Aquí tedes algunhas fotos que nos mandaron os nosos rapaces desde Saffron Walden (preciosa cidade do Condado de Essex) dentro do programa Vigo en Inglés, organizado polo Concello de Vigo.

Noel Suárez Barros, alumno de 1º Bacharelato de ciencias,  foi admitido no Campus Científico Ad Futurum, no proxecto Trending Topic #La Tierra, iniciativa da Fundación para la Ciencia y la Tecnología e o Ministerio de Educación, Cultura y Deporte. A esta convocatoria dos Campus Científicos presentáronse un total de 3296 alumnos de 1º de BAC.

O alumnado de segundo de bacharelato das materias Xeoloxía e CTMA realizou unha saída a Cabo Home. Como bos científicos que son elaboraron os seus cadernos de campo. Nos arquivos adxuntos podedes ver estes cadernos.

O escritor Fernando Lalana estivo no noso centro onde impartiu unha charla, organizada polo Departamento de Lingua Castelá, ao alumnado de segundo e terceiro de ESO. Como saberedes Fernando Lalana é un escritor de literatura xuvenil galardonado con multitude de premios, entre os que están o "Gran Angular", o "Barco de Vapor", o "Premio Nacional de literatura Infantil y Juvenil" o "Cervantes Chico", etc. Entre os seus libros atópanse algúns tan coñecidos como "Morirás en Chafarinas", "El último muerto", "La tuneladora"...

No seguinte vídeo tedes un resumo da súa visita. 

FERNANDO LALANA from matesrou on Vimeo.

Aquí tedes un pequeno vídeo do acto que se celebrou no noso centro con motivo da celebración do Día da Muller. 

Día Internacional da Muller (convertido) from matesrou on Vimeo.

Queredes ver o ambente que había na nosa celebración do entroido deste ano? Non vos perdades o seguinte vídeo.

Entroido 2017 from matesrou on Vimeo.

O pasado mércores tivo lugar no noso centro a representación de Tempestades, un espectáculo no que os rapaces puideron ver ao actor Ricardo Frazer dando vida a catorce personaxes diferentes, xurdidos de obras de autores como Calderón de la Barca, Ibsen o Shakespeare. Unha experiencia realmente enriquecedora que so a maxia do teatro pode dar. Aquí tedes algunhas fotos:

Como é tradicional, este ano celebramos un novo magosto. Tiramos da corda, fixemos carreiras de sacos, xogamos coas chapas... e, sobre todo, comimos castañas.

Aquí tedes algunhas fotos.

 E se aínda queredes máis...

Magosto 2016 from matesrou on Vimeo.

No seguinte vídeo podedes ver o ben que o pasaron todos o último día de curso. 

Un día nas Cíes from matesrou on Vimeo.

No seguinte vídeo tedes unha escolma do emotivo acto de graduación do noso alumnado de segundo de bacharelato.

Graduación 2015/16 from matesrou on Vimeo.