicoloxía coñécese como fame de pel e non é máis que a necesidade de contacto humano.
-Permiten funcionar de mellor maneira: Cada abrazo axúdanos a centrarnos e manternos felices e funcionais cada día.
-A mellor cura contra a timidez: Permite ás persoas tímidas entrar en confianza, ser máis abertos, espontáneos e seguros de si mesmos.
-Diminúe a presión arterial: As persoas que non teñen moito contacto físico posúen unha frecuencia cardíaca e unha presión arterial moito máis alta que as persoas que reciben abrazos de maneira frecuente.
