Saltar navegación.
Inicio

Novidades en galego

Batea - Presentación de disco

Nova proposta que fusiona o son da gaita galega co rock: Batea

Un grupo das Rías Baixas con músicos con ampla experiencia no son folk que neste mes de abril presenta novo disco: Tampouco somos os Rolling

Agora fan unha proposta diferente e cun packaging (imaxe do produto) do máis orixinal: memoria USB nunha lata de mexillóns!

Na web podes escoitar algunhas cancións como Cachamuiña On Fire o tema de apertura adiantado o día 28 de marzo coma conmemoración da Reconquista.

Na procura do medo esquecido. Catálogo de criaturas mitolóxicas e fantásticas de Galicia

O pasado 31 de marzo presentouse na sede da Deputación en Vigo esta nova publicación da editorial Galaxia e está previsto un acto no Pazo de Mos para este 14 de abril.

É a primeira obra do ilustrador porriñés Juancho que, aproveitou este ano de menos traballo no seu estudo de deseño, para recuperar as figuras clásicas de terror "de lareira" que tanto enriquecen o noso patrimonio oral. Gostamos moito de refrescarlle ás novas xeracións, que xa non teñen a mesma vía de transmisión desas historias, as figuras clásicas das lendas galegas.

Coma ilustrador destaca a súa traxectoria: dinamización cultural con actividades de banda deseñada e traballos para a Universidade de Vigo, Festival de Cans, a festa Arde o Pazo,...

Nación, estrea nos cinemas o venres 26 de marzo!

Chega o esperado documental de Margarita Ledo sobre a fábrica de louza Pontesa e a ferida aínda abierta que deixou nas súas traballadoras co seu peche. A labor delas no sector industrial posibilitou a súa intedendencia económica pero a reconversión industrial truncou os seus soños.

A música do documental é de Mercedes Peón e a súa proposta Osmose é un diálogo que reforza as imaxes do filme.

Tanxugueiras

Midas, o tema máis novidoso de Tanxugueiras, no que hai unha fusión entre a música tradicional galega e o urbano!

Tanxugueiras, mulleres "empoderadas" con un son moi característico e persoal.

A lavandeira de San Simón

Fermoso libro de Eva Mejuto con coidadas ilustacións. Narra a historia do penal dende a perspectiva das mulleres que desinteresadamente axudaban ós presos e as condicións que nas que vivían.

Fai CLIC na imaxe para ver o album ilustrado da autora!

ACORDEIRETA

Recomendamos a publicación de Loitar Cantando, o último disco Acordeireta.

Son de moi pretiño, Saiáns.

Nesta obra recopilan pezas inéditas coma: "Rinconciño de Galicia " de Avelino Abril, veciño de Saiáns e membro da charanga "Os leóns de Camos".

KALLAIKOS DE PACO BOLUDA

O ano pasado visitamos cos nosos alumnos o Castro de San Cibrán de Lás e o seu Museo.

Recomendamos agora un libro que recrea unha viaxe no tempo a esa contorna: Kaitóbriga e o clan dos Meriadoi.

Autoedición moi coidada de Paco Boluda, debuxande en diferentes xacementos arqueolóxicos, que nos sorprende con detalles sobre a súa vestimenta, decoración das casas,... baseados en achados reais.

Distribuir contido