Venres de Antroido na Maía

  Alumnos e profesores pasamos unha divertida xornada de Entroido: disfrazados do que máis nos gustaba, con degustación de doces típicos e rematando cun baile de disfraces.

  Nesta montaxe podedes ver imaxes da xornada na que participaron todos, desde os máis pequenos ata os maiores.

 

                         Un video do blog de primaria:

   E desde os blogs de infantil cóntannos con fotos e videos como viviron o antroido os pequenos, xa que eles seguiron os mandadiños do Meco e ademáis participaron no fhotocall que se fixo no escenario da Biblioteca:

a clase de chanclas (de 4 anos)

unha presada de ollomaos (de 5 anos)

o blog de 6ºC infantil (5 anos)

o blog de 4ºA infantil (de 3 anos)

Homenaxe vivo a Rosalía de Castro

Nesta semana realizáronse en todas as clases moitas actividades para conmemorar o "DÍA DE ROSALÍA",  entre elas:

-a plantación dun cerramen na parte traseira do edificio de primaria con camelias da variedade "Rosalía de Castro". Esta camelia foi creada en Portugal por Moreira da Silva como homenaxe á nosa escritora e seique o primeiro exemplar está plantado na súa casa museo. Cada aula plantou unha árbore.

    >Un grupo de primaria...

 

    >Un grupo de alumnos de 4 anos....

      >os alumnos de 2º plantando a súa camelia

http://www.edu.xunta.gal/centros/ceipamaia/?q=node/517 

 

   > os alumnos e as alumnas de 4º de primaria coas súas camelias:

 http://www.edu.xunta.gal/centros/ceipamaia/?q=node/519

    >un grupo de 5 anos contao así:

http://unhapresadadeollomaos.blogspot.com.es/2017/02/dia-de-rosalia.html   

     >este grupo de 4 anos traballou a poesía de Rosalía

http://biblioceipamaia.blogspot.com.es/2017/02/4b-infantil-interpreta-rosalia-de-castro.html

   -gravación duns videos con recitado de poesías por parte do alumnado de primaria que podedes ver nesta web ou directamente no seguinte enderezo  http://www.edu.xunta.gal/centros/ceipamaia/?q=node/511

-

CELEBRACIÓN DO ENTROIDO E CONMEMORACIÓN DO DÍA DE ROSALÍA

Estimadas nais, pais, familias:

Xa estamos de cheo na semana do Entroido e continuaremos na aliña iniciada o curso pasado;  o Entroido celébrase no centro con actividades “por e para” o noso alumnado. Somos moi conscientes de que aos nenos e nenas gústalles disfrazarse, transformarse noutro ou noutra cun simple pano, ou cunhas gafas, ou cun sombreiro, con perrucas, maquillaxes ou con adobíos varios e queremos que cada quen se disfrace nestes días como queiran. As actividades que temos organizadas para o noso alumnado nesta semana son as seguintes:

·        

Dende o 20 ao 24:

o  

 Mandadiños do Meco (Ed. Infantil): O alumnado que o desexe  terá que atender aos mandados do Meco para cada un dos días de luns a xoves.

 

o  

Photocall de cada aula: É unha actividade para divertirse e ao mesmo tempo para educar e traballar valores como a socialización, o respecto polos compañeiros e a orde, porque deben pensar nos que veñen a continuación e deixar os materiais tal como os atoparon; isto é moi importante para que a actividade resulte agradable para todos e todas.  No escenario da biblioteca haberá un decorado con materiais do Centro para disfrazarse. Só poden utilizarse os disfraces e accesorios do Centro; non poden, polo tanto, traelos da casa para esta actividade. Estará colocada a cámara fotográfica para a posterior exposición de fotos.

 

·        

Venres 24:

o  

Baile de disfraces para alumnado e profesorado: Os disfraces son de temática libre, creativos, respectuosos, que lles fagan sentirse ben e cómodos e consoantes co consumo responsable.

