IES Ricardo Carvalho Calero

    O alumnado dos primeiros cursos dos ciclos remataron o trimestre cunha formación en primeiros auxilios coa que aprenderon os conceptos básicos e tamén a realizar unha RCP.

   Con esta formación, temos a seguridade de  que o noso alumnado está moi preparado para un imprevisto sanitario e por suposto, eles tamén se sinten moito máis preparados e seguros.

  Aquí podemos ver algunha imaxe máis.

  Con motivo do  8M tivemos varias actividades no centro. A primeira foi a visualización da película "El sueño de la sultana" da que gozaron os grupos de 1º de bacharelato e FPB.

 Ademais, todo o alumnado de bacharelato tivo a oportunidade de acudir ao recitado dos seus compañeiros do grupo de teatro Tixuca no conservatorio os cales demostraron unha vez máis a súa calidade. E para rematar o día, todos gozaron no auditorio da obra de teatro #2pilgrims.

Aquí temos algunha imaxe dos artistas e aquí do público

 O martes 5 de marzo a boa temperatura e os ceos despexados facilitaron a visita do alumnado de Bioloxía e Cultura Científica de 4ºda ESO e de 1º de BAC ao parque natural das Dunas de Corrubedo.

Fixeron unha pequena ruta, pasearon na búsqueda dun bo lugar para unha comida campestre e, coñeceron algún pobo do lugar.

O guía explicoulles de forma moi amena o pasado e presente do parque natural e a diversidade de especies existentes.

Imaxes1       Imaxes2     Imaxes3

O venres 1 de marzo comezamos a mañá coa colaboración do alumnado de CIFP Rodolfo Ucha PIñeiro que preparou uns divertidos xogos para o noso alumnado de 1º e 2º da ESO.

Boa e divertida maneira de comezar un venres e finalizar unha semana de traballo.

Moitas grazas pola vosa implicación!

Aquí temos algunha imaxe.

 O alumnado de cultura audiovisual de 1ºde BAC aproveitou o mes de febreiro para visitar a exposición de Helmut Newton no porto da Coruña, facer algunha compra artística, comer no Monte de San Pedro e rematar a xornada cunha visita ao Museo de Belas Artes. Por suposto, alí tamén fixeron algunha compra artística...

En canto tempo este alumnado sorprenderá cunha exposición propia do seu traballo?