Título node Learning object
O estudo HBSC (Health Behaviour in School-aged Children ou HBSC) ou estudo sobre as condutas dos e as escolares relacionadas coa saúde, é un estudo que leva a cabo grazas a unha alianza internacional formada por máis de 40 países e 400 expertos en saúde adolescente que conta co auspicio da Organización Mundial da Saúde (OMS). España participa desde 1986, exceptuando a edición de 1998, e desde 2002 conta co apoio técnico e económico do Ministerio de Sanidade. Realízase en edicións cada 4 anos (a última en 2018).
O estudo está dirixido aos e as adolescentes de 11 a 18 anos, e o principal obxectivo é coñecer e monitorar a situación dos comportamentos saudables, a saúde e o benestar físico e psicolóxico dos mozos e as mozas en idade escolar, así como os contextos sociais onde se desenvolven, e contribuír a desenvolver iniciativas de promoción da saúde na poboación escolarizada. Para a selección dos participantes, realízase unha mostraxe aleatoria tendo en cuenta a idade, a comunidade autónoma e a titularidade do centro dos e as adolescentes, de modo que se obtén unha mostra representativa da poboación escolarizada destas idades.
Os datos que achega o estudo son de gran interese, xa que os temas que aborda non son abarcados na súa totalidade por ningún outro estudo de representatividade nacional. Ademais, elabórase un informe técnico para cada unha das comunidades autónomas e cada centro educativo recibe un informe personalizado cos seus datos comparados coa media da súa comunidade autónoma e a media nacional en relación cuns 30 indicadores considerados máis relevantes.
A participación dos centros educativos contribúe a facilitar cada vez máis o deseño de estratexias e accións orientadas á promoción da saúde nos e nas adolescentes.
Para máis información sobre o Estudo HBSC pode consultar a seguinte ligazón: