Título Event node R

Coñecer o protagonista do Día das Letras Galegas mediante roteiros literarios guiados é unha proposta que está a se consolidar desde o Servizo de Formación do profesorado. No caso de Ricardo Carvalho Calero, homenaxeado este 2020, ofertaremos tres propostas de homenaxe-aprendizaxe.

A primeira, o 29 de febreiro deste 2020, da man do profesor José Martinho Montero Santalha, percorreremos os principais puntos vinculados á obra e á vida de don Ricardo na súa cidade natal, Ferrol. Con saída na Praza Vella, pasaremos pola praza de Amboaxe, a Rúa Real, o Cantón... para rematarmos no Centro Sociocultural Gonzalo Torrente Ballester no que poderemos ver unha exposición sobre Carvalho Calero.