Os alumnos e alumnas de 1º de primaria fixeron unha saída en bus a Santiago para ver no Teatro Principal a representación de  "OSIÑO".  Na obra, a cargo da Compañia Trompicallo, vemos como transcurre a vida  de Osiño, súa nai e os amigos que vai facendo, nun anaquiño da fraga, e como esta se vai transformando coas diferentes estacións. Un fermoso soño para nenos e nenas que lles encantou!. Tanto alumnos como profesores disfrutaron coa obra e o paseo polas rúas de Santiago.

Ficha artística:            

Autores:         Marian Glez./ Luís Glez./ Sabela Amado/ Kevin Stewart

Dirección:      Kevin Stewart

Titiriteiros:    Sabela Amado Rojo / Marian González / Luís González

Deseños técnicos e artísticos:         Trompicallo

Músicas:         Ignacio Sanz

 Mostra dos poemas de Rosalía de Castro que ilustraron os alumnos. Como seguro que xa os vistes, están  pendurados polo patio de entrada  do noso colexio, situado no medio das terras que a inspiraron e que a escritora percorreu desde o seu nacemento en  1837 no Camiño Novo, do Concello de Conxo, hoxe Praza de Vigo do Concello de Santiago de Compostela ata o seu pasamento en Padrón no ano 1885.

Premede na imaxe para ver os traballos pendurados no patio.

^{O Concello de Ames abre os procesos de preinscrición e renovación dos servizos complementarios: Rede de Comedores, Bos Días Cole e Tardes Divertidas, para o curso 2018-2019.}

Información do trámite de matrícula

Información sobre o trámite de renovación

Baixo este lema os centros escolares de Ames lembramos a Rosalía. O curso pasado plantamos nos patios camelias da variedade que leva o nome da escritora e este ano quixemos darlle vida aos seus versos con debuxos dos alumnos nunha actividade organizada polos EDNL. Elaboramos carteis en cada aula que foron pendurados polos nenos e nenas nos portais dos edificios para abrir a celebración a toda a veciñanza.

  Moitas grazas a todos por participar nesta actividade e polas fotografías que nos enviastedes!

 Profes e alumnos da Maía pasamos momentos moi divertidos no Fotocall pirata organizado polo equipo de Extraescolares na semana do Entroido. Puxéronse na Biblioteca caixas con material para convertirse nuns piratas moi especiais: disfraces e todo tipo de complementos. Cada grupo foi pasando ao longo da semana e poñendo o que máis lles gustaba para despois posar no barco pirata e no escenario realizados polos alumnos máis maiores.

   Alumnos maiores e profes  prepararon o escenario para o Fotocall pirata. Buscaron información, pintaron o barco, decoraron o escenario e prepararon materiais para que  os seus compañeiros atopasen todo listo para disfrazarse.

    Os pasados 30 e 31 de outubro os nenos e nenas de 5º e 6º niveis, asistiron no Auditorio de Galicia á representación da ópera Guillermo Tell. Traballamos previamente á asistencia ao concerto a partir da unidade didáctica. Durante o curso adentrámonos no mundo da ópera, e como final, os alumnos e alumnas de 5º e 6º fixeron redaccións (algunhas das cales están nos arquivos adxuntos) e tamén debuxos.

Exposición dun traballo coordinado polo EDNL sobre o Entroido en Galicia, con información recopilada polos alumnos do ceip A Maía e materiais (murais e pantallas) elaborados por eles. A mostra está ubicada no segundo andar do colexio.

Unha exposición retrospectiva de fotografías do Entroido galego aportadas polas familias do colexio. Reflicten as nosas referencias socioculturais, os Entroidos de antes e o porqué das actuais celebracións. Moitas grazas a todos os que aportástedes este pequeno anaco da historia do Entroido ao longo do tempo e por toda Galicia (incluso algunhas de fora).  Pódese ver na entrada do edificio de Primaria.

   Dentro das actividades programadas para celebrar o Entroido cos alumnos de infantil e primaria estaba o baile de disfraces de temática libre. Nesta montaxe deixámosvos unha mostra.

   Os piratas de 2º C de primaria estiveron quentando motores durante a semana previa para celebrar o Entroido.