NADAL NO COLEXIO

           Xa estamos metidos de cheo no mes de Nadal. Como todos os anos temos xa montado o Nacemento  no vestíbulo do colexio.  Podedes achegarvos ao Centro para velo.  Entre outras actividades destas datas, estamos a facer un certame de tarxetas de Nadal, entre as que se escollerá a que servirá de felicitación do noso colexio.  E para remate realizaremos o Festival de Nadal do que poderemos disfrutar nenos e grandes o día 21 pola mañá,  a iso das 11:30 horas.

BIBLIOTECA DO CENTRO

 

A biblioteca do colexio (BIBLIOTECA DO CHECHO) atópase funcionando “a toda máquina”. Temos moitas actividades (certames, celebracións…) e a oferta educativa e de ocio amplíase día a día.  Hai materiais  de todas as áreas e para todas as idades, ademais de producións propias do colexio  e libros ” marabillosos”.

O alumnado atopa neste espazo un lugar de disfrute todos os recreos, lendo, facendo consultas, informándose, usando o material informático…

Pero non só os alumnos e alumnas poden beneficiarse da nosa biblioteca, senón que tamén os  pais, nais, titores e titoras poderán consultar a biblioteca do Centro os martes e mércores pola tarde (de 16:30 a 18:30). Tamén está á súa  disposición  libros de adultos situados na  estantería que se atopa no vestíbulo do colexio, da cal poderán levar material en préstamo.

Se queredes máis información e estar ao día de todas as actividades da biblioteca, podedes consultar o blog da biblioteca: dinamizacioncarballeira.blogspot.com. Asemade se tedes alguna suxerencia facédenola chegar ao enderezo:  bibliotecadochecho@hotmail.com

“AS PEGADAS DO PASADO”

Este curso escolar, todo  o colexio vai levar a cabo un proxecto  documental integrado que leva por  título As pegadas do pasado”.  Estudaremos os petroglifos, a vida na prehistoria… Visitaremos algún petroglifo, ademais de estudar o noso,  porque xa sabedes que no recinto escolar temos un petroglifo que, agardamos, sexa “restaurado”este curso para poder disfrutar del como testemuña dos nosos antepasados.

 

MAGOSTO

O venres, día 9 de novembro, celebraremos o MAGOSTO, se o tempo o permite. 

         Faremos unha exposición. Para iso  propoñemosvos a  elaboración  de  traballos que poderedes facer coa colaboración das familias e traer ao colexio a partir do luns, día 5 de novembro., 

      * Para Educación Infantil e 1º ciclo de Primaria (1º e 2º curso): manualidades feitas con elementos propios do outono (castañas, noces, piñas, follas…).

* Para 2º e 3º ciclos de Primaria (de 3º a 6º curso):  receitas  de cociña, escritas en galego,  elaboradas con produtos propios deste tempo  (castañas, noces, cogumelos…).

 

      O venres 9, faremos o magosto. Con  tal motivo é necesario que os nenos e nenas traiades  unhas poucas castañas, previamente picadas (cun corte na casca) para asar e se queredes unha bebida (auga, zume...) en envase non de vidro. Tamén haberá chourizos asados con pan.

            Se algún de vós  dispón na casa de carozos ou leña miúda para facer a brasa, pode traer unha pouca ao Colexio; sempre co consentimento da vosa familia. Sería de gran axuda. 

            Tamén haberá unha pequeña degustación de chourizos asados. Os que non podedes ou non debedes comer chourizo, facerllo saber aos vosos  titores/as.

            Pasarémolo moi ben,  comendo e xogando!!!

            O Colexio xa está preparando murais e actividades para o evento.

 

      Grazas pola colaboración das familias.

SAMAÍN

Como corre o tempo. Xa estamos de cheo metidos no outono e ás portas, un ano máis,  da celebración do Samaín e o Magosto.

            A vindeira semana celebraremos o Samaín con obradoiros de vaciado e decoración de cabazas, á vez que ornamentaremos a entrada do colexio para o efecto, rematando coa exposición dos traballos elaborados.

            Animádevos a traer cabazas para decorar ou xa decoradas da casa. Podedes pedirle colaboración ás vosas familias. É un bo momento para facer algo xuntos.

