Skip to Content

OBRADOIRO DE ECONOMÍA SOCIAL

   O pasado 27 de setembro o alumnado de 2°CSE, 2°CME e 2°CMP, asistiu a un Obradoiro de Economía Social para F.P. onde lles falaron sobre formas xurídicas, características, vantaxes fiscais, subvencións, busca de financiamento, e diferentes alternativas para emprendedores.

   O obxectivo era dar a coñecer a Economía Social en xeral, e as Sociedades Cooperativas e Sociedades Laborais en particular, como ferramentas para un emprego de calidade.

ACTIVIDADE COLABORATIVA: CREANDO O MURAL

 A finais de setembro unha parte do alumnado de bacharelato participou na realización dun mural en colaboración co alumnado dos IES Concepción Arenal e Sofía Casanova.

  Este traballo é unha continuación do proxecto do curso anterior do equipo de Normalización Lingüística.

 Aquí podedes ver mais imaxes do traballo que este grupo de alumnos realizou durante a mañá.

19 OUTUBRO: DÍA DO CANCRO DE MAMA

O alumnado de micropigmentación realizou uns fantásticos bocetos de areolas para poder formar este gran lazo no mural exposto na entrada do noso centro. Conmemoramos así o día contra o cancro de mama.

XORNADAS DE ACOLLIDA PARA PAIS/NAIS/TITORES LEGAIS

 O próximo xoves 5 de outubro teremos as xornadas de acollida para os pais/nais/titores legais do noso alumnado.

Terán lugar no salón de actos nos seguintes horarios:

  • ESO: Ás 16:30
  • FPB: Ás 17:00
  • Bacharelato: Ás 17:30

Nas xornadas trataremos temas de interese para todo o curso escolar. 

INICIO DO CURSO ESCOLAR 2023-2024

 

As clases comezarán para todos os cursos o luns 11 de setembro ás 8:30. 

O alumnado da ESO acudirá ao salón de actos. O resto do alumnado acudirá a súa aula de referencia.

O alumnado de 1º de BAC terá dispoñible no taboleiro do centro unha lista para comprobar qué grupo ten asignado.

O alumnado debe traer material para este primeiro día (bolígrafo e folios ou caderno), a saída será ás 14:10.

VALIDACIÓN/EXENCIÓN DE MATERIAS ESO E BACHARELATO

ORDE do 22 de xuño de 2023 pola que se establecen medidas para a validación ou a exención de materias da educación secundaria obrigatoria e do bacharelato e materias das ensinanzas profesionais de música e de danza ou a condición de deportista de alto nivel ou de alto rendemento.

AVISO:

Durante o mes de agosto teremos dúas vías de contacto:

  • Chamando ós teléfonos: 881938138 / 604050784 (de 10:00 a 13:00)
  • Enviando un correo a: ies.ricardo.carvalho.calero@edu.xunta.gal

LIBROS DE TEXTO PARA O CURSO 2023-2024

Podedes consultar a lista dos libros de texto para o curso 2023/2024 no apartado do ALUMNADO (parte esquerda desta páxina)

Graduación de 4ºESO e fin de curso

Para finalizar o curso, o alumnado de 4ºESO realizou unha despedida con moito glamour. Comezaron cuns aperitivos a festexar o derradeiro día de clase.

Imaxes de guapos/as

  A continuación fixeron unha gala onde repasaron estes últimos catro anos e onde os seus titores repartiron agasallos e diplomas.

  Ademáis o equipo de normalización lingüística reaprtiu varios agasallos e premios en recoñecemento polo traballo realizado polo alumnado do centro. 

 

ImaxesGala1  ImaxesGala2  ImaxesGala3   

ImaxesPremios

E para finalizar, tivemos a oportunidade de gozar co tradicional  partido entre profesorado e alumnado. E o equipo gañador foi...o profesorado!! Non vos desanimedes rapaces, despois de bacherelato podedes intentalo de novo...

Partido1   Partido2   Partido3   

DATAS PARA MATRICULARSE PARA O CURSO 2023/24

 

  • 2º DE CICLOS FORMATIVOS E FPB: 26 e 27 de xuño
  • 1º de BACHARELATO: 28 e 29 de xuño
  • 2º de BACHARELATO: 30 de xuño
  •  3º e 4º da ESO: 3 e 4 de xullo
  • 1º e 2º da ESO: 5 de xullo
Distribuir contenido


by Dr. Radut