Por outra parte, nesta semana tamén estamos realizando  diversas actividades para conmemorar o “Día de Rosalía”, entre elas a actividade colectiva de plantado de un cerramento  vexetal con camelias da variedade “Rosalía de Castro” na parte traseira do edificio de primaria como homenaxe “vivo” á escritora; tamén a gravación de un vídeo con recitado de poesías por parte do alumnado de primaria que será proxectado publicamente no acto organizado polo Concello de Ames o vindeiro xoves 23 de febrero na Casa de Cultura de Bertamiráns ás 19:00h. Si non podedes asistir ao acto podedes visionar o vídeo na páxina web do centro no seguinte enderezo : “Recitando a Rosalía de Castro” http://www.edu.xunta.gal/centros/ceipamaia/?q=node/511

 

Por último, lembrarvos que os días 27 e 28 de febrero e o día 1 de marzo non serán lectivos. As clases reanudaranse o día 2 de marzo.

Bertamiráns, 20 de febreiro de 2017

 

Mª Isabel Abelleira Bardanca

 

 DIRECTORA

Recitando a Rosalía de Castro

      Vídeo de recitado dunha parte dos poemas de Cantares Galegos para conmemorar o día de Rosalía. Elaborado polo alumnado do CEIP A Maía de Bertamiráns.

    Video Clip do poema: "Cantarte hei Galicia" feito polo alumando de 4º, 5º e 6º do CEIP A Maía.

(Ambos videos están no blog de primaria )

Os mandadiños do Meco

  O vindeiro luns día 20 daremos comezo ao Entroido co Meco e os seus mandadiños para os nenos de Infantil son os seguintes:

 

 

 

Os nenos que viviron e debuxaron o Holocausto. Debuxos dos nenos do ghetto

    Por se é de voso interese e queredes achegarvos á esta exposición, desde a área de  Educación Artística ( Educación Musical) e co único ánimo de contribuír a un mundo mellor, o que implica coñecer a historia pasada, non esquecela nunca, tela  presente cada día  e transmitirllela aos nosos fillos e fillas, nenos e nenas, que sen dúbida serán o noso, pensemos, xusto e pacífico futuro, deixando ao voso criterio e consideración como pais e nais, contar, como e cando,  esta parte escura da nosa historia reciente. LER O ARTIGO COMPLETO CON TODA A INFORMACIÓN SOBRE ESTA EXPOSICIÓN RECOMENDADA POLO DEPARTAMENTO DE MÚSICA  PREMENDO AQUÍ +

EXPOSICIÓN : "Los niños que vivieron y dibujaron el Holocausto".

   A EXPOSICIÓN  ‘Os nenos que viviron e debuxaron o Holocausto. Debuxos dos nenos do ghetto de Terezín’ PERMANECERÁ ABERTA no  claustro alto de Fonseca ata o 24 de febreiro en horario de luns a venres de 9.00 a 21.00 horas e os sábados ata as 13.00 horas.

 

O alumnado de relixión e o Día da Paz

O alumnado de relixión preparou estes traballos para o día da Paz:

"A miña habitación": Exposición de maquetas de 6º de primaria

    Os alumnos e as alumnas de 6º fixeron una exposición coas maquetas que realizaron das súas habitacións. Tamén fixeron un mural no que explican o que representa para eles o seu cuarto. Un traballo creativo que reflicte emocións e sentimentos...

 

 

 

os alumnos de 6º de infantil representan o día da Paz

O día da Paz os alumnos de 6º A de infantil do Ceip A Maía recitaron o poema de Lao Tsé "Paz en los corazones"

  Os de 6º B de Infantil  recitaron unha versión feita por eles do poema de Gloria Fuertes "Si a la paz, no a la guerra"

E os de 6ºC infantil  representaron o conto " negros e brancos" de David Mackee

 

Presentamos o blog de 4º A de infantil

Hoxe queremos presentarvos un novo blog do colexio creado pola profesora Sara na clase de 4ºA de infantil e a partir de agora estará na sección Blogs do centro para compartir con vos as actividades e o día a día dos pequenos de 3 anos.

Sirva como presentación a que fai a propia Sara na cabeceira do blog:
 
   " Benqueridas familias.
Quero darvos a todos/as á benvida a esta nova aventura. 
 
Este blogue pretende ser unha fiestra a través da cal veredes unha pequena parte do noso día a día na aula: as actividades, as rutinas, as experiencias e os afectos e emocións que se van xerando e tecendo.
 
E con tal fin, aquí tedes unha pequena mostra do que se "coce" na nosa aula."
 
 
 
 
Distribuir contido