CONSELLO ESCOLAR

 

O Consello Escolar é o máximo órgano de goberno do Centro. Representa á  comunidade educativa,   xa que está formado por profesores, pais, nais , persoal non docente e un representante do Concello. 

 

No mes de novembro , entre os días 26 e 30 de novembro, terán lugar as eleccións para a renovación parcial dos membros que formarán parte do Consello Escolar do Colexio. 

      Para levar adiante este proceso, deberase constituir unha XUNTA ELECTORAL que organizará e supervisará todo o proceso electoral e que estará integrada por:

      - A directora do Centro

      - Un profesor /a

      - Un pai ou nai ou titor legal

      - Un representante do persoal de administración e servicios

 

      Para elixir a estes membros farase un sorteo público o mércores 31 de outubro, ás 12:00 horas da mañá no Colexio.

 

      A XUNTA ELECTORAL concretará o calendario electoral que lles será comunicado próximamente.

      Cada pai, nai e/ou titor legal poderá presentarse como candidato/a para formar parte do CONSELLO ESCOLAR  e participar así na xestión do Centro. 

Para ter representación de todos os sectores é conveniente que se presenten candidatos, polo que animamos aos profesores e aos pais e nais a presentar a súa candidatura.

 

Ao longo do mes será enviada diferente información ás casas sobre todo o proceso.

Datos de interese curso 2012-2013

HORARIO LECTIVO DO CENTRO:

  De 9:00 h. A 14:00 h.

HORARIO DE BIBLIOTECA:

    De Luns a  venres: De 11:45 h. a 12:15 h.

            Mércores:  De 16:30 h. a 18:30 h. 

HORARIO DE ATENCIÓN A PAIS, NAIS E TITORES/AS:

     Martes: de 16:30 h. a 15:30 h.

 

* Para asuntos urxentes, atenderáselles outro día da semana, previa cita.

 

HORARIO DE ATENCIÓN AO PÚBLICO POR PARTE DO EQUIPO DIRECTIVO:

Dirección: 

        De martes a venres :     De 9:00 h. a 10:00 h.

     Secretaría: 

        Luns: De 12:15 h. a 13:00  h.

Mércores: De 11:00 h. a 11:45 h.

Venres: De 10:10 h. a 10:50 h.      

                                  

Xefatura de Estudos:      

     Martes, mércores e venres :     De 9:00 h. a 10:00 h.

                     

Folleto informativo

No seguinte arquivo adxunto, podes consultar toda a información do noso colexio:


 Díptico informativo

ENTROIDO NO C.E.I.P. A CARBALLEIRA

O pasado venres, 17 de febreiro, celebrouse como cada ano, con gran éxito de participación a Festa do Entroido.
Todos puidemos disfrutar dos actos preparados para o efecto: desfile de disfraces, xogos, degustación de postres propios destas datas, elaborados coa inestimable colaboración das familias, e como acompañamento preparouse no colexio un chocolate quente que satisfixo todas as expectativas, porque estaba boísimo.
Como se vén facendo nestes derradeiros anos, engalanouse o ximnasio, e previamente confeccionouse un bonito e interesante mural sobre o entroido tradicional en Galicia, e a partires das 12:00 horas comezou a festa.
Houbo moita diversión e grandes desexos de que chegue o vindeiro Entroido.

Desde aquí agradecemos ás familias a súa colaboración, tanto na elaboración dos doces de entroido como no engalanamento dos nenos durante os días previos da semana ao vir ao colexio cos elemento que nos dita o noso entroido, este ano unha pantalla, típica de Xinzo de Limia, na provincia de Ourense.

Magosto

Xa sabedes que o venres que vén, día 11 de novembro, celebraremos o  MAGOSTO no Colexio, se o tempo o permite.


Con  tal motivo é necesario que os nenos e nenas traiades  unhas poucas castañas, previamente picadas (cun corte na casca) para asar e se queredes unha bebida (auga, zume...) en envase non de vidro. Tamén haberá chourizos asados con pan.


 


Se algún de vós  dispón na casa de carozos ou leña miúda para facer a brasa, pode traer unha pouca ao Colexio; sempre co consentimento da vosa familia. Sería de gran axuda.


 

Distribuir contido
Iniciar sesión: Acceso

Profesorado

Alumnado

Pais/Nais