Título node Learning object

Este “parque temático virtual” pretende ensinar aos escolares que unha alimentación saudable e a práctica de exercicio son hábitos saudables e divertidos.
Este proxecto, presentado polo Ministerio de Sanidade, Servizos Sociais e Igualdade e posto en marcha pola Axencia Española de Seguridade Alimentaria e Nutrición (AESAN) está dedicado a promover a alimentación saudable e o ocio activo nos nenos e nenas de primaria (de 6 a 12 anos) e , ao mesmo tempo, achega contido informativo para padres, madres e educadores. Combina contidos lúdicos e educativos en distintos formatos audiovisuais: xogos dixitais, vídeos, música, descargas. Animacións en dous e en tres dimensións.
Propón consellos para realizar unha alimentación variada e equilibrada, xogos e actividades en familia, na escola, no parque con amigos, deportes, baile, así como outros hábitos saudables de hixiene ou sono adecuado.
Ademais, pretende fomentar o consumo de froita e verduras; a redución da inxesta de graxas, azucres engadidos e saúde; o consumo de auga; a práctica habitual de exercicio físico, evitando así que os pequenos estean sentados moitas horas diante do ordenador ou da televisión.
Para elo, Activilandia establece dous “targets” de idade: de 6 a 9 anos e de 9 a 12, e conta con 10 atraccións, tres actividades especiais, un concurso, sete xogos interactivos, tamén unha versión “app” para móbiles, 12 descargables en PDF con contido lúdico e didáctico e nove vídeos interactivos, ademais dun observatorio para familias e educadores.