|
E por fin, o venres 9, chegou o Entroido!
Este ano, o tema elixido foi o mar, todos os participantes caracterizáronse co tema que tivese que ver, e a verdade, o fixeron moi ben. Tivemos piratas, sirenas, pescadores, animais mariños, náufragos, contaminación e ata o mesmo mar...
Iniciamos a celebración cunha colaboración entre os pequenos do colexio Ledicia e a nosa xuventude, xuntos fixemos un pequeno recorrido pola pista cuberta xa que a metereoloxía non permitíu o pasarrúas que tiñamos previsto.
A continuación celebramos o tradicional festival de entroido onde cada curso interpretou as súas letras e amosou a súa capacidade de colaboración e traballo en grupo.
Nesta ocasión, 4ºESO gañou o diploma "Mellor clase Entroido 2024" cun pequeno agasallo como recompensa.
O profesorado tampouco decepcionou e o noso náufrago foi o gañador ao mellor disfraz.
O festival finalizou dando paso aos artistas que temos no centro que, sempre están dispostos a facernos disfrutar coa súa arte.
Grazas a todos por facer de novo, outro entroido inolvidable!
|
