Contrato Programa
OBRADOIRO DE RECICLAXE: OS LUNS DE 14:30 16:30
Este obradoiro, que está dirixido polas profesoras Ana Fuentes e Carmela García, reutiliza os materiais e dalles unha nova función e unha nova vida.
Algunhas das obras realizadas neste obradoiro, decoran o instituto, ou forman parte de exposicións didácticas, entre outras funcións.
ÚLTIMAS INTERVENCIÓNS NO PATIO, DENTRO DO PROGRAMA RE-CREO O RECREO.
O profesorado do departamento de Educación Física, púxose mans a obra e pintou as liñas deportivas das canchas exteriores de deportes, para mellorar ese espazo, e que a súa utilidade sexa maior. Polo menos agora xa saben desde onde tirar un tiro libre, ou cal é a área de balonmán, entre outras vantaxes, deste pintado.
Os máis cativos fixeron a transmisión interxeracional do patrimonio lúdico, que antes se xeraba de forma espontánea nos patios, pero que agora precisa dun pequeno pulo. Pero detrás dese pulo, volve a aparecer a fruición, cos xogos de sempre.
MELLORA DA CONTORNA A TRAVÉS DA PINTURA.
A conserxería, sufriu unha remodelación, e tendo a sorte de contar coa profesora Lola Arjones, tamén se lle engadiu a creatividade e arte, que se transforma desde as súas mans á parede, co fin de que a chegada ao noso hall de entrada, sexa máis agradable.
TEATRO NO IES
Os mércores de 16:30 a 18:15 o alumnado de 2º, 3º e 4º da ESO, e os xoves de 18:00 a 20:30 os maiores, fixéronse ensaios de teatro, da man do profesor Andrés Rodríguez Díaz. As obras que se prepararon foron "Soño dunha noite de verán" de Willian Shakespeare e "Jansel e Ponsel". A continuación amosamos algunhas imaxes, do traballo realizado.
Moitas horas de ensaio, memorización de papeis, preparación da tramoia, expresión corporal, ...
PARTICIPACIÓN CONXUNTA DE ALUMNADO E PROFESORADO NO ACTO DE GRADUACIÓN DE 2º BACHARELATO
No acto de graduación de 2º de Bacharelato, realizouse unha actuación musical, que xorde da colaboración entre o alumnado e o profesorado.
O alumnado amosou cualidades musicais excepcionais, coma o dominio do violín, o teclado, o saxofón, a guitarra e o canto. O profesorado tampouco se quedou atrás e afinou a súa guitarra e voz, para acompañar nas cancións que se elixiron coidadosamente e con moita mensaxe, para a despedida. Unha despedida agarimosa.
Foron moitas horas de ensaio e o resultado, pagou a pena.
" UN MAR DE LIXO" EXPOSICIÓN REALIZADA NO AUDITORIO DO CONCELLO DE NIGRÁN
Se queres ver o resultado dunha labor de moitos meses de traballo, CLICA AQUÍ
Para ver todo o traballo previo de investigación, CLICA AQUÍ
INAUGURACIÓN DO CAMPO DE BOLOS CELTAS
Na semana das letras galegas, inauguramos o campo de bolos celtas no instituto, grazas a colaboración de distintas institucións e persoas. O concello, a federación galega de bolo tradicional, clubes como o clube de bolos do Ceán, Roberto xogador e pai de dúas alumnas do centro, o instituto e moitos máis que fixeron este momento posible.
Se queres ver máis fotos dese día CLICA AQUÍ
Publicouse a noticia en prensa. Se queres podes lela. AQUÍ
XORNADA DE ACOLLIDA DO ALUMNADO DE 6º DE EDUCACIÓN PRIMARIA DOS CENTROS ADCRITOS
O catorce de abril recibimos ao alumnado de 6º de Educación Primaria dos CEIP Humberto Juanes e CEIP da Cruz-Camos. Nesta xornada aparte de visitar as instalacións e de participar en varias actividades nos laboratorios, na biblioteca, no ximnasio... realizamos distintos xogos cooperativos que queremos repetir no mes de setembro.
Programa re-creo o recreo
O obxectivo deste programa é fomentar o nivel de actividade física no tempo de recreo, e crear un espazo social de convivencia positiva.
Algunhas das actividades que se levaron e levan a cabo son as seguintes:
Organización de responsables de patio, que permitan un sistema de empréstito de material nos recreos e que axuden a organizar os distintos torneos.
Fixéronse torneos de baloncesto, tenis de mesa, fútbol...
Entregáronse premios
Foto dos gañadores
Campaña de son
O alumnado fixo unha campaña de son, investigando e compartindo o aprendido, cos demáis, a través de cartaces, onde volcaron información moi importante, respecto ao número de decibelios aos que estamos sometidos, en distintos espazos e momentos, da vida no instituto.
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- seguinte ›
- última »