EDLG
Equipo de dinamización e normalización lingüística. Actividades realizadas para fomentar o uso da lingua galega.
17 de maio: DÍA DAS LETRAS GALEGAS.
LETRAS GALEGAS 2020: RICARDO CARVALHO CALERO
Carballo Calero (Ferrol, 1910 - Santiago de Compostela, 1980) foi pioneiro en moitas cousas: el foi o primeiro docente na Universidade de Santiago das materias de Lingua e Literatura Galegas que se acababan de introducir como optativas nos programas universitarios, tamén, en 1972, convertíase no primeiro catedrático nesta rama. A súa traxectoria vital está íntimamente ligada ao galeguismo, dende que en 1926 chegou á capital gallega dende A Coruña para estudar Dereito e Filosofía. Aí, o autor entraría en contacto co galeguismo articulado en torno ao Seminario de Estudos Galegos e cultivaría unha estreita relación con Vicente Risco, Castelao, Otero Pedraio e outros intelectuais destacados da Xeración Nós.
Tamén participou na fundación do Partido Galeguista e no proceso de redacción do Estatuto de Autonomía para Galicia. A guerra civil atopouno en Madrid preparando as opocisións á cátedra de Bacharelato. Loitou no bando republicano e en 1939 foi detido e condenado a prisión. Dous anos despois foi liberado coa prohibición de exercer cargos públicos, o que o levaría ao exercicio privado da docencia en Lugo, onde restableceu relacións co galeguismo no exilio.
A súa creación literaria abarca a poesía, a narrativa, o ensaio ou o teatro sumando unhas vinte publicacións.
Neste ano, a RAG, recoñeceu o traballo do autor «en favor da nosa lingua e cultura propias». Carballo Calero, «constitúe un dos cumios intelectuais e literarios das letras galegas do século XX, razón pola que é merecente do recoñecemento colectivo de tódolos gallegos».
OS MAIOS EN OURENSE.
Este ano volvemos a participar nos maios de Ourense cun maio infantil feito por todo o alumnado do centro e coas coplas infantís elaboradas polo alumnado de 5º e 6º de Educación Primaria, ademais contamos coa colaboración imprescindible das nais e pais membros da ANPA "Pía da Casca" quen elaborou un maio enxebre, conseguiu publicidade para subvencionar a impresión das coplas e levou e defendeu os maios e as coplas, tanto da ANPA como dos nenos e nenas do centro. Vaia por diante o noso máis sincero agradecemento por todo este traballo.
Un ano máis as coplas realizadas polo noso alumnado foron premiadas como as mellores coplas infantís dos maios de Ourense. Parabéns artistas!!
Coplas Infantís do CEIP As Mercedes
Como moitos pobos e civilizacións festexaron o final do escuro e frío inverno e a chegada da vivificante e ubérrima primavera, Ourense, fachendosa das súas tradicións, celebra cada ano, a primeiros de maio, esta explosión de natureza, cores e vida que trae a primavera. E que mellor festexo para dar a benvida á nova estación do ano que a construción destas figuras artísticas ou tradicionais que son "os maios"?
Ademais dos "maios" a festa aderézase cunhas coplas poéticas, as "Coplas dos Maios", de orixe popular e creadas precisamente cada ano para esta festa, na que os autores recitan en público unha crítica poética aos acontecementos ou personaxes da vida pública ou privada da cidade de Ourense. Nas coplas dos maios pasa como no Entroido: todo vale e crítica e burla vertidas téñense que aceptar polos destinatarios sen rechistar.
Ademais, e como colofón de festa, hai un concurso de maios e coplas no que , cada ano, se proclama un vencedor.
Esta son eu...Rosalía.
24 de febreiro, día de Rosalía de Castro.
Muller forte, loitadora, de principios...tan lonxe desa imaxe melancólica, chorona ou sumisa que ás veces se nos pode transmitir.
Filla de solteira e dun crego. A súa condición de “escritora” e intectual pioneira foi mal vista na súa época.Dicirvos que lle chamaban “A tola” ¿Por que será que as mulleres que saían do establecido, do imposto ou mostraban as súas dotes intelectuais, chamábanlles a todas así? Loitou por darlle á muller o seu oco na literatura, xa que a través das súas obras denunciaba a inxusta consideración, polos seus coetáneos, da muller escritora. Un exemplo a súa Carta a Eduarda : “No dejan pasar nunca la ocasión de decirte que las mujeres deben dejar la pluma y repasar los calcetines de sus maridos”.
