Temos que dar os nosos parabéns ao curso gañador do "I Concurso Portas Terroríficas do IES ROU" que foi o grupo de 4º ESO B.

Aquí tedes as súas portas.                

O pasado luns tivo lugar na Universidade de Vigo a entrega de diplomas ao noso alumnado do bacharelato de excelencia (STEMbach) Ana Sande e Diego González. Os nosos parabéns.

Chega o fin de curso e con él o momento de despedir a algúns dos nosos alumnos. Haberá dous actos de graduación: o de segundo de bacharelato e o de cuarto ESO. Aquí tedes algunha información que pode ser do voso interese:

Graduación segundo bacharelato:

• Día 10 de xuño, ás 17 h.
• Información confidencial: vai actuar Eva Collazo (voz e piano) e o DJ Roi.

Graduación cuarto ESO:

• Día 17 de xuño, ás 18 h.
• Información confidencial: vai actuar o grupo Bees? (xúntase cartel).

O pasado 20, 21 e 22 de maio, Sara Martínez (1º BAC) e máis eu, Naiara Otero (4º ESO), asistimos ó campionato europeo de danza urbana celebrado no parque de atraccións Wunderland na cidade de Kalkar (Alemaña).

Conseguimos os seguintes galardóns ademais dos do resto de categorías dos grupos, solos e dúos da academia. Foron 36 premios en total.

• Grupo Naiara “DA KIDS” → 4º lugar
• Grupo Sara “YALAKAI” → 8º lugar

Asimesmo, eu Naiara, participo nun grupo formado por arredor de 45 persoas denominado “DA FAMILY” co cal conseguimos un 3º lugar na categoría de Megacrew. Ambas sentímonos moi orgullosas de vivir esta bonita experiencia rodeada de boa xente. Quereriamos tamén dar as grazas á nosa academia DA Vigo e ós nosos profesores por darnos unha gran oprtunidade e por facer isto posible.

Xa fixemos o ingreso do recadado polos marcapáxinas solidarios a Save the Children. Agradecéronnos a aportación co diploma que adxuntamos:

Aquí tedes os carteis do entroido que fixo Marta Olivares para que vaiades quentando motores.

A Deputación de Pontevedra escolleu o noso centro para presentación dos calendarios competenciais, ideados pola mestra e pedagoga Teresa Domínguez.

No acto participaron a presidenta da Deputación, Carmela Silva, o alcalde de Vigo, Abel Caballero, a propia Teresa Domínguez, a profesora do centro (que colaborou na realización dos calendarios) Mercedes Martín, e o director, Pablo José Martínez.

Según indicou a presidenta da Deputación "estes calendarios son instrumentos que axudan ás nenas e ós nenos a converterse en persoas con pensamento crítico... e que o fagamos como colectividade".

Tal e como vos informabamos, a orquestra 430, baixo a dirección de Isabel Rubio, continúa coa excelente relación co noso instituto que iniciamos o pasado curso e ofreceunos todo o seu bo facer.

O alumnado do centro puido asistir e disfrutar de primeira man da presenza dunha orquestra sinfónica, algo non habitual nun centro educativo.

Agradecemos a súa deferencia con nós e esperamos seguir mantendo esta, sen dúbida enriquecedora, relación.

Deixámovos cun pequeno vídeo para que vos fagades unha idea do que aconteceu. 

Continuando cos concertos iniciados no pasado curso, a Orquestra Sinfónica 430 volta ao noso instituto baixo a dirección de Isabel Rubio e con Antonio Queija ao piano.

Engadimos uns carteis que fan referencia á programación dos concertos desta afamada orquestra.