Skip to Content

VISITA DE ÁNGEL CARRACEDO AO NOSO CENTRO

O 17 de decembro tivemos a visita dun grande, Ángel Carracedo, xalleiro experto en xenética a nivel mundial. Os alumnos/as de 1°, 2° e 6° curso gozamos e aprendemos con el algo máis sobre xenética e ciencia xa que nos contou en qué consistía o seu traballo e fixemos un experimento para verlle o ADN dunha ameixa con materiais que todos temos na casa: auga, alcohol 96°, o xugo dunha lata de piña, fairy, a froita, unha batedora e un tubo de cristal.

A continuación algunha imaxes da actividade:

O CEIP BARRIÉ DE LA MAZA CONTRA A VIOLENCIA DE XÉNERO

11/23/2018 15:14
Europe/Madrid

 

MAGOSTO NO BARRIÉ

O pasado venres, no noso centro educativo celebrouse o tradicional Magosto. Os nenos e nenas de todo o colexio degustaron as soborosas castañas asadas polo profesorado do centro. A continuación algunhas instantáneas da actividade:

Navega con Rumbo!

O Colexio Profesional de Enxeñaría en Informática de Galicia (CPEIG), en colaboración coa Xunta de Galicia, presenta o Plan Navega con Rumbo polo Ciberespazo, unha iniciativa encamiñada a que o alumnado navegue con tino pola Rede, é dicir, con seguridade, evitando o ciberacoso e outros riscos de Internet. A nosa intención é que te mentalices da necesidade de facer un uso responsable das novas tecnoloxías para poder espremerlles toda a substancia posible e adquirir boas experiencias e novos coñecementos.

Hoxe participou neste proxecto o alumnado de 5º e 6º de Educación Primaria.

Chega o Samaín ao Barrié!

Hoxe, o Barrié de la Maza converteuse nun lugar "terrorífico", moitos nenos e nenas asistiron á clase con vestimentas e traxes de terror para celebrar o Samaín... ademais no centro educativo tiveron lugar moitas actividades relacionadas con esta festividade de orixe Celta... Que medo!!

Gala do Deporte de Santa Comba 2018

O pasado venres o CEIP Barrié de la Maza de Santa Comba foi galardoado na Galado Deporte de Santa Comba pola súa implicación na promoción de hábitos de vida activa, alimentación saudable e exercicio físico a través do Proxecto Deportivo de Centro no que se leva traballando seis cursos académicos. Noraboa a todos e todas!!!

 

DÍA EUROPEO DO DEPORTE ESCOLAR!

O venres 28 de setembro celebrouse o Día Europeo do Deporte Escolar e no CEIP Barrié de la Maza quixemos celebralo con todo o profesorado e alumnado. durante dúas horas practicamos actividade física no patio do centro, fixemos carreiras, circuitos, xogamos co maetrial sobre rodas, zancos, balóns, etc. e pasámolo xenial!!!

OS MÁIS PEQUENOS COA CLÁSICA DE NEGREIRA!!

 O pasado 24 de outubro organizadores da XXIX Carreira Popular de Negreira achegáronse ao noso centro para promocionar este evento deportivo. Álvaro Lira, técnico de deportes do Concello de Negreira e Emilio Forján, locutor de Radio Negreira foron os encargados de falar cos rapaces e rapazas e animar a participar!

1º Premio Proxecta 2018!!

O CEIP Barrié de la Maza de Santa Comba recibiu un novo recoñecemento. Concretamente o primeiro premio do certame Proxecta de Innovación Educativa 2018 no apartado A, que abrangue a escolas   de educación infantil e primaria , colexios rurais agrupados e centros de educación especial.

O noso colexio recibirá 6.000 euros deste premio promovido pola Consellería de Educación en colaboración con outros departamentos da Xunta de Galicia. O plan Proxecta busca “potenciar a motivación e o traballo activo e cooperativo do alumnado e do profesorado implicado nos proxectos”.

No noso colexio levamos á práctica un total de 14 proxectos nos últimos cinco cursos: Proxecto Deportivo de Centro, DAFIS, Consumópolis, Meteoescolas, Aprendo programando, respecto aos animais...

NORABOA A TODAS E TODAS!!!

http://www.edu.xunta.gal/portal/sites/web/files/resol_def_centros_premiados_proxecta_asinada_0.pdf

 

 

SOMOS REPORTEIROS!!

Ao longo deste curso no noso colexio imos achegar a prensa e os medios de comunicación aos nenos e nenas e realizaremos un proxecto educativo que leva por título "SOMOS REPORTEIROS".

Neste proxecto participa todo o profesorado e alumnado do CEIP Barrié de la Maza. Para introducir a temática visiáronnos profesionais da prensa que charlaron co alumnado, falaron das súas experiencias no mundo do xornalismo e pasaron un tempo moi agradable con nós. Emilio Forján, Ton Lorenzo, Xosé Manuel Lema, Israel zautúa e Verónica Uriz.  Grazas a todos eles/as!!

 

Distribuir contido


by Dr. Radut