Actividades 2007-08, Actividades 2008-09, Actividades 2010-11, Actividades de cursos anteriores, Actividades 2011-12

Actividades

Xov, 17/11/2011 - 21:47 — admin

OBXECTIVOS

O obxectivo da programación de Actividades Extraescolares e Complementarias do IES Pedro Floriani é engadir á formación do alumnado unha serie de actividades, non propiamente docentes, pero fundamentais para a súa formación como persoas. Ademais, trátase de planificar o curso académico de forma que as datas en que se altere a vida escolar sexan coñecidas por todos/as e permitan solucionar rapidamente as dificultades que poidan xurdir.

Dentro dos obxectivos:

-Formación da capacidade crítica dos individuos.

-Coñecemento de distintas manifestacións culturais.

-Formación como cidadán/a.

As actividades ofértanse aos alumnos e alumnas en función da súa idade e os seus intereses. Inténtase que a dimensión dos grupos que participan sexa a adecuada, que todo o alumnado teña algunha actividade no propio centro e que fagan unha saída tamén fóra de mesmo.

Nestas actividades poden participar o alumnado, o profesorado e resto de personal non docente do Centro. A súa xestión corre a cargo do profesorado e a coordinación faise dende Vicedirección do Centro; a ANPA prestará a súa axuda e tamén se conta coa colaboración de Pilar Dios (coordinadora do Biblioteca) e profesorado que ano tras ano participa activamente nas actividades de centro.

Así mesmo, procúrase que todas as actividades, tanto propostas polos distintos departamentos como as propostas directamente polo DACE, estean programadas co tempo suficiente para que toda a comunidade educativa afectada teña coñeza previamente as datas e o carácter das mesmas, alterando o menos posible a vida do centro.

Unicamente quedarían abertas e sen programar aquelas actividades que non se poidan ter previstas con antelación tales como concertos, exposicións, etc, por non coñecer aínda a oferta das mesmas.

Para a organización de tales actividades contarase coa colaboración do Departamento de Orientación para a preparación de materiais tendentes a salientar a importancia das referidas conmemoracións.

XESTIÓN ECONÓMICA DAS ACTIVIDADES. ORZAMENTO

Para financiar os gastos do proxecto de actividades extraescolares e complementarias, o instituto ten unha partida orzamentaria de 3343,56 € .

Como queda recollido no RRI, as actividades serán costeadas polo alumnado, os departamentos didácticos, a ANPA e outros organismos. O departamento de actividades complementarias e extraescolares contribuirá aportando ata o 50% do autobús naquelas actividades complementarias que requiran desprazamento.

No Consello Escolar celebrado o día 20 de outubro de 2010 decidíuse que as actividades que non foron orzamentadas nas programacións dos departamentos quedarán supeditadas ao orzamento de que se dispoña no momento da súa celebración.

Tendo en conta o citado no parágrafo anterior, o orzamento total das actividades de centro propostas polo DACE supoñen um total de 1600 €, repartidos entre actividades conmemorativas e outras conmemoracións que se celebran tradicionalmente no nosso centro.

DEPARTAMENTO DE ACTIVIDADES COMPLEMENTARIAS E EXTRAESCOLARES

ACTIVIDADES CONMEMORATIVAS

ACTIVIDADE	DATAS Ó LONGO DO CURSO	ORZAMENTO
Semana da Ciencia	Do 7 ao 18 de novembro	50 €
Conmemoración da Constitución e do Estatuto de autonomía de Galicia	Do 1 ao 11 de decembro	-
Día da Declaración Universal dos Dereitos Humanos	10 de decembro	50 €
Día da Paz	30 de xaneiro	100 €
Día Internacional da Muller Traballadora	8 de marzo	50 €
Día Mundial dos Dereitos do Consumidor	15 de marzo	-
Semana da Prensa	Do 12 ao 16 de marzo	-
Semana do Libro	Entre o 12 e o 30 de abril	100 €
Día Mundial da Saúde	7 de abril	-
Día de Europa	9 de maio	-
Semana das Letras Galegas	Do 9 ao 16 de maio	150 €
Día Mundial do Medio Ambiente	5 de xuño	50 €

FESTAS TRADICIONAIS E OUTRAS CELEBRACIÓNS

ACTIVIDADE	DATA	COMENTARIO
Samaín	11 novembro	Contacontos – Plan Lector / Biblioteca: Lectura de relatos de medo en distintos idiomas. Participan todos os grupos de ESO. Exposición de cabazos.	50 €
Magosto	11 novembro	Degustación de castañas. Concurso de receitas con castañas. Cancións Celtas en distintos idiomas – Plan Lector / Biblioteca Sorteo de regalos. Carreira solidaria.	200 €
Festival de Nadal	21 decembro	Actividades organizadas polo alumnado e profesorado. Xogos deportivos.	100 €
Entroido	17 febreiro	Concurso de disfraces Concurso gastronómico Karaoke. Sorteo de regalos. Murais alusivos ao tema.	250 €
Festival despedidaalumnos/as de Bacharelato e Ciclos Formativos	Maio-xuño	Entrega de orlas e diploma ós alumnos que rematan o Bacharelato e Ciclos Formativos nun acto no Multiusos deRedondela ó que se invitara ás familias.	350 €
Festival fin de curso	22 Xuño	Actividades organizadas polo alumnado e profesorado. Xogos deportivos.	100 €

