Clubs de Lectura
Le Petit Prince atterrit au ROU
Este curso 2020/21, o alumnado do Club de lectura de francés, coordinado por Henar Pascual Malvar, leu Le Petit Prince de Antoine de Saint- Exupéry e visionou a adaptación cinematográfica de Mark Osborne. Posteriormente, elaboraron o seguinte audiolibro no que quedan reflectidas as súas impresións acerca deste clásico da literatura universal. Á súa vez, guiados por Pablo Martínez Rodríguez, os seus compañeiros de Plástica realizaron unhas fermosas maquetas para expoñer no centro.
Club de lectura 1º BAC
O alumnado do Club de lectura de 1º BACHARELATO, acompañados pola coordinadora dos Clubs de lectura, Carmen Ferreiro, asistiu á representación de DON JUAN TENORIO, un clásico universal.
A sesión foi o martes, 28 de febreiro no teatro Salesianos de Vigo. Gustounos e disfrutámolo moito e iso que non sabiamos que sería a nosa última sesión cultural por moitos meses!
 |
 |
Visita á Biblioteca Neira Vilas
O venres 20 de decembro, o alumnado dos Clubs de lectura de 1º e 2º ESO visitaron á Biblioteca Neira Vilas coa profesora Mª Jesús Fernándezl e a cordinadora dos Clubs de lectura Carmen Ferreiro. Puideron comprobar como funciona unha biblioteca por dentro e como se organiza. A continuación asistiron a unha interesante e amena charla sobre literatura e deportes e para rematar a sesión participaron nun divertido xogo de preguntas e respostas sobre o que aprenderan. Pasámolo moi ben!
 |
 |
Xa temos Instagram
Seguindo coa nosa idea de estar presente nas redes sociais, temos creado unha conta en Instagram. Trátase dunha páxina cultural para publicar as novedades da biblioteca do centro e dos clubes de lectura.
Animamos a toda a comunidade educativa para que participe.
Visita a Faro de Vigo
O mércores 29 de maio, o alumnado do Club de lectura de 1ºBACHARELATO e 4º ESO coas súas profesoras Silvia Costas e Carmen Ferreiro visitaron ás instalacións do Faro de Vigo, o xornal da nosa cidade e decano da prensa nacional onde puideron comprobar como se organiza a publicación deste xornal.
 |
 |
|
 |
||
Visita á biblioteca Neira Vilas
O alumnado do Club de lectura de 1º ESO e o Club de lectura fácil de 1º Y 2º DE ESO visitaron á Biblioteca Neira Vilas coa profesora Andrea Doural e a cordinadora do Club de lectura Carmen Ferreiro o xoves 30 de maio. Viron como funciona unha biblioteca dende dentro, como se ordenan os libros e como se poden localizar e asistiron a unha charla sobre viaxes, algunhas reais outras imaxinarias. Alí ensináronlle diferentes tipos de Atlas, faláronlle de Xulio Verne e as súas viaxes extraordinarias, de lugares míticos como Oz, o País das Maravillas, A Comarca ou Marnia e tamén puideron facer a súa propia viaxe nun divertido xogo.
 |
 |
 |
Visita ao teatro
O Club de lectura de 1º ESO e o Club de lectura fácil DE 1º Y 2º DE ESO asistiron ao teatro Salesianos para ver a obra UN MILLÓN DE LIKES que trata das redes sociais e de como estas transforman a nosa forma de relacionarnos e comunicarnos. Estiveron acompañados pola profesora Andrea Doural e a cordinadora do Club de Lectura Carmen Ferreiro. A experiencia gustoulles moito e para algúns foi a súa primeira incursión teatral!
 |
 |
 |
Concurso de viñetas sobre Drácula
Xa coñecemos as gañadoras do concurso de viñetas sobre Drácula no que participou o alumnado do Club de LECTURA FÁCIL DE 1º E 2º DE ESO. As gañadoras foron:
- 1 PREMIO: AHIRIANA JULIETA MOLINA DE 2º ESO B.
- 2º PREMIO: ASHLEY MELISA TRIGUEROS DE 1 ESO B.
 |
 |
 |
 |
 |
|
Os clubs de lectura en Santiago
O 17 de xuño varios membros dos Clubs de lectura do ROU asistimos en Compostela a unha gran celebración co gallo dos dez anos continuados dos CLUBS DE LECTURA nos centros de ensino secundario de Galicia. Coñecemos autores e autoras do panorama literario galego e español, poetas e narradores, creadores do ámbito da ilustración, o cómic, o graffiti, xornalistas culturais de televisión e radio, expertos do mundo do cine, músicos, xentes do rap e da regueifa, expertos en temas de lectura... Todo un luxo!
No arquivo adxunto tedes o programa de dita celebración.
Os clubs de lectura en Santiago from matesrou on Vimeo.
Le malade imaginaire
Alumnado de 4º ESO do noso centro asistiu á representación da obra "Le malade imaginaire", de Molière, na que viñan traballando previamente no Club de Lectura de Francés. Como podedes ver nas fotos, parece que disfrutaron da representación.
