Skip to Content

Convocatoria do fondo solidario de libros de texto e axudas para libros de texto e material escolar

No DOG do día 22 de maio de 2017 pubícase a Orde do 16 de maio de 2017 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2017/18.

O prazo de presentación das solicitudes remata o 23 de xuño (deberán presentarse na Secretaría do centro)

Aquí tedes a ligazón á normativa.

VISITA CONSELLEIRA MEDIO RURAL

O pasado venres 12 de maio recibimos no centro a visita da Conselleira de Medio Rural, Ángeles Vázquez, dentro dunha sesión divulgativa desenvolvida por medio rural. Ángeles Vázquez acudiu a esta cita e animou aos nosos alumnos a levar á práctica os consellos dos profesionais e trasladar o aprendido durante a xornada de hoxe ás súas casas.

A través desta actividade os nosos alumnos/as aprenderon a mellor forma de coidar da natureza e máis en concreto dos montes galegos. Esta actividade enmarcámola dentro do PFPP "Naturalízate" que están a realizar os nosos alumnos durante todo o curso.

A xornada comezou cunhas charlas por grupos, segundo a súa idade, nas que se abordaron temáticas relacionadas coa conservación da natureza e as características do noso monte. Despois, todos os alumnos reuníronse para unha sesión práctica no patio do colexio no que puideron coñecer as ferramentas das que dispoñen os axentes para coidar do monte, previr lumes e, no seu caso, extinguilos.

De feito, tivemos dous vehículos motobombas para que os nenos coñeceran o seu funcionamento. A través desta xornada, os rapaces tamén poderán observar o crecemento dunha planta nas súas propias casas, xa que plantaron unha semente en recipientes plásticos para comprobar a súa evolución.

Estas charlas forman parte das actividades divulgativas que levan a cabo os axentes forestais tanto en colexios como nas súas bases e contempladas no Pladiga.

Premendo neste enlace podedes ver as fotos da actividade.

 


IX SEMANA DA POESÍA

O venres 28 de abril tivo lugar no ximnasio escolar o recital da IX semana da poesía. Despois dunha presentación a cargo da directora do colexio e dun visionado de videomontaxe do alumnado de infantil e 1º ciclo de primaria, produciuse a entrega de premios e recitado de poesías dos gañadores así como a lectura de poemas de autor.

O recital finalizou cunha actuación musical dos alumnos e mestres interpretando entre outros temas a canción Alborada de Uxía e o himno galego.

Premendo neste enlace podedes ver as fotos desta actividade.

Menú comedor escolar primavera/verán.

Publicamos en documento adxunto os menús de primavera, nesta semana estamos co menú 2.

DÍA MUNDIAL AUTISMO

Co gallo da celebración do Día Mundial do Autismo, o pasado 3 de abril leváronse a cabo no centro diversas actividades para conmemorar o mesmo. Unha delas foi a elaboración dun mural sobre a ruptura de barreiras sobre o autismo e a colga de globos azuis en todas as fiestras do centro para sensibilizarnos e concienciarnos das dificultades que pode ter este alumnado e como podemos axudarlle.

 

 

LISTAXE PROVISIONAL ALUMNADO ADMITIDO CURSO 2017/2018

Publicamos en documento adxunto as listaxes de alumnado admitido para o vindeiro curso 2017/2018.

SUSPENSIÓN ACTIVIDADE LECTIVA

POR ACORDO DE TODOS OS CENTROS DA LOCALIDADE CON TRANSPORTE DECÍDESE SUSPENDER AS CLASES O XOVES 23 DE MARZO.

AVISO URXENTE: SUSPENSIÓN TRANSPORTE ESCOLAR

Remitimos ao aviso da páxina web da Consellería de Educación polo que se suspende o trasnporte escolar o día 22 de marzo a partir das 12:00 ata o xoves 23 de marzo ás 12:00.

Facer clic aquí para ler o aviso.

TRABALLO SOBRE RECICLAXE E RECOLLIDA DE LIXO DOS ALUMNOS DE 2ºB

As alumnas e alumnos de 2ºB están contribuíndo decididamente a manter o noso centro limpo e a que o noso mundo sexa mellor co seu traballo en prol da recollida de lixo e reciclaxe. Nestas últimas semanas encheron o colexio de carteis sobre o que se debe facer co lixo, nunca se debe tirar no chan aquilo que non queremos...

NORABOA NOVAMENTE POLO VOSO TRABALLO E POR AXUDAR A TER UN MUNDO MELLOR E MÁIS LIMPO.

DÍA INTERNACIONAL DA MULLER.

O MÉRCORES DÍA 8 DE MARZO CO GALLO DO DÍA INTERNACIONAL DA MULLER CELEBROUSE NO CENTRO UNHA SERIE DE CHARLAS DE MULLERES TRABALLADORAS XALLEIRAS. AQUÍ PODEDES VER O PROGRAMA DA ACTIVIDADE.

 

Distribuir contido


by Dr. Radut