A Consellería de Cultura, Educación e Ordenación Universitaria, ven de publicar a Orde do 16 de Maio de 2017 (https://www.edu.xunta.gal/portal/fondolibros) na que se regula a participación no fondo solidario de libros de texto e se convocan axudas para adquirir libros de texto e material escolar. O prazo de solicitude permanecerá aberto ata o Venres 23 de Xuño. En calquera caso, debedes ter en conta as seguintes consideracións:
-
As axudas para a adquisición de libros de texto van destinadas ó alumnado que cursará 1º e 2º de Educación Primaria o vindeiro curso.
-
A participación no fondo solidario de libros correspóndelles ós alumnos/as que cursarán 3º, 4º, 5º e 6º de Educación Primaria.
-
As axudas para a adquisición de material escolar van destinadas a todo o alumnado que cursará Educación Primaria, cuxas familias teñan unha renda per cápita inferior a 5400 Euros no exercicio fiscal do 2015.
-
Presentarase unha única solicitude por familia (por exemplo: no caso de dous irmáns, é suficiente cunha única solicitude na que se incluirán todos eles/as). Presentarase no centro de orixe, incluso aqueles que teñen previsto cambiar de centro, sempre que o fagades antes de formalizar a matrícula no novo centro. Pola contra, o alumnado que empeza 1º ESO, debe solicitar ditas axudas no instituto no que vaia a matricularse.
- A documentación a entregar é a seguinte:
- ANEXO I da Orde antes sinalada, debidamente cuberto e asinado.
- DNI de todos os membros da unidade familiar, SOAMENTE SE NON AUTORIZA á Xunta de Galicia a comprobación telemática.
- Fotocopia de libro de familia, na que aparezan todos os membros da unidade familiar. SEMPRE.
- De ser o caso, certificación de que o alumno/a ou algún membro da unidade familiar ten unha minusvalía, AGÁS QUE DITO DOCUMENTO FOSE EMITIDO POLA XUNTA DE GALICIA.
- Declaración do IRPF do exercicio fiscal 2015, SOAMENTE SE NON SE AUTORIZA á Xunta de Galicia a súa comprobación telemática.
- De ser o caso, documentación acreditativa de violencia de xénero no ámbito familiar.
-
A falta de devolución dos libros emprestados polo centro no curso 2016/ 2017 ou dos libros de texto adquiridos coas axudas correspondentes ó mencionado curso, serán causa de exclusión na participación de ditas axudas. Estes libros, deben ser devoltos ó centro en perfecto estado de conservación antes do 23 de Xuño. De faltar algún libro ou se algún está moi deteriorado, a familiar terá que ocuparse de mercar outro igual.
-
Ó igual que en convocatorias anteriores, a persoa solicitante da axuda, debe comprometerse a conservar en bo estado os libros de texto emprestados, e a incorporalos ó finalizar o curso 2017/ 2018 ó fondo solidario constituído no centro.
Ante calquera dúbida ou xestión a realizar, seredes atendidos no centro, preferiblemente en horario de 10: 50 a 11: 40.