HOMENAXEANDO A ROSALÍA DE CASTRO
Hoxe, ao longo da mañá, celebrouse o Día de Rosalía, onde o alumnado acompañado polas súas titoras trouxo unha peza para montar o quebracabezas xigante da cara de Rosalía, 12 pezas, 6 das cales foron intercambiadas co CEE Infanta Elena de Monforte (nunha actividade conxunta coordinada polos equipos de Dinamización da Lingua en colaboración coa Biblioteca, TIC e AACC).
Logo proxectouse a montaxe creada co traballo levado a cabo ao longo da semana, tamén nunha actividade compartida co CEE Infanta Elena, "poesías por un tubo", o alumnado no obradoiro "os contos" decoraron os tubos con versos en pictogramas de tres poemas de rosalía, dous anacos do poema "vente, rapaza" e outro de "imos bebendo" (deste poema tamén se está ilustrando un verso por aula para recoller nun libro), que logo recitaron e escoitaron.
Despois de ver o traballo de toda a semana tamén tentamos volver recitar e cantar algún destes poemas.
Na seguinte entrada o resumo deste día.
A celebrar con rosalía a nosa lingua...