Presentamos o blog de 4º A de infantil
Enviado por A Maía o Sáb, 04/02/2017 - 1:25amHoxe queremos presentarvos un novo blog do colexio creado pola profesora Sara na clase de 4ºA de infantil e a partir de agora estará na sección Blogs do centro para compartir con vos as actividades e o día a día dos pequenos de 3 anos.
Día Escolar da Non Violencia e a Paz
Enviado por A Maía o Lun, 30/01/2017 - 1:36amHoxe o noso Centro vai conmemorar con diversas actividades o DÍA ESCOLAR DA NON VIOLENCIA E A PAZ, para que os nosos alumnos aprendan valores: a tolerancia, a solidariedade, a comunicación, o respecto e a amizade fronte á violencia e o odio. Pero sobre todo para que os practiquen e que, fronte aos que se empeñan en crear muros que separan e dividen, eles e elas sexan capaces de levantar pontes que nos unan...
O himno do Día Escolar da Non Violencia, (DENIP), "Irmáns das estrelas", do pacifist, poeta e educador LlorenÇ Vidal, anima a todos a crear unha cultura de paz, sen diferenzas de raza, lingua, crenza ou maneira de pensar.
Irmáns das estrelas,
das montañas, do mar,
de todos os seres vivos,
unamos, para cantar,
as nosas mans, aprendices
de Amor, Non-violencia e Paz.
Sen diferenzas de raza,
de lingua nin de pensar,
nun abrazo fraterno,
unamos, para cantar,
os nosos peitos, coa forza,
de Amor, Non-violencia e Paz.
Defensores da vida,
sen armas para matar,
cal cidadáns do mundo,
unamos, para cantar,
o noso alento, mensajeros
de Amor, Non-violencia e Paz.
Máis información sobre o DENIP e LlorenÇ Vidal AQUÍ
Plan de consumo de froita na escola
Enviado por A Maía o Ven, 13/01/2017 - 1:59pm
Un curso máis dende o CEIP A Maía acollémonos ao Plan de Consumo de Froita na Escola.
O obxectivo do plan é incrementar o consumo de froita e verdura así como os hábitos saudables dos nenos e nenas.
Os períodos nos que se levará a cabo o consumo son os seguintes:
· 1ª semana: Do 16/01/2017 ao 20/01/2017
· 2ª semana: Do 20/03/2017 ao 24/03/2017
· 3ª semana: Do 08/05/2017 ao 12/05/2017
As aulas participantes neste programa son todas as de educación primaria agás os grupos de 3ºB e 5ºB.
Agradecemos a vosa colaboración especialmente nestas semanas de desenvolvemento do programa, falando cos vosos fillos e fillas sobre a importancia do consumo da froita.
Dende os seguintes enlaces podedes acceder aos materiais e xogos deseñados para este programa, por si queredes tamén dende as vosas casas empregalos.
El Frutijuego: El gran juego de las frutas y las verduras
O Frutijuego é un símil da ruleta da fortuna no que se han de resolver 150 preguntas coa axuda do Libro Sabio das Froitas e as Verduras, que inclúe un total 53 fichas didácticas.
O Libro sabio de froitas e verduras en galego
El libro sabio de las frutas y las verduras en castellano
El libro sabio de las frutas y las verduras en inglés
Outros xogos de interese:
Acceso al juego flash del Alimentraining
Acceso al juego flash de la Batidora
Acceso al juego flash del Caleidoscopio
AVISO IMPORTANTE
Enviado por A Maía o Ven, 13/01/2017 - 1:40pmEn relación con feitos e actuacións observados durante estes días, informamoslles que está prohibido agarrarse ao cerre e enreixado que arrodea o centro, así como pasarlle cousas ao alumnado a través del; o profesorado que está de garda non pode saber si quen intenta pasarlle cousas ao alumno ou alumna é alguén da familia actuando de boa fe ou non, polo que se verá na obriga de facerlles un apercibimento e poñelo en coñecemento da dirección, que tomará as medidas oportunas. Por favor,si se esquecen de darlles algo acudan ao persoal de conserxería para que llo fagan chegar ao alumno ou alumna.
Somos conscientes de que se trata de actuacións imprudentes, irreflexivas e, aínda que escasas, non as imos tolerar, recorden que educamos entre todos.
