O pasado 2 de febreiro celebrouse o Día Mundial dos Humedais, unha data na que se lembra a importancia destes ecosistemas non só polo que contribúen ó mantemento da biodiversidade senon pola cantidade de servizos ecosistémicos que ofrece. Por este motivo, o Dpto. de Bioloxía e Xeoloxía organizou unha xornada de observación de aves para o alumnado de 1 ESO na Foz do Río Miñor, un espazo que forma parte da Rede Natura 2000.

Durante a mañá do 21 de febreiro o alumnado puido observar a biodiversidade da avifauna deste espazo natural e ó mesmo tempo coñecer algúns aspectos que resaltan a importancia deste esteiro e daqueles outros que comprometen a súa conservación e protección.

O pasado martes 21 de novembro, o alumnado de 4º de ESO que cursa a materia de Bioloxía e Xeoloxía e PDC, realizaron unha saída ó río Muíños para estudar as principais características do ecosistema fluvial.

Nun percorrido de 500 m aproximadamente, describíuse a vexetación e as carcaterísticas xerais do cauce, incluindo todos aqueles elementos que constitúen unha agresión ó ecosistema fluvial (aliviadeiros, colectores, construcións, refugallos, contaminación acústica...). Con toda esta información elaborouse un croquis do tramo estudado do río .

O alumnado de 3º de ESO participou o pasado 24 de marzo nunha xornada de limpeza no areal de Praia América. A actividade, xa habitual na programación de actividades complementarias do centro, é organizada polo Departamento de Bioloxía e Xeoloxía en colaboración co Concello de Nigrán.

A finais de marzo 12 alumnos e alumnas de secundaria do Loreto High School de Manchester visitáronnos dentro dun programa de intercambio no que participa tamén o noso alumnado de 4 de ESO.

O departamento de Bioloxía e Xeoloxía organizou o luns 27 unha saída á Serra da Groba e Oia, onde tamén visitaron o mosteiro cisterciense. Contamos coa colaboración de Xilberte Manso, membro do Instituto de Estudos Miñoráns (IEM) quen nos acompañou durante toda a xornada.

O pasado 1 de febreiro, o alumnado de 4º de ESO e de 1º de bacharelato da materia de Bioloxía e Xeoloxía, realizaron un roteiro xeolóxico por Monteferro.

A península de Monteferro posúe uns indudables valores paisaxísticos, naturais pero tamén xeolóxicos que motivaron a súa declaración como Lugar de Interés Xeolóxico (GM075) polo Instituto Xeolóxico e Mineiro de España en 2019.

O alumnado de 4º de ESO da materia de Bioloxía e Xeoloxía realizou unha visita didáctica ó Centro de interpretación do lobo ibérico “Félix Rodríguez de la Fuente” no munipio de Robledo (Zamora) e ó Xeoparque Mundial da UNESCO “Montañas do Caurel”, unha visita que se celebrou entre o 16 e o 18 de marzo.

A primeira noite pernoctamos nas inmediacións do lago de Sanabria. Pola mañá disfrutamos das impresionantes vistas sobre o lago, o maior lago de orixe glaciar de España. A pesar do mal tempo puidemos facer unha parada no lago para falar da súa orixe a partir do último periodo glaciar (glaciación do Würm) que finalizou hai un 18.000 anos.

O 16 de marzo o alumnado da materia de Anatomía Aplicada de 1º de bacharelato visitou os laboratorios do Hospital Álvaro Cunqueiro. O obxectivo desta saída foi, por un lado espertar no alumnado a súa vocación polo traballo no ámbito sanitario e, por outro lado, resaltar a importancia das múltiples vías de formación que conducen ó mesmo, máis alá da medicina ou enfermería.

Á nosa chegada ó hospital recibíunos M. Rosario Diéguez, coordinadora de técnicos especialistas da unidade de docencia e formación continuada do CHUVI, quen nos acompañou durante toda a xornada.

Un alcume é un substantivo antropónimo que se engade ou substitúe ao nome dunha persoa ou unha familia, tomado dos seus defectos físicos, morais ou doutras circunstancias. Entre os seus sinónimos recóllense palabras como adeallo, alcuño ou nomeada.

O alumnado do departamento de Tecnoloxía experimentaron coa Intelixenxia Artificial na exposición AI MORE THAN HUMAN na Coruña.

O xoves, 22 de setembro, celebrouse unha charla para o alumnado das materias de bioloxía e xeoloxía de 1º de bacharelato e bioloxía de 2º de bacharelato, titulada "A volta do pirata da pata de pau". A charla foi impartida pola profesora de física aplicada da facultade de telecomunicacións, Bety León.