Saltar navegación.
Inicio

Actividades Dinamización

Día de Rosalía 2024 no centro

O día 23 de febreiro, Rosalía de Castro en persoa visitounos no centro reencarnada na profesora Nerea Martínez, e estivo charlando coa rapazada de 1º e 2º de ESO sobre a súa vida e obra. Ademais, decoramos o instituto con poemas e fragmentos da autora decorados polo alumnado de todos os cursos da ESO. Podedes ver as fotos aquí:

Día da Paz 2024

Nos tempos que corren, non está de máis lembrar o importante que segue a ser loitarmos pola paz a diario. Por iso, aproveitamos a celebración do Día da Paz para encher o instituto con carteis a prol dela elaborados por alumnado de todos os cursos da ESO.

Día de Rosalía no Concello

Día de Rosalía

O día de Rosalía compartimos festa no auditorio do Concello o alumnado do Escolas Proval xunto coa nosa rapazada de 3ºESO.

En Nigrán tamén se fala!

En Nigrán tamén se fala galego!

60 Alumnos de 4o da ESO do Ies Val Miñor participan na campaña de promoción de promoción da lingua galega entre o comercio local.

O proxecto Aquí Tamén Se Fala xurdiu o curso pasado no Ies Rafael Dieste da Coruña e procura rachar cos prexuízos que invisibilizan a lingua galega. A rapazada exerce de dinamizadora da lingua visitando todo tipo de establecementos que traballan de cara ao público e queiran colaborar, para o cal deben colocar un cartel deseñado co lema “Aquí Tamén Se fala Galego” e facerse unha foto que se promociona nas redes sociais da campaña e na web do centro.

Gañadores e gañadoras dos concursos de Nadal 2023

Parabéns a Lucía Doval Leiro, de 1º ESO C, autora da tarxeta de felicitación gañadora, e aos grupos de 1º ESO C e 2º ESO A, que obtiveron ex aequo o premio no concurso de decoración de portas das aulas.

Concursos de Nadal 2023

Podedes consultar as bases no documento adxunto.

Nadal no Val Miñor de Laura Álvarez

Gañadores e gañadoras dos concursos de Samaín

Tras unha ardua deliberación por parte do xurado, acordouse conceder os premios dos concursos de Samaín aos seguintes alumnos e alumnas:

  • Microrrelatos de medo:
    • Categoría 1º e 2º ESO:
      • 1º premio: Xoana García Pérez (2º ESO A)
      • 2º premio ex aequo: Moraima Fernández Míguez (1º ESO C) e Inés Fernández Gefaell (2º ESO C)
    • Categoría 3º e 4º ESO:
      • 1º premio: Elba Guntín Van Der Meer (3º ESO B)
      • 2º premio ex aequo: Erik Roade Montenegro (4º ESO C) e Noa Sío Torres (4º ESO C)
  • Autoepitafios:
    • Ariadna López Fernández (2º ESO C)
    • Anxo Couso Pereira (2º ESO B)
    • Xoel Vázquez Molares (2º ESO B)

Parabéns aos premiados e a todos os participantes!

Podedes consultar os traballos vencedores no documento adxunto.

Contacontos no CEIP Humberto Juanes (2023)

O 30 de outubro, o alumnado de Oratoria de 3º e 4º de ESO e alumnas de 1º de ESO e 2º de bacharelato acudiron ao CEIP Humberto Juanes para divertir e arrepiar cos seus contos aos cativos e cativas de Educación Infantil e Primaria. Velaquí unha selección de fotos da actividade:

Regueifando no Val Miñor

Un curso máis participamos no obradoiro de regueifas organizado pola asociación ORAL de Galicia e subvencionado pola deputación de Pontevedra. O alumnado de 3ºESO coa materia de Oratoria aprendeu da nosa tradición para proxectala cara ao futuro en forma de copla e desafíos, aprendendo dos mellores: Luís o Caruncho na primeira sesión e Bieito Lobariñas na segunda. Agora a ensaiar e a ver se somos seleccionados para participarmos no certame provincial.

Distribuir contido