TOTAL: 1.050 euros

PROPOSTA DE ACTIVIDADES EXTRAESCOLARES E COMPLEMENTARIAS CURSO 2011-2012

ACTIVIDADES QUE SE LEVARÁN A CONSELLO ESCOLAR PARA A SÚA APROBACIÓN

Fotos do Entroido

Mar, 03/03/2009 - 14:57 — admin

Ligazón ás fotos do entroido 2009

Viaxe a Paris

Ven, 27/02/2009 - 13:39 — admin

O Departamento de Francés organizou unha viaxe a Paris para os alumnos de 2º Bacharelato. Á principios de xaneiro, estivemos cinco días na capital francesa da que visitamos os monumentos mais típicos: Notre-Dame, Arc de Triomphe, Champs Élysées, Tour Eiffel, museos Rodin, Orsay e Louvre, Montmartre e Palacio de Versailles.

A pesar do frío e do cansancio que fomos acumulando, a viaxe foi unha experiencia moi boa e gardamos excelentes recordos.

Se queres ver as fotos fai clic aquí.

Fotos do Magosto

Mar, 17/02/2009 - 18:53 — admin

Ligazón ás fotos do magosto 2008

Proxección de "Pradolongo"

Dom, 18/01/2009 - 11:09 — Anónimo

O pasado 17 de decembro 110 alumnos e alumnas da Eso e Bachalerato do noso centro asistiron no Multiusos da Xunqueira a proxección de película galega "Pradolongo", nunha actividade realizada en colaboración con Normalización Lingüística do Concello de Redondela

MEDINDO O UNIVERSO. A HISTORIA DAS MEDIDAS

Mar, 25/11/2008 - 20:01 — Anónimo

Co motivo da Semana da Ciencia o Departamento de Física e Química organizou unha exposición, no salón de actos do instituto, co título de “MEDINDO O UNIVERSO.A HISTORIA DAS MEDIDAS”.Nela aprendimos moito acerca das medidas, da súa historia, de cómo Eratóstenes mediu o radio da Terra con escasa tecnoloxía, cal é o organismo que se encarga de establecer as unidades de medida, as novas definicións das magnitudes fundamentais: lonxitude, masa, tempo, temperatura, cantidade de substancia, intensidade de corrente, intensidade luminosa,...

Nos últimos paneis atopamos as unidades de medida tradicionais na nosa terra como por ejemplo a maquila, unidade de medida de superficie.

VISITA A SOTAVENTO, XERMADE-LUGO

Lun, 24/11/2008 - 10:20 — Anónimo

O día 6 de Outubro os departamentos de Economía e Física e Química do noso instituto organizaron unha visita ao parque eólico situado en Xermade ( Lugo) que esta xestionado pola empresa “Sotavento”.Alí aprendimos a usar a enerxía dun modo máis racional: uso de bombillas de baixo consumo, reductores do caudal da auga na ducha, a aforrar cartos en materia enerxética, en definitiva, a protexer o medio ambiente.

Ensinarónnos cómo é un aeroxerador por dentro e por fora e explicáronnos o seu funcionamento. Foi un desprazamento moi interesante e instructivo

VISITA AO CONCELLO DE REDONDELA

Ven, 21/11/2008 - 12:05 — Anónimo

A visita ao Concello realizouse o día 18 de novembro, cos alumnos/as do Ciclo Medio de Xestión Administrativa e os de 1º do Ciclo Superior de Administración. As profesoras que acompañaron na visita foron Marisa Castro e Mercés Castro.
Fomos recibidos pola secretaria de Prensa que nos explicou de forma demasiado reducida as salas que había.
Posteriormente ensináronnos algunha das dependencias, acompañándonos tamén na visita a concelleira de educación.
Ensináronnos os calabozos, os arquivos e fomos recibidos polo alcalde que se prestou a que lle preguntasen o que quixesen.
Logo ensináronnos a biblioteca, onde puidemos ver as maquetas das penlas e da coca, visitamos a dos pequenos que commemoraban o cumpre dos pitufos e para rematar a biblio onde algún alumno solicitou libros e CDs , a sala de internet e informáronnos da posibilidade de realizar cursos interactivos

VISITA AO XULGADO DE REDONDELA

Ven, 21/11/2008 - 11:56 — Anónimo

A visita ao Xulgado realizouse o día 30 de outubro, cos alumnos/as do Ciclo Medio de Xestión Administrativa. A idea era asistir a unha vista, pero ese dia canceláronse todas. A cambio a xuíz atendeunos toda a mañá, explicounos as funcións dela e da secretaria do xulgado, e fixéronse comentarios sobre casos de actualidade en prensa.
Posteriormente ensináronnos todas as dependencias, acompañándonos en todas as visitas, ao seu despacho, ao rexistro onde unha alumna puido ver a súa partida de nacemento, a pesar de que tamén nos dixeron que agora todo esta dixitalizado. Tamén nos explicaron o procedemento aplicado para comunicar unha comparecencia no xulgado, é dicir, como actuaban se lles atendían.
Ensináronnos os calabozos, e o lugar onde se facian as rodas de recoñecemento, que foi o que máis lles gustou.
Os alumnos e as profesoras quedamos moi contentos do trato recibido.`