Atentamente.
Mª Isabel Abelleira B.
Directora
O Nadal polos alumnos de Relixión
Enviado por A Maía o Dom, 01/01/2017 - 10:23pmOs alumnos e alumnas de Relixión celebramos o Nadal ambientando o colexio e a aula cos nosos traballos. Esperamos que vos gusten!. Bo Nadal"
En estos videos están algúns dos nosos traballos:
OS TRABALLOS DE INFANTIL:
Os alumnos de 1º fixeron os Beléns que están nos seus libros.
Os alumnos de 2º empregaron pratos para pintar o Portal de Belén e facer unha árbore de Nadal para a porta da clase:
Os alumnos de 3º debuxaron así o Portal de Belén:
Os alumnos de 4º fixeron estas guirnaldas para a porta expresando os seus mellores desexos de PAZ, AMOR, IGUALDADE, CARIDADE, BONDADE E ALEGRÍA para todos.
Os alumnos de 5º tamén debuxaron estas velas co Neno Xesús para que a súa luz lles lembrase a todos o seu nacemento:
Os alumnos e alumnas de 6º fixeron estos debuxos do Portal de Belén:
E ademáis os de 5º e 6º construiron, con distintos materiais, estos Portais de Belén:
Entre outras cousas tamén prepararon o calendario de Adviento:
E, con todos estos traballos, queren desexarvos UN BO NADAL, FELICES FESTAS E UN BO ANO 2017!
1º número do xornal de 4ºC
Enviado por A Maía o Ven, 09/12/2016 - 10:38pmPrimeiro número do "Xornal da Maía", redactado e editado polos alumnos e as alumnas de 4ºC do Ceip A Maía ao longo do primeiro trimestre. Premer na imaxe da portada para ler o xornal.
Campaña solidaria de recollida de alimentos
Enviado por A Maía o Lun, 05/12/2016 - 3:22pmEstimadas nais, pais, familias,
Un ano máis pedimos a vosa colaboración para a campaña solidaria de recollida de alimentos. Dende o día 7 ata o 15 de decembro poderedes deixar as vosas achegas nas caixas dispostas para a recollida na entrada do centro. O venres 16 de decembro faráselle chegar ao personal de Cáritas Bertamiráns.
Lembrade que teñen que ser alimentos non perecedoiros.
Moitas grazas pola vosa xenerosa colaboración, entre todos podemos axudar!
Os alumnos de 2º preparan o Nadal
Enviado por A Maía o Dom, 04/12/2016 - 8:43pmTraballos que fixeron os nenos e nenas de 2º de primaria para ir ambientando os corredores do colexio agora que se achega o Nadal.
Angeles e Isabel Abelleira: Premio Marta Mata de Pedagoxía
Enviado por A Maía o Dom, 04/12/2016 - 1:47pm
Acaba de concederse en Barcelona o prestixioso Premio de Pedagogía Marta Mata 2016 á nosa directora Isabel e a súa irmá Angeles Abelleira da EEI do Milladoiro polo libro “Os fíos de infantil. InnovArte Educación Infantil". Un traballo que recolle algunhas das experiencias entre os máis de mil post ao longo dos seis anos de publicación deste blog que é todo un referente na educación infantil e que será publicado en español pola editorial Octaedro, en catalán por Rosa Sensat e en galego pola editorial Galaxia.
Parabens ás dúas!
Deixo aquí o post que elas acaban de colgar no propio BLOG INNOVARTE no que contan a súa experiencia tanto no premio como ao longo dos anos na Educación Infantil.
E, coma sempre, podedes seguir INNOVARTE desde a ligazón que está no blog da Biblioteca.
A nova foi salindo ao longo da semana tanto na prensa catalana como na galega, nestas ligazóns: La Vanguardia , Faro de Vigo, Diari de l´Educació , e no Correo gallego así como na web de Rosa Sensat.
Composicións de Outono e Samaín dos alumnos de 4º de primaria
Enviado por A Maía o Xov, 01/12/2016 - 12:39am
Os alumnos e as alumnas de 4º de primaria realizaron estas composicións sobre o Outono e o Samaín.
- « primeira
- ‹ anterior
- …
- 49
- 50
- 51
- 52
- 53
- 54
- 55
- 56
- 57
- …
- seguinte ›
- última »