Skip to Content

Bolsas para estudos postobrigatorios. Precisas axuda?

Está aberto o prazo de solicitude de bolsas para o alumnado que curse estudos postobrigatorios no ano académico 2020-2021 (bacharelato, ciclos formativos e FP básica). 

Se precisas axuda para formalizar a túa solicitude, ofrecémosche a posibilidade de vir polo instituto para que che botemos unha man. Os días que temos dispoñibles son o 28 e o 29 de setembro en horario comprendido entre 16.00 h e 19.00 h. 

Os documentos que precisas para poder completar o proceso son, en principio, os seguintes:

  • Documentos de identidade de todos membros da unidade familiar (orixinais, fotocopiados ou escaneados)
  • Número de conta bancaria na que figure a alumna/o.

Listaxes ESO/BAC 2020/21

Publicamos as listaxes do alumnado de ESO e bacharelato segundo a asignación aos grupos.  Os datos que se facilitan son o primeiro apelido e os 4 últimos caracteres do documento de identidade que figura no seu expediente:

COVID-19. Documentación para o inicio de curso

O IES Plurilingüe Pintor Colmeiro está preparando o inicio de curso para que a volta ás clases se desenvolva coas máximas garantías de seguridade sanitaria. Todas as actuacións deseñadas con ese propósito recóllense no Plan de Adaptación á situación COVID 19, que en breve lle será presentado á comunidade educativa. Ofrecemos agora algúns documentos de traballo que consideramos de interese:

  • Enquisa epidemiolóxica. Este documento é unha guía para que as familias actúen en consecuencia. Non é preciso imprimila nin enviala.

Calendario de inicio do curso 2020/2021

Podes consultar nesta ligazón o calendario de inicio de curso 2020-21.

Aproveitamos para lembrar que temos matrícula aberta para cursar parte da nosa oferta formativa:

  • CUALE. Se este ano cursas 4º de ESO ou ciclo medio, pódeste matricular no curso de A2. Se xa tes o certificado A2 do MCER ou estás en bacharelato, ciclo medio ou ciclo superior, faino no curso de B1. Para formalizar a matrícula, cubre este impreso e fáinolo chegar, ben por correo electrónico (cuale@iespintorcolmeiro.org) ou entregándoo nas oficinas.
  • Educación de persoas adultas. Podes matricularte na ESA (educación secundaria para persoas adultas) ou na EBI (ensinanzas básicas iniciais). Ponte en contacto con nós para máis información.

Bolsas para alumnado con necesidades específicas de apoio educativo [2020-2021]

Está aberto o prazo de solicitude de bolsas para o alumnado con necesidades específicas de apoio educativo para o curso académico 2020-2021.

Prazo de presentación: desde o 9 de agosto de 2020 ata o 30 de setembro de 2020.

As solicitudes deben formalizarse na sede electrónica do Ministerio de Educación e Formación Profesional [aquí].

Máis información no Portal de bolsas do Ministerio de Educación e Formación Profesional.

Bolsas para estudos postobrigatorios [2020-2021]

Está aberto o prazo de solicitude de bolsas para o alumnado que curse estudos postobrigatorios no ano académico 2020-2021 (bacharelato, ciclos formativos e FP básica).

Prazo de presentación: desde o 9 de agosto de 2020 ata o 1 de outubro de 2020.

As solicitudes deben formalizarse na sede electrónica do Ministerio de Educación e Formación Profesional [aquí].

Máis información no Portal de bolsas do Ministerio de Educación e Formación Profesional.

Protocolo de adaptación ao contexto da COVID-19

A Consellería de Educación, Universidade e Formación Profesional publicou no seu portal web o Protocolo de adaptación ao contexto da COVID-19 nos centros de Ensino non Universitario de Galicia para o curso 2020-2021.

ÚLTIMA HORA. A A Consellería de Educación, Universidade e Formación Profesional publicou o 31 de agosto unha actualización do protocolo

Probas extraordinarias de setembro 2020

Martes 1 e mércores 2 de setembro: 

  • Exames da convocatoria extraordinaria. Na seguinte ligazón pode consultar o calendario das probas.
  • Devolución dos libros de texto non entregados en xuño. 

Venres 4 de setembro:

  • Publicación das cualificacións en Abalar. 
  • Inicio do prazo de reclamacións e de matrícula (dous días hábiles).

Fondo solidario de libros de texto: listaxes provisionais

Están dispoñibles as listaxes provisionais de solicitudes admitidas e excluídas na participación do fondo solidario de libros de texto.

No artigo 13 bis da Orde do 12 de maio de 2020 establécese que todas as listaxes serán publicadas "única e exclusivamente no taboleiro de anuncios situado no interior do edificio escolar". Polo tanto, a devandita documentación só pode consultarse nas dependencias do centro ou por vía electrónica na aplicación Fondolibros, usando Chave 365 ou o certificado dixital.

Os vales de material escolar poden retirarse das oficinas do IES Plurilingüe Pintor Colmeiro a partir do día 13 de xullo.

Queres certificar o teu nivel de inglés? Programa CUALE

O programa CUALE ten como misión preparar ao alumnado para as probas de certificación de niveis de ensinanzas especializadas de idiomas, en consonancia co MCERL. Supón unha magnífica oportunidade para que as alumnas e alumnos do IES Plurilingüe Pintor Colmeiro poidan certificar o seu nivel de Inglés.

É unha actividade VOLUNTARIA e GRATUITA, a desenvolver FÓRA DO HORARIO ESCOLAR, unha tarde á semana. Preinscripción ata o 15 de xullo.

Distribuir contido


by Dr. Radut