3º ciclo

INFORMACIÓN IMPORTANTE HORARIOS ENTRADA E SAÍDAS DA ACTIVIDADE E OUTRAS INFORMACIÓN IMPORTANTES

Achegamos documentación para as familias do alumnado seleccionado para participar na DigitalWeek 22-23

• Información digitalweek 22 quenda 1 (é moi importante a consulta desta información xa que fai referencia, entre outras, cousas a que debe levar o alumnado).
• Fichas alumnado (esta ficha debe entragarse cuberta no momento do que o alumnado entre na actividade)

O día Internacional da nena o alumnado de sexto, ademais da actividade organizada polo noso centro, tamén acudiu a unha interesante charla a cargo de Antía Yáñez Rodríguez que levaba por título “Breve historia divertida do feminismo galego”

A recoñecida escritora deu unha visión histórica da inxusta minusvaloración da muller ao longo do tempo. Falou das grandes desigualdades da sociedade na que, polo simple feito de ser muller, xa hai cousas que están mal vistas en comparación co home.

Defendeu deste xeito a figura de mulleres que “amolan”, mulleres que se empoderan e se fan ver.

Realizou ademais, un entretido percorrido histórico no que falou de mulleres senlleiras. Dende Exeria, importante escritora nacida na Idade Antiga en Gallaecia, autora da obra Itinerarium Egeriae; pasando por Dona Urraca e a soldadeira medieval de Coirós María Balteria.

Nese percorrido  chegou a Idade Moderna e  non esqueceu a figura de importantes mulleres coma: Rosalía de Castro, Concepción Arenal, Emilia Pardo Bazán ou María Victoria Moreno, autora da famosa obra Anagnórise. Non esqueceu tamén a Maruxa e a Coralia Fandiño, as dúas en punto, ou a Marcela e Elisa precursoras galegas do matrimonio entre persoas do mismo sexo a comezos do século XX.

Con ese caldo de cultivo a autora de “Senlleiras” realizou unha importante cuestión ao auditorio, cantas destas mulleres foran recoñecidas no Día das Letras Galegas? Destacou que só catro mulleres recibiran esa honra dende hai 56 anos. De aí, segundo a ponente, a necesidade de “amolar”, a necesidade de facerse ver e de empoderar á muller e en concreto ás mulleres galegas.

Os nosos rapaces e rapazas de 6º atópanse de excursión en Londres desfrutando da capital británica e pasando uns días que nunca esquecerán. Visitarán Oxford, o Museo Británico, o Támesis, o London Eye... Agardamos a súa volta para que nos conten as aventuras vividas.

Por suposto, levaron o Proxecto Deportivo de Centro máis alá das nosas fronteiras para facelo máis internacional aínda.

Seguide disrutando da viaxe!