Skip to Content

Universidade de Vigo: Xornada de Orientación Universitaria Virtual

O alumnado de bacharelato ou de ciclos superiores de FP poderá informarse desde a súa casa sobre as novidades da ABAU, a preinscrición, o acceso, a matrícula, a oferta dos graos e as súas saídas profesionais así como sobre os  distintos servizos xerais da Universidade de Vigo.

O vindeiro 13 de maio, de 17.00 a 19.30 h, #ConectacoaUVigo!
Clave de acceso do estudantado: 5b9Uvb

Para máis información, prema aquí.

Información do desenvolvemento do terceiro trimestre

A Comisión de Coordinación Pedagóxica do IES Plurlingüe Pintor Colmeiro, reunida o día 4 de maio de 2020, acordou facer pública unha comunicación na que se informa á comunidade educativa do desenvolvemento do terceiro trimestre. Prema aquí para consultala.

Departamento de Orientación. Atención telemática no terceiro trimestre

Dada a imposibilidade de manter contacto presencial, o Departamento de Orientación do IES Plurilingüe Pintor Colmeiro atende todas as consultas no seguinte endrezo electrónico: mariajesusensino@gmail.com.

Proximamente colgaranse na nosa web materiais específicos de orientación académica e profesional. Poderás acceder a todas esas publicacións no apartado específico dese departamento (lembra: na columna esquerda da web).

Instrucións para o 3º trimestre e instrucións para a ABAU [2020]

A Dirección Xeral de Educación, Formación Profesional e Innovación Educativa publicou hoxe na web corporativa da Consellería dúas entradas de grande interese para a comunidade educativa do noso centro:

  • Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia [aquí]. A Consellería publicou un documento aclaratorio [aquí].
  • Resolución do 28 de abril de 2020, conxunta da Secretaria Xeral de Universidades e da Dirección Xeral de Educación, Formación Profesional e Innovación Educativa, pola que se modifica a Resolución do 26 de febreiro de 2020, conxunta da Secretaria Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2019/2020, da avaliación de bacharelato para o acceso á Universidade (ABAU) para o curso 2020/2021 [aquí].

Última hora: normativa recente de FP e ABAU

Publicada a Resolución do 23 de abril de 2020, da Dirección Xeral de Educación, Formación Profesional e Innovación Educativa, pola que se adoptan medidas excepcionais no desenvolvemento das ensinanzas de formación profesional do sistema educativo e nas ensinanzas de réxime especial.

Orientacións provisionais do 17 de abril para o desenvolvemento do terceiro trimestre do curso 2019/2020 (Á espera da publicación da normativa estatal correspondente)

A Consellería de Educación, Universidade e Formación Profesional publicou hoxe un documento no portal educativo titulado Orientacións provisionais do 17 de abril para o desenvolvemento do terceiro trimestre do curso 2019/2020.

É importante ter en conta que a Consellería especifica que está á espera da publicación da normativa estatal para elaborar un documento definitivo. 

Á espera de normativa

En primeiro lugar, queremos saudarvos a todos os membros da nosa comunidade educativa. Agardamos que esteades levando o mellor posible esta difícil situación que nos toca vivir. 

Como sabedes, estamos á espera de que a Consellería de Educación dite instrucións para o desenvolvemento do último tramo de curso. A propia administración anunciou no portal educativo que tales instrucións serán dadas a coñecer despois da xuntanza da Conferencia Sectorial de Educación, prevista para o vindeiro mércores, 15 de abril. 

Daremos conta desta normativa tan pronto se publique.

Lembrade que mantemos abertas as nosas canles de comunicación nestes tempos de confinamento:

Unha aperta e coidémonos!

Certificados B1 e B2 de inglés

Unha vez recibidos os resultados das probas do ISE do Trinity College London para certificar o nivel B1 e B2 do MCER, o IES Pintor Colmeiro e, moi especialmente, o departamento de inglés queren felicitar o seu alumnado polos resultados. Foi unha proba voluntaria na que un alto número de estudantes de 4º ESO e 1º BAC decidiu facer traballo extra tanto na casa coma nos talleres voluntarios das tardes dos luns e dos xoves.

Grazas a todo este alumnado polo seu esforzo; mereceu a pena. Poucos son os que non o conseguiron, mais quedaron moi cerca de lograr o seu certificado. Seguirémolo intentando.

Son momentos difíciles e as boas novas axudan a que este confinamento sexa máis doado de levar.

Parabéns a todos e todas.

Programa A Ponte da USC. Encontros Virtuais, 6, 7 e 8 de abril

A Universidade de Santiago achéganos a seguinte comunicación:

A pesar da situación na que todos nos encontramos, a Universidade de Santiago de Compostela (Campus de Lugo e Santiago) non quere deixar de acercarse ó estudantado de secundaria e está organizando os “Encontros Virtuais”  orientados á estudantes de secundaria e as súas familias e, por extensión, a toda a sociedade.

Os “Encontros Virtuais” da USC, terán lugar en pleno confinamento a vindeira semana, os días 6, 7 e 8 de abril (luns, martes e mércores de Semana Santa), a través da Web da USC.

Axudas ás familias do alumnado beneficiario de bolsas de comedor escolar

O DOG publica na súa edición de hoxe a Orde pola que se convocan axudas de carácter directo ás familias do alumnado beneficiario de bolsas de comedor escolar nos centros públicos non universitarios durante a situación de suspensión do servizo de comedor como consecuencia do COVID-19. 

Poderán ser beneficiarias destas compensacións as familias con un ou máis fillas/os escolarizados en centros públicos xestionados pola Consellería de Educación, Universidade e Formación Profesional que teñan a condición de comensais gratuítos ou pagadores dun euro con data 31/01/2020.

Os importes diarios das axudas serán de 2,50€ para comensais con gratuidade total e de 1,50€ para comensais que pagan 1€.

As solicitudes deberán tramitalas as familias por vía electrónica no portal da Xunta de Galicia. Estamos a vivir unha situación excepcional, polo que a administración habilitou un procedemento para que os equipos directivos dos centros lles axuden ás familias que non dispoñan de coñecementos ou medios para facer o trámite por vía electrónica. En consecuencia, as familias que queiran xestionar estas axudas a través do centro deberán remitirnos ao correo electrónico a seguinte documentación:

  • Fotografía do documento de identidade (NIF, NIE...) dos representantes legais do alumno/a (pai/nai ou ambos, segundo o caso).
  • Fotografía do número de conta dos representantes legais. É importante que nesa fotografía figure o nome da persoa titular da conta. Se non fose posible, indíquennos ese dato no corpo do correo.

O prazo límite remata o día 6. Polo tanto, as familias que desexen que sexa o centro quen xestione a súa solicitude teñen como data límite o sábado día 4 para remitirnos a documentación requirida. O correo electrónico do centro é ies.pintor.colmeiro@edu.xunta.gal.

Importante: lembren que non podemos atender presencialmente para cumprir as obrigas do confinamento. 

Distribuir contido


by Dr. Radut