G1402024 Xornada sobre o Proxecto europeo "Holocausto e Memoria 2015"
A Consellería de Cultura, Educación e Ordenación Universitaria organiza a Xornada sobre o Proxecto europeo "Holocausto e Memoria 2015" o sábado 17 de xaneiro de 2015, en Santiago de Compostela.
O 27 de xaneiro é sinalado por Nacións Unidas como data de recordo ás vítimas do Holocausto xa que tal día de 1945 o exército soviético liberou o maior campo de exterminio nazi: Auschwitz-Birkenau. En España recoñeceuse oficialmente a conmemoración no Real Decreto do 15/12/2004, baixo a denominación de "Día da Memoria do Holocausto e da Prevención dos Crimes contra a Humanidade".
O obxectivo desta iniciativa é conseguir introducir a transmisión do Holocausto no ensino a través da conmemoración do "Día da Memoria do Holocausto" o próximo 27 de xaneiro de 2015. Para isto, esta xornada pretende proporcionar ao profesorado participante información, ideas e recursos referentes a esta temática.
Data de celebración: 17 de xaneiro de 2015.
Lugar de celebración: Cidade da Cultura, Santiago de Compostela.
Número de horas totais: 8.
Enlace a FPROFE: Xornada sobre o Proxecto europeo "Holocausto e Memoria 2015"
Data límite de inscrición: 13/01/15
Imaxe: "Holocaust Memorial 8", Philippe Amiot (https://www.flickr.com/photos/philippeamiot/5966435035/)
