Os beneficiarios do fondo de libros para 3º e 4º de educación primaria poden pasar a recollelos no centro o mércores, xoves e venres de 10:00h a 14:00h.

AVISO DE REUNIÓN:

O mércores día 6 de setembro ás 17.00 terá lugar a reunión cos pais e nais dos alumnos de 4º de infantil na aula de cada titora.

As listaxes das aulas estarán expostas na porta de entrada do edificio de infantil.

Por favor, pregamos puntualidade e non acudir cos seus fillos/as para optimizar o tempo e a efectividade da reunión.

As/os titoras/es

  Despedimos ao rematar xuño aos nosos COMPAÑEIROS: Paco (titor de 5º de Primaria), Susana (Inglés), Sara (titora de Infantil), Carolina (Coordinadora do Equipo de Orientación) e Laura (música). Para Sara, era o seu primeiro ano na docencia desenvolvendo con profesionalidade o seu traballo, compartido ademáis co colexio de Roxos. Susana impartía inglés correndo entre os dous edificios, Carolina coordenou estos últimos cursos os numerosos casos que precisaban PT ou AL e Laura imparteu música nos derradeiros meses do curso.

   Para Paco remata agora a súa vida profesional e neste video vai unha cariñosa e divertida homenaxe de alumnos e representantes de pais e de profesores a un compañeiro que, desde que chegou ao colexio, nos acompañou sempre con tranquilidade, respeto, moitas TICS... e bo humor: O MESTRE PACO!

     A todos eles lles desexamos moita sorte nos seus novos destinos e a Paco en especial que disfrute nesta nova etapa!.

     Moitas grazas por acompañarnos!

    Hoxe, no MUPEGA, presentouse o libro "OS FÍOS DE INFANTIL" de Ángeles e Isabel Abelleira.  O ano pasado o libro, que reflexa o seu traballo nas aulas recollido no blog "INNOVARTE" (un referente na educación infantil galega),  foi recoñecido co prestixioso premio Marta Mata, entregado pola Asociación de Maestros Rosa Sensat de Cataluña "por iniciativas e traxectorias que melloran o labor pedagóxico en España". Despois de ser editado en catalán, agora  a Editorial Galaxia, co apoio da Xunta de Galicia, publicou esta obra en galego que foi presentada polo Conselleiro de Educación Román Rodríguez nun acto ao que asistiron familia, compañeiros e amigos de Ángeles e Isabel.

Máis información na páxina da Consellería premendo AQUÍ

  Os pequenos de infantil, antes de comezar as vacacións, puderon disfrutar da actuación de Paco Nogueiras organizada polo Equipo de Infantil. Aínda que ao inicio estaban algo tímidos, despois cantaron e bailaron sen parar a pesar da calor. Brincavai, O samaín, O antroido move o corpo e En Galego, son as súas cancións preferidas..... Pasámolo xenial! Grazas Paco!

  Para rematar o curso, o equipo de extraescolares do Ceip A Maía coordinado por Mavi, organizou uns xogos con auga e balóns que puxeron a proba a axlidade e destreza dos pequenos e dos maiores. Nesta montaxe están os alumnos de infantil e os de 4º de primaria pasando unha divertida mañán!

  Neste video realizado por Paco, están os alumnos de 4º, 5º e 6º pasandoo xenial cos xogos de auga dirixidos por Mavi.

Tedes máis videos tamén nos blogs de infantil.....

E os alumnos de 5º realizaron tamén este obradoiro de percusión:

   Algúns dos traballos de relixión católica realizados ao longo do curso 2016-2017 polos alumnos de infantil e primaria.

   Os alumnos de 1ºA  e de 1ºB  fixeron estos debuxos do que máis lles gustou despois da excursión para coñecer o Parque da Natureza de Marcelle.

  Neste enlace podedes acceder á información que ten o parque sobre os seus animais: AQUÍ+

  Os alumnos e alumnas de 1º do Ceip A Maía fixeron unha visita cos seus profes ao Parque da Natureza de Marcelle, onde disfrutaron dunha visita guiada. Despois, no colexio, debuxaron os animais que viron.

   Como nos dixo hoxe un pequeno, estamos na recta final, e para despedir o curso os alumnos de infantil van ter distintas actividades.

   O luns terán uns obradoiros de xogos organizados polo Equipo de Extraescolares.

   E o martes asistirán no escenario da Biblioteca á actuación do músico e actor Paco Nogueiras, da Compañía Brincavai.

   Despois ao longo da semana cada un na súas aulas despedirá o curso ata setembro.

    Esperamos que o disfruten!