O día 29 de xullo tivo lugar a defensa do último proxecto de investigación realizado este curso polo alumnado de 2º de bacharelato, dentro do programa STEMbach.

De seguido tedes unha pequena ficha de dito proxecto:

• Título: "Parámetros físico-químicos y bacteriológicos en el estudio de la calidad del agua en el curso del Río Lagares"
• Autores: Andrés Alonso Rodríguez, Andrea Gil Collazo, Claudia Guerra Colmenero, Silvia Mete Vázquez.
• Titores: María Olga Ferro Lorenzo (Departamento de Física e Química do IES ROU), Javier López Bermúdez (Departamento de Bioloxía e Xeoloxía do IES ROU) e Marta Teijeira Bautista (Departamento de Química Orgánica da Universidade de Vigo).

Os nosos parabéns a todos os participantes.

O día 15 de xullo, no Salón de Actos do centro, tivo lugar a defensa de catro dos cinco proxectos de investigación realizados polo alumnado de 2º de BAC no bacharelato de excelencia STEMbach durante os curso 2018-19 e 2019-20. Esta defensa estaba prevista para o día 25 de marzo, no Salón de Graos da Escola de Enxeñeira Industrial da Universidade de Vigo pero o confinamento por mor do Covid-19 non permitiu facelo.

O primeiro grupo, preocupadopola contaminación da ría, presentou un traballo titulado “Estudo da presenza de microplásticos nos areais da contorna da ría de Vigo”.

En Arcade existen dous viadutos distintos, coa finalidade de estudar as diferenzas estruturais destes, outros alumnos presentaron un informe titulado “Evaluación teórico experimental de esfuerzos en estructuras articuladas”.

As características e a seguridade para a saúde das persoas levou a un novo grupo a realizar una investigación ao respecto, que defenderon co título “Estudio de parámetros físico-químico en cosméticos y detergentes”

E o último grupo propuxo unha solución para que todo o alumnado da ESO do noso centro puidese utilizar o transporte escolar, minimizando os custos coa xeración novas rutas para os autobuses. Esta investigación foi recollida no informe “Optimización del transporte en ei IES ROU. Un problema de Programación Lineal Entera”.

O noso agradecemento aos titores, tanto do centro como da Universidade de Vigo, polas súa dedicación a este ilusionante proxecto e os nosos parabéns a todo o alumnado participante polo magnífico traballo feito ao longo destes anos e por afrontar con valentía e tesón a situación sobrevida pola Covid-1.

Aquí tedes unhas pequenas indicacións sobre os traballos e as persoas que participaron neles:

"Optimización del trasporte escolar del ies república oriental do uruguai. Un problema de programación lineal entera"

• Alumnos: Adriano Dellapenna SainzAriadna González Ballesteros
• Titores: Adela-Rosa Rodríguez Rodríguez. IES República Oriental do Uruguai. Gloria Fiestas Janeiro. Departamento de Estatística e Investigación Operativa. Universidade de Vigo

"Evaluación teórico-experimental de esfuerzos en estructuras articuladas"

• Alumnos: Carla Lago Santos, Aitor Rodríguez Iglesias
• Titores: Adela-Rosa Rodríguez Rodríguez. IES República Oriental do Uruguai. Jose Carlos Caamaño Martínez. Departamento de Ingeniería de los Materiales, Mecánica Aplicada y Construcción.

"Estudo da presenza de microplásticos nos areais na contorna da ría de vigo"

• Alumnos Eloy Guimeráns Díaz, Diego Lama veiga, Laura López Alonso, Laura López Rodríguez
• Titores: Pablo Blanco Lobato. IES República Oriental do Uruguai. Estrella Álvarez da Costa. Departamento de Enxeñaría química. Universidade de Vigo.

"Parámetros físico – químicos en cosméticos y detergentes"

• Alumnas Carmen Lorenzo Alonso, Cora Campos Fernández, Celia Casal Calvar, Andrea Pozo Cernadas
• Titores: Pablo Blanco Lobato. IES República Oriental do Uruguai. Estrella Álvarez da Costa. Departamento de Enxeñaría química. Universidade de Vigo

O alumnado do Club de lectura de 1º BACHARELATO, acompañados pola coordinadora dos Clubs de lectura, Carmen Ferreiro, asistiu á representación de DON JUAN TENORIO, un clásico universal.

A sesión foi o martes, 28 de febreiro no teatro Salesianos de Vigo. Gustounos e disfrutámolo moito e iso que non sabiamos que sería a nosa última sesión cultural por moitos meses!

O luns 3 de febreiro, parte do alumnado de 1º ESO tivo a oportunidade de aprender, da man da arquitecta Belén Vaz Luis, non só a importancia da relación entre a arquitectura e as diferentes barreiras que topamos na nosa vida, senón de experimentar como estas supoñen unha dificultade cotiá para aquelas persoas con algún tipo de discapacidade física ou sensorial, sendo conscientes da importancia de que arquitectos, institucións e administración fagan o posible por eliminar esas barreiras.

No seguinte vídeo tedes unha escolma do que foi o acto de graduación do alumnado de segundo de bacharelato, un acto cheo de emoción e bos momentos. Que o disfrutedes.

O noso instituto está que se sae e o Faro de Vigo non podía ser alleo a esta situación. Se facedes clic nos diferentes enlaces poderedes ver do que vos falo:

• Alumnado portugués buscando a Verne con nós de anfitrións.

• O noso  "espazo maker" non para.

• A nosa alumna de 1º BAC Lucía Fontenla, xogadora do Celta Zorka.

Como sabedes, alumnado de primeiro de bacharelato realizou unha ruta por Navarra e Aragón dentro do programa Rutas Artísticas, Científicas e Literarias, convocado polo Ministerio de Educación, Cultura e Deporte. No arquivo adxunto tedes a memoria realizada polo alumnado para que coñezades as actividades que se levaron a cabo en dito programa.

O pasado luns, con motivo do Día Internacional contra a Violencia de Xénero, tivo lugar no noso centro unha recollida de fondos para entregala a Asociación de mulleres vecinais contra o maltrato. Vendéreonse doces feitos polo alumnado e tamén houbo aportacións por parte das familias e do persoal do centro.

Agradecemos todas as colaboración desinteresadas, que fixeron posible doar a cantidade de 289,89 €. Na foto podedes ver a Javier López na asociación o venres, día no que se fixo entrega do recadado.

Onte estivo no noso instituto dona Mª del Huerto Arcaus Sánchez, Consulesa Xeral da República Oriental do Uruguai, que presentounos “Cuentos de la Selva”, de Horacio Quiroga. O alumnado puido ser partícipe da importancia da selva na vida do grande escritor.

Asistiron ao acto o Xefe Territorial da Consellería de Educación en Pontevedra, don César Ares, e a Inspectora do centro, dona Marina Couñago.

Vintecatro alumnos de primeiro de bacharelato de ciencias están a facer unha ruta por Navarra e Aragón dentro do programa Rutas Científicas, Artísticas e Literarias convocado polo Ministerio de Educación, Cultura e Deporte. Comparten este proxecto co IES Casas Viejas de Cádiz.

Nesta foto estan no Laboratorio subterráneo de Canfranc, onde puideron observar experimentos sobre a enerxia e a materia escura.